‘အာဏာရူးကြီး မှူးကြီးသန်းရွှေ’ ဟု ရေးသားသူ ကဗျာဆရာကို ရုံးထုတ်ပြန်
| ဖနိဒါ | |
| အင်္ဂါနေ့၊ ဇွန်လ 24 2008 20:33 - မြန်မာစံတော်ချိန် | |
| ချင်းမိုင်။ ။ အသက်အရွယ် ကြီးမြင့်လှပြီဖြစ်သော နအဖ ဥက္ကဋ္ဌ ဗိုလ်ချုပ်မှူးကြီး သန်းရွှေကို အာဏာရူးဟု လှောင်ပြောင် သရော်ခဲ့သူ နာမည်ရ ကဗျာဆရာ ကိုစောဝေကို ဗဟန်းမြို့နယ် တရားရုံးတွင် ယမန်နေ့က တတိယ အကြိမ်မြောက်အဖြစ် တရားရုံးတွင် အမှုစစ်ဆေးခြင်း ပြုခဲ့သည်။ ယခုနှစ် ဇန်နဝါရီလ အတွင်းက ရန်ကုန်အခြေစိုက် အပတ်စဉ်ထုတ် အချစ်ဂျာနယ်တွင် ဖော်ပြခဲ့သည့် ချစ်သူများနေ့ အထိမ်းအမှတ်ကို ရည်ညွှန်း သော ‘ဖေဖော်ဝါရီဆယ့်လေး’ ခေါင်းစဉ်ဖြင့် ကိုစောဝေ၏ ကဗျာတွင် လျှို့ဝှက်ကုတ် သဘောမျိုး ရေးသားထားပြီး ထိပ်စီးစာလုံးများကို အပေါ်မှ သည် အောက်သို့ အစဉ်လိုက်ဖတ်ပါက ‘အာဏာရူးကြီး မှူးကြီးသန်းရွှေ’ ဟူသည့် စာသား ပေါ်ထွက်လာသည်။ ထို့နောက် နီးစပ်ရာအချင်းချင်း လက်သိပ်ထိုး ပြောကြားကာ ဟိုးလေးတကျော်ကျော် ဖြစ်ခဲ့ပြီးနောက် ဝေဖန်ခြင်းကို ဆတ်ဆတ်ထိမခံ အရေးယူ အပြစ်ပေးလေ့ရှိသည့် စစ်အစိုးရက ထုံးစံအတိုင်းပင် အလျင်အမြန် ဖမ်းဆီးခဲ့သည်။ အစိုးရဘက်က ကဗျာဆရာသည် ပြည်သူလူထုကို ဆူပူမှုဖြစ်စေရန် လှုံ့ဆော်သည်ဟု စွပ်စွဲပြီး ပုဒ်မ ၅ဝ၅ (ခ) ဖြင့် တရားစွဲဆိုထားသည်။ ကိုစောဝေအတွက် အကျိုးဆောင်ရှေ့နေ ငှားရမ်းခွင့်ပြုသော်လည်း တရားရုံးတွင် ခုခံလျှောက်လှဲခွင့် လွှဲစာကိုမူ ယခုထက်ထိ မထုတ်ပေးဘဲ ထားသည်။ “မနေ့ကနဲ့ဆို စောဝေ ရုံးထုတ်တာ ၃ ကြိမ်ရှိပြီ။ စာပေစိစစ်ရေးက တယောက်၊ အချစ်ဂျာနယ်က တယောက် သက်သေခံအဖြစ် စစ်ဆေး မေးမြန်းတယ်။ ရှေ့နေကလည်း ပါဝါ မကျတော့ ရှေ့နေ မပါသလို ဖြစ်နေတယ်။ ပါဝါ မကျတော့ ရှေ့နေရှိနေသားနဲ့ ဘာမှ ပြောခွင့်ချေပခွင့် မရဘူး။ ကိုစောဝေ သူ့ဖာသာသူပဲ မေးဖြေလုပ်တယ်လေ” ဟု တရားခွင်သို့ သွားရောက် နားထောင်ခဲ့သူ ကိုစောဝေ၏ ဇနီးသည် ဒေါ်နန်းစမ်းစမ်းအေးက မဇ္ဈိမကို ပြောသည်။ ပထမအကြိမ် ရုံးထုတ်စစ်ဆေးခြင်း မေလ ၂၇ ရက်နေ့က စတင်ခဲ့သော်လည်း မရမ်းကုန်းမြို့နယ်နေ ကိုစောဝေ၏ ရှေ့နေ ဦးစိုးမောင်ကို လွှဲစာခွင့်ပြုချက် ထုတ်မပေးသေးခြင်းနှင့် ပတ်သက်၍ အာဏာပိုင်များက ရည်ရွယ်ချက်ရှိရှိ အချိန်ဆွဲထားခြင်း ဖြစ်သည်ဟု ရန်ကုန်ရှေ့နေ အသိုင်းအဝိုင်းက ပြောသည်။ “ပါဝါတင်ထားတာ နှစ်ပတ်လောက် ရှိသွားပြီ။ ဒါပေမဲ့ မကျသေးတော့ ဘာမှ ချေပလို့ မရသေးဘူး။ နောက်အပတ်ထဲမှာ ရမယ်လို့တော့ ပြောတာပဲ။ ခါတိုင်းဆိုရင် ၃ ရက်၊ ၄ ရက်လောက်ပဲ စောင့်ရတယ်” ဟု အမည်မဖော်လိုသူ ရှေ့နေတဦးက ပြောသည်။ ‘ဖေဖော်ဝါရီဆယ့်လေး’ အမည်ရှိ အချစ်ကဗျာ၏ ထိပ်ဆုံးစာလုံးများကို အထက်မှ အောက်သို့ အစဉ်လိုက် ဖတ်ပါက ‘အာ-နာ-ရူး-ကြီး-မှူး-ကြီး-သန်း-ရွှေ’ ဟူသည့် စာသား ပေါ်ထွက်နေသဖြင့် အာဏာပိုင်များက ယခုနှစ် ဇန်နဝါရီလ ၂၂ ရက်နေ့က ဖမ်းဆီးခဲ့သည်။ အမှုဖြစ်ပွားနေရသည့် ကဗျာမှာ အောက်ပါအတိုင်းဖြစ်သည်။ ဖေဖော်ဝါရီ ဆယ့်လေးအာရင်ဘက်က ပြောတယ်နာ နာခံစားတတ်မှ ခံစားမှ ရူးရူးမူးမူးကို ဖြစ်နေမှ ကြီးမြတ်တဲ့ အနုပညာလို့ မှူးမှုံမှိုင်းဝေစေတဲ့ ဓာတ်ပုံ မော်ဒယ်မလေးရေ ကြီးကောင့်ကြီးမားကျမှ အသည်းကွဲတဲ့ရောဂါတဲ့ သန်းပေါင်းများစွာသော ချစ်တတ်သူများ ရွှေအတိချထားသော လက်များဖြင့် လက်ခုပ်တီး၍ရယ်ပါ။ ။ ယမန်နေ့ တရားရုံးက ရမန်ကြီးတပတ်ခွါ၍ လာမည့်လ ၇ ရက်နေ့သို့ ရက်ချိန်းပေးလိုက်သည်။  |
PONJA အစီရင်ခံစာက လေဘေး အကူအညီတွေ ရှာပေးနိုင်မှာလား
| ဆော်လမွန် | |
| အင်္ဂါနေ့၊ ဇွန်လ 24 2008 20:11 - မြန်မာစံတော်ချိန် | |
| နယူးဒေလီ။ ။ နာဂစ်မုန်တိုင်းအလွန် ပူးတွဲ အကဲဖြတ် လေ့လာရေးအဖွဲ့ (PONJA) ၏ အစီရင်ခံစာကို အသုံးပြုပြီး မြန်မာ လေဘေး ဒုက္ခသည် များအတွက် နောက်ထပ် ရံပုံငွေများ ရှာမည်ဟု ကုလသမဂ္ဂ ပြောရေးဆိုခွင့်ရှိသူက တနင်္လာနေ့က ပြောကြားသွားသည်။ PONJA အစီရင်ခံစာသည် ဆိုင်ကလုံး တိုက်ခတ်အပြီး အခြေအနေမှန်ကို ထင်ရှားစွာ ပြသနိုင်လိမ့်မည်၊ ဒုက္ခသည်များ လိုအပ်သည့် အကူအညီ ပမာဏကိုလည်း ရောင်ပြန်ဟပ် ဖော်ပြနိုင်လိမ့်မည်ဟု မျှော်လင့်ပါကြောင်း မြန်မာနိုင်ငံရှိ ကုလသမဂ္ဂ ညှိနှိုင်းဆောင်ရွက်ရေးရုံး ပြောရေးဆိုခွင့် ရှိသူ Laksmita Noviera က ပြောဆိုခြင်း ဖြစ်သည်။ “ဒီ အကဲဖြတ် အစီရင်ခံစာ ရလဒ်တွေကို အလှူရှင်တွေဆီက နောက်ထပ် ရံပုံငွေ ထပ်မံတောင်းခံမယ့် ပြန်လည်ပြင်ဆင် ရေးဆွဲထားတဲ့ ပန်ကြားချက်တွေမှာ ထည့်သွင်း အသုံးချနိုင်မှာ ဖြစ်ပါတယ်” ဟု Noviera က ပြောသည်။ ကုလအဖွဲ့ဝင်များ၊ မြန်မာအစိုးရ ကိုယ်စားလှယ်များ၊ အရှေ့တောင်အာရှ နိုင်ငံများအသင်း (ASEAN) မှ ကျွမ်းကျင်သူများ ပါဝင်သည့် သုံးပွင့်ဆိုင် ပင်မအုပ်စု (TCG) က အဖွဲ့ဝင် ၂၅ဝ ဦးပါ အဖွဲ့ကို နာဂစ်မုန်တိုင်းကြောင့် ဖြစ်ပေါ်ခဲ့သည့် အပျက်အစီး၊ အထိအခိုက် ပမာဏကို လေ့လာ အကဲဖြတ်ရန် PONJA ကို စေလွှတ်ပေးခဲ့သည်။ အဆိုပါ မုန်တိုင်းကြောင့် လူပေါင်း ၁၃၃ဝဝဝ သေဆုံး၊ ပျောက်ဆုံးခဲ့ရသည်။ PONJA ၏ လုပ်ငန်းများကို ဇွန်လ ၉ ရက်နေ့က စတင်ခဲ့ပြီး ကမ္ဘာ့ဘဏ်နှင့် အာရှဖွံ့ဖြိုးရေးဘဏ် (ADB) တို့မှ နည်းပညာ ကျွမ်းကျင်သူများလည်း ပူးပေါင်း ပါဝင်ခဲ့သည်။ မုန်တိုင်းအတွင်း အထိအခိုက် အများဆုံး ရန်ကုန်နှင့် ဧရာဝတီတိုင်းမှ ဒေသများသို့ ကွင်းဆင်းလေ့လာခဲ့ရာ ကနဦး လေ့လာအကဲဖြတ်မှု လုပ်ငန်းများ ပြီးဆုံးပြီ ဖြစ်ကြောင်း PONJA က ဇွန်လ ၂ဝ ရက်နေ့က ကြေညာခဲ့သည်။ “အရေးအကြီးဆုံး အချက်ကတော့ ဒီလေ့လာ အကဲဖြတ်မှုကနေ အခြေအနေတွေနဲ့ ပတ်သက်ပြီး ပိုပြီး ရှင်းရှင်းလင်းလင်း၊ ထင်ထင်ရှားရှား ဖြစ်တာတွေ တွေ့လာလိမ့်မယ်လို့ မျှော်လင့်တာပါဘဲ” ဟု Noivera က ဆိုသည်။ ဤ အကဲဖြတ်ချက်ကို နောက်ထပ် ရံပုံငွေများ ရှာဖွေ တောင်းခံရာတွင်လည်း အသုံးပြုနိုင်လိမ့်မည် ဖြစ်ကြောင်း သူက ဆက်ပြောသည်။ မုန်တိုင်းအပြီး ပြုလုပ်သော ဤအစီရင်ခံစာသည် ယုံကြည်ကိုးစားရမှု တစုံတရာ ရှိနိုင်သော်လည်း နောက်ထပ်ရံပုံငွေ ရရှိရန်နှင့် အလှူရှင် နိုင်ငံများကို ဆွဲဆောင်နိုင်ရန်မှာမူ မြန်မာ စစ်အစိုးရနှင့် နိုင်ငံတကာ အသိုင်းအဝိုင်းအကြား တည်ရှိနေသည့် ကွာဟချက်ကို နီးစပ်စေရန် လုပ်ပေးနိုင်သည့်အပေါ် မူတည်နေသည်ဟု မြန်မာ သုတေသီတဦးက ပြောသည်။ “သူတို့ (လေ့လာအကဲဖြတ်အဖွဲ့) က လုပ်ထားတဲ့ အလုပ်ဟာ အများ ယုံကြည်ကိုးစားခံရမှုတော့ ရှိမှာပါ။ ဒါပေမဲ့ ဒီအစီရင်ခံစာ ရလဒ်ကို ကြည့်ပြီး အလှူရှင်တွေက ငွေ ပေး၊ မပေး ဆိုတာတော့ ပြောဘို့လည်း ခက်ပါတယ်။ ခန့်မှန်းဘို့လည်း ခက်ပါတယ်” ဟု ဝါရှင်တန် အခြေစိုက် သုတေသီ ဦးဇော်ဦးက ပြောဆိုသည်။ TCG ရဲ့ အကဲဖြတ် လုပ်ငန်းဟာ တကယ့် ရလဒ်ကောင်းများ ရလာနိုင်သော်လည်း အလှူရှင်များထံမှ နောက်ထပ် ရံပုံငွေများ ရရှိရန်မှာမူ သေချာစွာ စေ့စပ်ဖျန်ဖြေပေးရန် လိုသေးကြောင်း ဦးဇော်ဦးက မဇ္ဈိမကို ပြောသည်။ “အလှူရှင်တွေနဲ့ မြန်မာအစိုးရကြားမှာ သေသေချာချာ စေ့စပ်ဖျန်ဖြေပေးဘို့ လိုသေးတယ်” ဟု ဦးဇော်ဦးက ပြောသည်။ ဆိုင်ကလုံး ဒုက္ခသည်များကို ကူညီရန် လိုအပ်သည်ဟု ခန့်မှန်း တွက်ချက်ထားသည့် အမေရိကန်ဒေါ်လာ ၆၉ ဒဿမ ၅ သန်းအနက် ယခုအထိ ၄၅ ရာခိုင်နှုန်းကိုသာ လက်ခံရရှိသေးသည်ဟု ကုလသမဂ္ဂ၏ အဆိုအရ သိရသည်။ လော်ဘီ အဖွဲ့တခုဖြစ်သည့် မြန်မာနိုင်ငံဆိုင်ရာ ယှဉ်ပြိုင် အာဆီယံကွန်ရက် (AltASEAN) ၏ ညှိနှိုင်း ဆက်သွယ်ရေးမှူး ဒက်ဘီစတော့ဟတ် (Debbie Stothard) ကမူ မြန်မာ စစ်အစိုးရ၏ ပြုမူ ဆောင်ရွက်ပုံများသည် နိုင်ငံတကာ အလှူရှင်များ၏ မုန်တိုင်း ဒုက္ခသည်များကို ကူညီ ထောက်ပံ့ပေးလိုစိတ်ကို ရှုပ်ထွေးသွားစေသည်ဟု ဆိုလိုက်သည်။ “အတော်များများက သူတို့ ဘယ်လောက်ပေးပေး၊ အမှန်တကယ် လိုအပ်နေတယ်ဆိုတဲ့ လူတွေဆီ ရောက်မှာ မဟုတ်ဘူးလို့ စိုးရိမ်နေကြတာ” ဟု စတော့ဟတ်က ဆိုသည်။ နိုင်ငံတကာ အကူအညီများ လက်ခံရာ၌ စစ်အစိုးရဘက်မှ နှေးကွေးနေခြင်းနှင့် ဝန်လေးနေခြင်းတို့ကို စတော့ဟတ်က ပြစ်တင် ပြောကြားသည်။ ဤအချက်သည် ဒုက္ခသည်များကို အမှန်တကယ် ကူညီလိုစိတ် မရှိကြောင်း ပြသနေသည်ဟုလည်း သူမက ဆိုသည်။ “နအဖ က ဆိုင်ကလုံးအကြောင်းပြုပြီး ငွေဖန်ချင်နေတာတော့ ဒီတခါ အတော်ထင်ရှားတယ်” ဟု တိုင်းပြည်ကို အုပ်ချုပ်ရန် စစ်အစိုးရ ဖွဲ့စည်း ထားသည့် အဖွဲ့ဖြစ်သော SPDC ကို ရည်ညွှန်းကာ စတော့ဟတ်က ပြောကြားသွားသည်။ ဆိုင်ကလုံးအလွန် ကာလသည် စစ်အစိုးရကြောင့် ပိုမို ဆိုးရွားသွားခဲ့ရကြောင်းလည်း သူမက ဆက်ပြောသည်။ “ဆိုင်ကလုံးမုန်တိုင်း မတိုက်ခင်ကရော၊ မုန်တိုင်းတိုက်ပြီးမှရော အကြီးဆုံး ပြဿနာက (SPDC) ပဲ” ဟု စတော့ဟတ် က ဆိုသည်။ |
Ecovision ဂျာနယ် အမျိုးသမီး သတင်းထောက် ဖမ်းဆီးခံရ
| နန်းဒေဝီ | |
| အင်္ဂါနေ့၊ ဇွန်လ 24 2008 18:32 - မြန်မာစံတော်ချိန် | |
| နယူးဒေလီ။ ။ ရန်ကုန်မြို့ရှိ နိုင်ငံတကာ အဖွဲ့အစည်းများထံ သွားရောက် အကူအညီ တောင်းခံသည့် လေဘေး ဒုက္ခသည်များ၏ သတင်း လိုက်ယူခဲ့သော အမျိုးသမီး သတင်းထောက် တဦးကို အာဏာပိုင်များက ဖမ်းဆီး ထိန်းသိမ်းထားသည်မှာ သီတင်းပတ် နှစ်ပတ်ကျော်သွားပြီဟု ဂျာနယ်တိုက် အပြောအရ သိရသည်။ စီးပွားရေးကို အသာပေး ဖော်ပြသည့် အပတ်စဉ်ထုတ် Ecovision ဂျာနယ်တိုက်မှ အသက် ၂၄ နှစ်အရွယ် မအိမ့်ခင်ဦးသည် ဇွန် ၁ဝ ရက်နေ့က နာဂစ်မုန်တိုင်းဒဏ်ခံ ဒုက္ခသည်အချို့က နိုင်ငံတကာ အစိုးရမဟုတ်သော အဖွဲ့အစည်း (အန်ဂျီအို) များထံ အကူအညီ တောင်းခံရေး ကြိုးစားခြင်း ကို သတင်းလိုက်ယူရင်း အဖမ်းခံရခြင်း ဖြစ်သည်ဟု အမည်မဖော်လိုသူ Ecovision ဂျာနယ်တိုက် တာဝန်ရှိသူတဦးက ပြောသည်။ မအိမ့်ခင်ဦးကို တာမွေမြို့နယ် ရဲစခန်းတွင် ထိန်းသိမ်းထားပြီး မနက်ဖြန် ဗုဒ္ဓဟူးနေ့တွင် တာမွေမြို့နယ် တရားရုံးတွင် စတင်ရုံးထုတ်မှာ ဖြစ်သည်။ ရဲက သတင်းထောက်သည် ဒုက္ခသည်များ၏ ဓာတ်ပုံရိုက်၍ ပြည်ပအခြေစိုက် သတင်း မီဒီယာများသို့ ရောင်းစားရန် ကြံစည်သည်ဟု စွပ်စွဲ ထားကြောင်းလည်း ဂျာနယ်တိုက် အပြောအရ သိရသည်။ “သတင်းရောင်းစားဖို့ဆိုတာ မဖြစ်နိုင်ဘူး။ သူ့မှာလည်း အဲလို အဆက်အသွယ်လည်း မရှိဘူး။ သူက ရိုးရိုးသားသား ဂျာနယ်လစ် တယောက်ရဲ့ အလုပ်ကို လုပ်ရင်းနဲ့ ဖြစ်သွားတာပါ” ဟု ဂျာနယ်တိုက်က ပြောသည်။ တောင်ဒဂုံမြို့နယ်မှ အများစု ပါဝင်သော လေဘေးဒုက္ခသည် ၃ဝ ခန့်က အစိုးရက ထောက်ပံ့မှု နည်းပါးလွန်းသည်ဟု ဆိုကာ ရန်ကုန်အခြေစိုက် အန်ဂျီအိုများထံ အကူအညီ တောင်းခံရန် ကြိုးစားခဲ့ကြရာ မအောင်မြင်ဘဲ အချို့ အဖမ်းခံလိုက်ရသည်။ (မဇ္ဈိမတွင် ဖော်ပြပြီးဖြစ် - ရန်ကုန်ရှိ အန်ဂျီအိုများထံ အထောက်အပံ့ရရန် ကြိုးစားသူများ ဖမ်းဆီးခံရ)။ မအိမ့်ခင်ဦးကိုပါ ဖမ်းဆီးသွားခြင်းကို ယခုမှ သတင်းထွက်ပေါ်လာခြင်း ဖြစ်သည်။ လေဘေး ဒုက္ခသည်များကို ဖမ်းဆီးသွားခဲ့သူများမှာ အရပ်ဝတ်များ ဝတ်ဆင်ထားပြီး ထောက်လှမ်းရေးများ ဖြစ်နိုင်ကြောင်း မျက်မြင်သက်သေ တဦးက မဇ္ဈိမကို ပြောပြခဲ့သည်။ အချို့သော ဒုက္ခသည်များ နောက်ပိုင်းတွင် ပြန်လည် လွတ်မြောက်လာခဲ့သည်။ သတင်းထောက်ကို တာမွေမြို့နယ် နတ်မောက်လမ်းရှိ ကုလသမဂ္ဂ ဖွံ့ဖြိုးရေး အစီအစဉ်ရုံးရှေ့ (ယူအန်ဒီပီ) တွင် အဖမ်းခံခဲ့ရခြင်း ဖြစ်သည်ဟု ရန်ကုန် စာနယ်ဇင်း အသိုင်းအဝိုင်းမှတဆင့် မဇ္ဈိမက စုံစမ်း သိရှိရသည်။ “ကျနော်ပြောချင်တာက ဒီကလေးက အလုပ်ဝင်တာလည်း ၂ လလောက်ပဲ ရှိသေးတယ်။ အလုပ်လည်း ကျိုးစားတယ်။ အမြဲ active ဖြစ်တယ်။ သူများ ဂျာနယ်တွေလိုပဲ သတင်းထူး၊ သတင်းဦး လိုချင်လို့ လုပ်တာဖြစ်တော့ အန္တရာယ်ကို သူမမြင်နိုင်ဘူး ဖြစ်တယ်” ဟု ဂျာနယ်တိုက်က ပြောသည်။ ၂ဝဝ၆ ခုနှစ် စက်တင်ဘာလတွင် စတင်ထုတ်ခဲ့သည့် စာမျက်နှာ ၄၈ မျက်နှာရှိပါ Ecovision အပတ်စဉ်ထုတ် ဂျာနယ်သည် ယခင်က စီးပွားရေး ကဏ္ဍကိုသာ အသားပေး ဖော်ပြခဲ့သော်လည်း နောက်ပိုင်းတွင် ပြည်တွင်းနှင့် နိုင်ငံတကာအပြင် ကျန်းမာရေး သတင်း၊ ဆောင်းပါးများကိုပါ ထည့်သွင်းရေးသား ထုတ်ဝေသည့် မဂ္ဂဇင်းပုံစံ အပတ်စဉ်ထုတ် ဂျာနယ်ဖြစ်သည်။  |
စစ်အစိုးရတွင်း အပြောင်းအရွှေ့များ နောက်ကွယ်တွင် ဘာတွေရှိသလဲ
| မုံပီး | |
| အင်္ဂါနေ့၊ ဇွန်လ 24 2008 18:22 - မြန်မာစံတော်ချိန် | |
| နယူးဒေလီ။ ။ မြန်မာစစ်အစိုးရသည် အဓိကကျသော တပ်မတော်အရာရှိ အများအပြားကို အစဉ်အလာ မရှိဘဲ ရုတ်တရက် အပြောင်းအရွှေ့ များ ပြုလုပ်လိုက်ပြီး အရာရှိငယ်များကိုလည်း စစ်တိုင်းမှူး ရာထူး နေရာများတွင် တိုးမြှင့်ခန့်ထားလိုက်သည်။ အနည်းဆုံး ငယ်ရွယ်သော တပ်မတော်အရာရှိ ၄ ဦးကို စစ်တိုင်းမှူး ရာထူးသို့ တိုးမြှင့် ခန့်ထားလိုက်သည့် အပြောင်းအလဲသည် ထူးခြားမှုရှိပြီး၊ ၂ဝ၁ဝ ခုနှစ်တွင် ကျင်းပမည်ဟု ကြေညာထားသည့် ရွေးကောက်ပွဲအတွက် ရည်စူးပြုလုပ်ပုံ ရသည်ဟု အကဲခတ်များက ထင်မြင်ယူဆကြသည်။ လျှို့ဝှက် သိပ်သည်းလှသော စစ်အစိုးရအနေဖြင့် ဤသို့ ရာထူး အပြောင်းအလဲများကို အခါအားလျော်စွာ ပြုလုပ်လေ့ ရှိသော်လည်း ဤသို့ အရာရှိ ၂ဝဝ ခန့်ကို အပြောင်းအလဲ လုပ်လိုက်ခြင်းမှာမူ သက္ကရာဇ် ၂ဝ၁ဝ ခုနှစ်အလွန် ကာလအတွက် ရည်ရွယ် ပြုလုပ်ပုံရသည်ဟု တရုတ်နိုင်ငံ အခြေစိုက် မြန်မာလူမျိုး စစ်ရေး အကဲခတ်တဦးက ပြောကြားသည်။ “ဒီတခါအနည်းဆုံး ၂ဝဝ လောက် အပြောင်းအရွှေ့ လုပ်တာဆိုတော့ တကယ် ထူးခြားတယ်ဗျ” ဟု တရုတ်မြန်မာ နယ်စပ်အခြေစိုက် အကဲခတ် တဦး ဖြစ်သည့် ဦးမြမောင်က ပြောသည်။ စစ်အစိုးရ အနေဖြင့် သူ၏ အာဏာချုပ်ကိုင်သော ယန္တရားတွင် ‘သွေးသစ်’ လောင်းပေးသည် ဆိုသည်မှာ သေချာသော်လည်း ၂ဝ၁ဝ ခုနှစ် ရွေးကောက်ပွဲအပြီး ပေါ်ပေါက်လာမည့် အစိုးရသစ် ပုံစံတရပ်အတွက် ရည်စူးပြင်ဆင် ဆောင်ရွက်သည့်သဘော ပိုမိုသက်ရောက်သည်။ ဤ ရွေးကောက်ပွဲသည် စစ်အစိုးရ ကြေညာထားသည့် ဒီမိုကရေစီသို့ သွားရာ အဆင့် ၇ ဆင့်ပါ လမ်းပြမြေပုံတွင် အဆင့် ၅ ဖြစ်သည်။ “ဒါ သူ့တပ်တွင်း မျိုးဆက်သစ်အတွက် စစ်အစိုးရ လမ်းဖွင့်ပေးတာလည်း ဖြစ်နိုင်ပါတယ်။ ဒါပေမဲ့ စစ်အစိုးရမှာ တခြား အစီအစဉ်တွေလည်း ရှိနိုင်သေးတယ်။ အခုဟာက ပြင်ဆင်နေတဲ့ဟာ ဖြစ်နိုင်တယ်” ဟု ဦးမြမောင်က ဆက်သည်။ အဓိကကျသော စစ်တိုင်းမှူး ၄ ဦးကို ကာကွယ်ရေး အထူးစစ်ဆင်ရေးမှူး (ကစထ) ရာထူးနေရာများသို့ ပြောင်းရွှေ့ တာဝန်ထမ်းဆောင်ရန် စစ်အစိုးရက အမိန့်ပေးထားကြောင်း စစ်တပ်သတင်း ရပ်ကွက်များက ပြောသည်။ ကထစမှူးဟောင်း ၄ ဦးကို အငြိမ်းစား ယူခွင့်ပြုလိုက်ပြီး သူတို့နေရာတွင် အဆိုပါ အသစ် ပြောင်းရွှေ့လာမည့် အရာရှိများက တာဝန်ယူသွားမည် ဖြစ်သည်။ တြိဂံတိုင်း၊ အရှေ့ပိုင်းတိုင်း၊ တောင်ပိုင်းတိုင်း၊ မြောက်ပိုင်းတိုင်းနှင့် ရန်ကုန်တိုင်း တိုင်းမှူးများကို ရာထူး တိုးမြှင့်ပေးလိုက်သည်။ “စစ်အစိုးရရဲ့ အုပ်ချုပ်ရေး ယန္တရားအတွင်းမှာ သွေးသစ်လောင်းတယ် ဆိုပေမဲ့ ကစထမှူးတွေကိုပါ ပြောင်းပစ်လိုက်တာ ကတော့ အတော် ထူးခြားတယ်” ဟု ထိုင်းနိုင်ငံအခြေစိုက် မြန်မာ့အရေး အကဲခတ် ဦးဝင်းမင်းက ပြောကြားလိုက်ပါသည်။ ဤအပြောင်းအရွှေ့များသည် စစ်အစိုးရ ထိပ်ပိုင်းအရာရှိကြီး ၂ ဦးဖြစ်သည့် ဗိုလ်ချုပ်မှူးကြီး သန်းရွှေနှင့် ဒုတိယ ဗိုလ်ချုပ်မှူးကြီး မောင်အေးတို့ အကြား အာဏာ လွန်ဆွဲပွဲ၏ ရလဒ် ဖြစ်နိုင်ကြောင်းလည်း သူက ဆက်ပြောသည်။ “အခု အပြောင်းအရွှေ့တွေက သန်းရွှေရဲ့ အာဏာကို ပိုပြီး ခိုင်မြဲသွားစေလိမ့်မယ်။ အဓိက မဟာဗျူဟာကျတဲ့ ရာထူးတွေကို ထိန်းချုပ်ထားနိုင်တဲ့ အရာရှိအများစုက သူ့သစ္စာတော်ခံတွေလေ” ဟု ဦးဝင်းမင်းက ဆိုသည်။ မည်သို့ပင်ဖြစ်စေ စစ်အစိုးရ၏ ဤအပြောင်းအလဲများသည် အထွေထွေ ရွေးကောက်ပွဲသစ်အပြီး ပေါ်ပေါက်လာမည့် အစိုးရ ပုံစံသစ်တရပ် အတွက် ပြင်ဆင်ဆောင်ရွက်ခြင်း မဟုတ်ဟုမူ မဆိုနိုင်ကြောင်းလည်း ဦးဝင်းမင်းက ဆက်ပြောသည်။ စစ်အစိုးရ၏ ဒီမိုကရေစီသို့ သွားရာ လမ်းပြမြေပုံအရ ဆိုလျှင် ဖွဲ့စည်းပုံအခြေခံ ဥပဒေ အတည်ပြုပြီးလျှင် အထွေထွေ ရွေးကောက်ပွဲ ကျင်းပရ မည် ဖြစ်သည်။ အဆိုပါ ရွေးကောက်ပွဲပြီးလျှင် ရွေးကောက်ပွဲ အနိုင်ရပါတီက ဖွဲ့စည်းပုံအခြေခံ ဥပဒေနှင့်အညီ တိုင်းပြည်ကို အုပ်ချုပ်သွားရမည် ဖြစ်သည်။ အဆိုပါ အထွေထွေ ရွေးကောက်ပွဲသစ်ကို ၂ဝ၁ဝ ခုနှစ်တွင် ကျင်းပမည်ဟု စစ်အစိုးရက ဖေဖေါ်ဝါရီလတွင် ကြေညာခဲ့သော်လည်း ရက် အတိအကျကိုမူ သတ်မှတ်ဖော်ပြခြင်း မရှိသေးပါ။ ဝေဖန်သူများကမူ စစ်အစိုးရ၏ လမ်းပြမြေပုံကို ဝေဖန် တိုက်ခိုက်လိုက်ကြပြီး၊ ဖွဲ့စည်းပုံ အခြေခံ မူကြမ်းမှာလည်း အားလုံး ပါဝင်မှုမရှိဘဲ ရေးဆွဲ ထားခြင်း ဖြစ်ပြီး၊ ဖွဲ့စည်းပုံ အတည်ပြုသည့် ဆန္ဒခံယူပွဲ ကျင်းပရာတွင်လည်း မဲလိမ်မှုများ ရှိခဲ့သည်ဟု ဝေဖန် ပြောဆိုကြသည်။ “ရွေးကောက်ပွဲအပြီး ပေါ်လာမယ့် အုပ်ချုပ်မှုအသစ်အတွက် စစ်အစိုးရ တဖြေးဖြေး ပြင်နေပုံရတယ်” ဟု ဦးဝင်းမင်းက ပြောသည်။ တရုတ်-မြန်မာ နယ်စပ်အခြေစိုက် အကဲခတ် ဦးမြမောင်ကမူ စစ်အစိုးရသည် တိုက်ရိုက် စစ်အာဏာရှင်စနစ်မှ အရပ်သား အာဏာရှင်စနစ် ပုံစံသစ်တရပ်သို့ ပြောင်းလဲနေခြင်းသာ ဖြစ်ကြောင်းနှင့် ဤပုံစံကို သူ့ရှေ့မှ အာဏာရယူခဲ့သူ ဗိုလ်ချုပ်ကြီး နေဝင်းက ၁၉၆၂ ခုနှစ်မှ ၁၉၈၈ ခုနှစ်အထိ ထိရောက်စွာ ကျင့်သုံး အကောင်အထည် ဖော်ခဲ့ကြောင်းလည်း ပြောဆိုသည်။ “ဒါကြောင့် စစ်အစိုးရက အဓိကကျတဲ့ ပုဂ္ဂိုလ်တချို့ကို အနားပေးပြီး အရပ်သားဝန်ကြီး အဖွဲ့တဖွဲ့ကို ဖွဲ့စည်း၊ ဒီဝန်ကြီးအဖွဲ့ကမှ တိုင်းပြည်ကို တကယ် အုပ်ချုပ်သွားမယ့် ပုံရှိတယ်” ဟု ဦးမြမောင်က ဆိုသည်။ သို့သော် ဝါရင့် မြန်မာ့နိုင်ငံရေး အကဲခတ်တဦးဖြစ်သည့် ဦးဘိုဘိုကျော်ငြိမ်းကမူ ယခုအချိန်တွင် မည်သည့် ကောက်ချက်မျိုးကိုမဆို ချမှတ်ရန်မှာ စောလွန်းနေသေးကြောင်းနှင့် စစ်အစိုးရ လှမ်းမည့် နောက်ခြေလှမ်းကို စောင့်ကြည့်ရန် လိုသေးကြောင်း ပြောကြားသွားသည်။ “ဒီအပြောင်းအရွှေ့တွေဟာ ထူးခြားတယ် ဆိုတာတော့ သေချာပါတယ်။ ဒါပေမဲ့ နိုင်ငံရေးမှာ စစ်အစိုးရရဲ့နောက် ခြေလှမ်းကို စောင့်မကြည့်ဘဲ ကောက်ချက်ချတာတော့ စောလွန်းတယ်” ဟု ဦးဘိုဘိုကျော်ငြိမ်းက ပြောကြားလိုက်ပါသည်။ |
တရုတ်နယ်စပ်တွင် ဝစ်သောက် ဆိုင်ကယ်များ အဝယ်လိုက်နေ
| မျိုးကြီး | |
| အင်္ဂါနေ့၊ ဇွန်လ 24 2008 17:21 - မြန်မာစံတော်ချိန် | |
| ရွှေလီ။ ။ နိုင်ငံတဝန်းရှိ ဝစ်သောက်ဆိုင်ကယ်များ လိုင်စင် ထုတ်ပေးမည် ဆိုသဖြင့် မြန်မာနယ်စပ် ရှမ်းပြည်နယ် မူဆယ် တဖက်ကမ်းရှိ တရုတ်ပိုင် ကြယ်ခေါင်မြို့တွင် ဆိုင်ကယ်ရောင်းအား ၃ဝဝ ရာခိုင်နှုန်းကျော် မြင့်တက်သွားသည်။ လိုင်စင်မဲ့ဖြင့် အိမ်နီးချင်းနိုင်ငံများမှ ခိုးသွင်းယူလာသော ဆိုင်ကယ်များကို လာမည့် လဆန်းပိုင်းတွင် ကုန်းလမ်း ပို့ဆောင်ရေး ညွှန်ကြားမှု ဦးစီးဌာနမှ လိုင်စင် ထုတ်ပေးမည်ဟူသည့် သတင်းကြောင့် တရုတ်နယ်စပ်မြို့ ကြယ်ခေါင်တွင် မြန်မာဘက်သို့ သွင်းမည့် ဆိုင်ကယ်များ ယခင်က တရက်လျှင် အစီးရေ ၃ဝဝ ခန့် အရောင်းအဝယ် ဖြစ်ရာမှ ယခု ရက်ပိုင်းအတွင်း တနေ့လျှင် အစီး ၁ဝဝဝ ခန့်အထိ အဝယ်လိုက်နေခြင်း ဖြစ်သည်။ မူဆယ် ကုန်သည်ကြီးများ အသင်းဝင် ကုန်သည်တဦးက “ဇူလိုင် လဆန်းပိုင်းမှာ လိုင်စင်တွေ ပြန်ချပေးတော့မယ်လို့ ပြောနေတယ်။ လိုင်စင် ထုတ်မပေးတော့ အခွန်မရတာဘဲ ရှိတယ်။ ဆိုင်ကယ်ကတော့ သွားနေကြတာပဲ။ ထိန်းမနိုင်တော့တာရယ်၊ ငွေလိုနေတာရယ်၊ အဲဒါလည်း ပါမှာပေါ့။ နံပါတ်ပြားကတော့ ကိုယ့်ဟာနဲ့ကိုယ် တပ်လို့ရတယ်။ အပြင်မှာလည်း ဝယ်လို့ရတယ်။ တရားဝင် လိုင်စင်နဲ့ စီးကြတာ မဟုတ်ဘူး။ ဒီလိုပဲ စီးနေကြတာ” ဟု သူက ပြောသည်။ နယ်စပ်မှတဆင့် သွင်းလာသော ဆိုင်ကယ်များသည် သွင်းကုန် အခွန်ပေးဆောင်ခြင်း မရှိသော ဆိုင်ကယ်များကို မှောင်ခို တိုက်ဖျက်ရေးအရ စစ်အစိုးရက လိုင်စင်မဲ့ ဆိုင်ကယ်များကို ကုန်းလမ်း ပို့ဆောင်ရေး ဦးစီးဌာနအောက်တွင် မှတ်ပုံတင်ပေးခြင်းကို ၂ဝဝ၄ ခုနှစ်တွင် ရပ်ဆိုင်း ထားခဲ့သည်။ သို့သော်လည်း သက်ဆိုင်ရာ အာဏာပိုင်အချို့ကို လာဘ်ငွေပေး၍ မှောင်ခို ခိုးသွင်းမှုများကတော့ ဆက်လက် တည်ရှိနေသည်မှာ လျို့ဝှက်ချက် ပင် မဟုတ်သလို ဖမ်းဆီးခံရမှုများ ရှိနေသည်။ မန္တလေးမှ ဆိုင်ကယ် ကယ်ရီသမား တဦးကလည်း “၇ လပိုင်း ၂ ရက်နေ့မှာ တနိုင်ငံလုံး ဆိုင်ကယ်လိုင်စင် ထုတ်ပေးတော့မယ်။ အဲဒါကြောင့် အဝယ် အတက်များကြတာ။” ဟု ပြောသည်။ နာဂစ်မုန်တိုင်း ရံပုံငွေအတွက် ဆိုင်ကယ်လိုင်စင်များ တရားဝင် ပြုလုပ်ပေးမည်ဟု သတင်းများ ကျယ်ကျယ်ပြန့်ပြန့် ထွက်ပေါ်နေသည်။ လိုင်စင် ထုတ်ပေးသော်လည်း ဓာတ်ဆီ ရောင်းချပေးသွားမှာ မဟုတ်ဟုလည်း ပါရှိသည်။ တရုတ်နိုင်ငံလုပ် ဆိုင်ကယ် အမျိုးအစား အများအပြားအနက် မြန်မာများ အကြိုက်များသည့် Kenbo နှင့် Luojia အမျိုးအစား ဆိုင်ကယ်များမှာ ဝယ်သူများလွန်းလှသဖြင့် တန်းစီစနစ်ဖြင့်ပင် ရောင်းချနေကြရသည်။ ကြယ်ခေါင်မြို့တွင် ရောင်းချသည့် ဆိုင်ကယ်များသည် မြန်မာနိုင်ငံအတွက် သီးသန့် ထုတ်လုပ်သည့် ဆိုင်ကယ်များဖြစ်ပြီး ပြည်တွင်းသုံး ဆိုင်ကယ်များထက် ဈေးပိုချိုကာ တရုတ်ယွမ်ငွေ ၂၅ဝဝ (ကျပ်ငွေ ၄ သိန်း ၅ သောင်းခန့်) မှ ၂၈ဝဝ (ကျပ် ၅ သိန်းကျော်) ကျော်အထိ ပေါက်ဈေး ရှိနေသည်။ ထိုသို့ ဖြစ်နေသလို မန်စီမြို့နယ်အတွင်း ဇွန်လအတွင်း ကယ်ရီသမားများ စီးလာသည့် ဆိုင်ကယ်အစီး ၇ဝ ကျော် ဖမ်းဆီးခံထားရပြီး ကွက်ခိုင် ဘက်တွင်လည်း ဖမ်းဆီးရေးအဖွဲ့မှ ပစ်ခတ် ဖမ်းဆီးမှုများကြောင့် ကယ်ရီသမားတဦး သေနတ်မှန် သေဆုံးပြီး နှစ်ဦး ဒဏ်ရာရခဲ့မှုများ ရှိခဲ့သည်။ |
