အောက်တိုဘာလ ၈ ရက်၊ ၂ဝဝ၇ ခုနှစ်။
မြန်မာပြည်တွင် အင်တာနက်လိုင်း ပြန်ဖွင့်လိုက်သော်လည်း ညမထွက်ရ အမိန့် ထုတ်ပြန်ထားသည့် ည ၁ဝ နာရီမှ နံနက် ၄ နာရီ အတွင်းသာ သုံးစွဲခွင့် ရရှိသဖြင့် အင်တာနက် သုံးစွဲသူများ အခက် ကြုံနေရသည်။
နအဖ အာဏာပိုင်များက ပြီးခဲ့သည့်အပတ် ကြာသပတေးနေ့မှ စတင်ကာ အင်တာနက်လိုင်းကို ပြန်လည် ဖွင့်ပေးလိုက်သော်လည်း ညမထွက်ရ အမိန့်မှ သတ်မှတ်ထားသည့် အချိန်အတွင်း၌သာ လိုင်းကို လွှင့်ထားပေးသဖြင့် အင်တာနက် သုံးစွဲလိုသူများသည် နေ့ခင်းအချိန်တွင် သုံးစွဲခွင့် မရသောကြောင့် အခက်အခဲ ကြုံနေရခြင်း ဖြစ်သည်။
“ကာဖျူး အချိန်ကျမှ ရတော့ အပြင်ထွက်သုံးလို့ မရသလို ဆိုင်တွေကလည်း မဖွင့်ဘူးဆိုတော့ အင်တာနက် သုံးချင်တဲ့သူတွေ နေ့ခင်းဘက် သုံးမရတော့ဘူးပေါ့။ ကိုယ့်ဆွေမျိုး အိမ်တွေမှာ လိုင်းချိတ်ထားတယ် ဆိုရင်တော့ သွားသုံးပေါ့။ ဒါပဲရှိတယ်” ဟု ရန်ကုန်မြို့နေ အင်တာနက် သုံးစွဲသူ လူငယ်တဦးက ပြောသည်။
“ဟုတ်တယ်။ အင်တာနက်က ည ၁ဝ နာရီမှ စရတာ။ နေ့ခင်းပိုင်းကို မရပါဘူး” ဟု ရန်ကုန်မြို့မှ အင်တာနက်ဆိုင်မှ ဆိုင်ဝန်ထမ်း တဦးက အတည်ပြု ပြောဆိုသည်။
ယခုလို အပြင်ထွက်မရသည့် ညအချိန်၌သာ အင်တာနက် သုံးစွဲနိုင်သဖြင့် အင်တာနက်ကို အဓိကထား ဖွင့်ထားသော အင်တာနက်ဆိုင် အချို့ကို ပိတ်ထားရကြောင်းနှင့် အင်တာနက်နှင့်အတူ ဂိမ်း Game ကို တွဲဖွင့်ထားသော ဆိုင်များမှာ အင်တာနက် မရသော်လည်း ဂိမ်းဖြင့် အသက်ဆက်နေရကြောင်း သူက ဆက်ပြောသည်။
ရုံးလုပ်ငန်းများ၌လည်း အင်တာနက်ကို အသုံးပြု၍ လုပ်ကိုင်ရမည့် နိုင်ငံခြားသို့ အီးမေးလ်ဖြင့် ဆက်သွယ်မှုနှင့် ကိုယ်ပိုင် Website အင်တာနက် စာမျက်နှာများတွင် အသစ်ဖြည့်လိုသည်များကို ဖြည့်နိုင်ရန် အတွက် ညဆိုင်းဆင်းကာ အလုပ် လုပ်ကိုင်ကြရသည်ဟုလည်း သိရသည်။
မကြာသေးခင်က မြန်မာပြည်တဝှမ်း လူထုဆန္ဒပြပွဲများအတွင်း စစ်တပ်နှင့် လုံထိန်းများ၊ လက်ကိုင်ဒုတ်များ၏ ဆန္ဒပြ ပြည်သူများကို အကြမ်းဖက် နှိမ်နှင်းသည့် ဓာတ်ပုံများ၊ မှတ်တမ်းများကို ပြည်တွင်းမှနေ၍ အင်တာနက်လိုင်းကို အသုံးပြုကာ နိုင်ငံတကာသို့ ဖြန့်ချိခဲ့သဖြင့် အဆိုပါ လမ်းကြောင်းကို ပိတ်သွားစေရန် အတွက် အာဏာပိုင်များက ပြီးခဲ့သည့် စက်တင်ဘာ လကုန်ပိုင်းတွင် အင်တာနက်လိုင်းကို ဖြတ်တောက်ခဲ့ခြင်း ဖြစ်သည်ဟု ဒေသခံများက သုံးသပ် ပြောဆိုကြသည်။
