ဗန်းမော်ထောင် အကျဉ်းသားများ ထွက်ပြေးနေ
| မျိုးကြီး | |
| တနင်္လာနေ့၊ မေလ 26 2008 20:42 - မြန်မာစံတော်ချိန် | |
| ရွှေလီ။ ။ ကချင်ပြည်နယ် ဗန်းမော်ထောင်၌ နှစ်ရှည်ပြစ်ဒဏ်ကျ အကျဉ်းသား ၁၁ ဦးသည် ယခုလ ၂၄ ရက်နေ့က ထောင်စိုက်ပျိုးရေး အလုပ်စခန်းမှ ထွက်ပြေးရာ ၃ ဦးသည် တရုတ်-မြန်မာနယ်စပ် လိုင်ဇာမြို့သို့ ယမန်နေ့ညပိုင်းက ရောက်လာသည်။ ၉ မိုင်ခန့် ကွာဝေးသည့် ဗန်းမော်နှင့် မိုးမောက်မြို့ကြားရှိ မန်မုံကျေးရွာရှိ ထောင်စိုက်ပျိုးရေး အလုပ်စခန်းမှ ၂၄ ရက်နေ့ အလုပ်သိမ်းချိန်တွင် ထွက်ပြေးလာသည့် ၁၁ ဦးအနက် ရာဇဝတ် အကျဉ်းသား ဗန်းမော်မြို့သား ကိုသက်ပိုင်၊ ကိုအီးကျော်နှင့် ရွှေကူနယ်သား တဦးတို့သည် စခန်းနှင့် မိုင် ၈ဝ ဝန်းကျင်ခန့် အလှမ်းကွာသည့် လိုင်ဇာမြို့သို့ ရောက်ရှိလာခြင်း ဖြစ်သည်။ “မန်မုံ စိုက်ပျိုးရေး အလုပ်စခန်းကနေ ထွက်ပြေးလာတာ။ သူတို့အုပ်စုက ၁၁ ယောက် ပြေးကြတယ်။ အဲဒီအချိန်တုန်းက သံခြေကျင်းတွေ၊ ထောင်ဝတ်စုံတွေနဲ့ ပြေးကြတာပဲ။ အခု ဒီရောက်တော့ အရပ်ဝတ်တွေနဲ့ပါ။ ကြီးကြပ်တဲ့ တာဝန်ခံတွေကလည်း တယောက်ပဲ ထားတယ်။ သေနတ် မကိုင်ဘူးတဲ့။ လောက်စာလုံးနဲ့ ဂွပဲ ကိုင်တာလို့ သူတို့က ပြောပြတာပေါ့” ဟု အကျိုးအကြောင်း မေးမြန်းခွင့်ရခဲ့သူ လိုင်ဇာဒေသခံက မဇ္ဈိမကို ပြောသည်။ အခြား ၈ ဦးသည် သီးခြား လမ်းကြောင်းများအတိုင်း အုပ်စုခွဲ ထွက်ပြေးကာ အလုပ်စခန်းရှိ အကျဉ်းသား ကြီးကြပ်သူများက လိုက်လံ ဖမ်းဆီးခြင်းမပြုဘဲ မသိကျိုးကျွန် ပြုနေသောကြောင့် လွယ်ကူစွာ လွတ်မြောက်သွားခြင်း ဖြစ်သည်။ “စိုက်ပျိုးရေး စခန်းမှာထားတဲ့ အကျဉ်းသားတွေကျတော့ တရားလိုမရှိတဲ့ အကျဉ်းသားတွေကို ထားတယ်လို့ ပြောတယ်။ ဘိန်းမှုတို့၊ သစ်ခိုးမှုတို့လိုဟာမျိုးတွေ၊ နှစ်ရှည်အကျဉ်းသားတွေ။ အဲလိုဟာတွေ ထားတယ်။ သူတို့ရှေ့မှာလည်း အသုတ်လိုက် ထွက်ပြေးကြတယ်။ အဲဒီစခန်းကနေ ပြေးတဲ့သူ အားလုံးဆို အယောက် ၇ဝ ကျော်ပြီလို့ ပြောပြတယ်” ဟု သူက ပြောသည်။ ထွက်ပြေးသူ အကျဉ်းသား ၇ဝ အရေအတွက်နှင့် ပတ်သက်၍ သီးခြား အတည်ပြုနိုင်ခြင်း မရှိပါ။ ဗန်းမော်အကျဉ်းသား နှစ်ဦးသည် သစ်မှုနှင့် ထောင်ဒဏ် ၁ဝ နှစ်စီ ကျခံနေရကာ ရွှေကူနယ်သားကမူ ဘိန်းဖြူမှုဖြင့် ပြစ်ဒဏ် ၇ နှစ် ကျခံနေရသူများ ဖြစ်သည်ဟု ထွက်ပြေးလာသူများနှင့် ယမန်နေ့ညက စကားပြောခွင့်ရခဲ့သူ လိုင်ဇာဒေသခံ ကိုမောင်မဲ ကလည်း ပြောသည်။ “၇ နှစ်သမားကတော့ လွတ်ဖို့ ၃ နှစ် လိုသေးတယ်။ ၁ဝ နှစ်သမား နှစ်ယောက်ကတော့ ထောင်ကျတာ ၁ နှစ်ကျော်ကျော်လေးပဲ ရှိသေးတယ်လို့ ပြောတယ်” ဟု သူက ပြောသည်။ မကြာခဏ ဆိုသလို ဗန်းမော် အကျဉ်းသားများ ထွက်ပြေး လွတ်မြောက်နေသည့်အပေါ် ထောင်အာဏာပိုင်များက တမင်လွှတ်ပေးသည့် သဘောမျိုး ဖြစ်နေသည်ဟု လိုင်ဇာ ဒေသခံများက သုံးသပ် ပြောဆိုကြသည်။ အကျဉ်းသားများ ထွက်ပြေးနေသည့် ကိစ္စကို အသေးစိတ် သိရန် ဗန်းမော်ထောင်သို့ ဆက်သွယ်သော်လည်း ဖုန်းကိုင်မည့်သူမရှိ ဖြစ်နေသည်။ |
လေဘေးဒုက္ခသည်များကို ကူညီတဲ့ ကား ၇ဝ ကျော် ဖမ်းဆီးခံရ
| ဖနိဒါ | |
| တနင်္လာနေ့၊ မေလ 26 2008 19:24 - မြန်မာစံတော်ချိန် | |
| ချင်းမိုင်။ ။ ဧရာဝတီတိုင်းအတွင်း လေဘေး ဒုက္ခသည်များကို ကူညီပြီး ပြန်လာသည့် အလှူရှင်များ၏ ကားစီးရေ ၇ဝ ကျော်ကို ယမန်နေ့က ရန်ကုန်သို့ ပြန်အဝင်တွင် ရဲတပ်ဖွဲ့ဝင်များက ဖမ်းဆီးလိုက်သည်။ ရန်ကုန်သို့ ပြန်ဝင်လာသည့် ကားများကို ရဲမှူးကြီး လူလူဝင်း ဦးဆောင်သည့် ရဲတပ်ဖွဲ့ဝင်များက လှိုင်သာယာမြို့ ပန်းလှိုင် တံတားအနီးတွင် ယမန်နေ့ ညနေပိုင်းမှ စတင်ကာ တညလုံး ဖမ်းဆီးနေခဲ့ခြင်း ဖြစ်သည်။ “တံတား ဟိုဘက်ထိပ်၊ ဒီဘက်ထိပ် အစီး ၅ဝ လောက် တန်းထားတယ်။ နောက် အင်းစိန် ဂျီတီအိုင် ဝင်းထဲမှာ ၂၂ စီး။ မနေ့ည ၈ နာရီကမှ ဖမ်းတာ။ အခု လောလောဆယ် ပြန်မပေးသေးဘူး၊ အခုထိပါပဲ။ ကားပိုင်ရှင်တွေကို ဒီနေ့ ခေါ်တယ်။ ကား ပြန်မပေးသေးဘူး” ဟု အန်အယ်ဒီ လူငယ်အဖွဲ့ (ဗဟို) မှ ပြန်ကြားရေး တာဝန်ခံက ပြောသည်။ ဖမ်းဆီးရခြင်းသည် ဥပဒေ ချိုးဖောက်ခြင်းကြောင့်ဟု ရဲများက ပြောဆိုသည့်အပြင် လှူဒါန်းလိုများသည် ရန်ကုန်တိုင်း ဒလ၊ တွံတေး၊ ကွမ်းခြံကုန်း၊ ကော့မှူး၊ ဒေးဒရဲမြို့ရှိ မြို့နယ် မယက အာဏာပိုင်များကို အကူအညီ တောင်းပြီးနောက် လှူဒါန်းရန်နှင့် လမ်းပေါ်သို့ ပစ်ချပေးခြင်းသည် အကျင့်စာရိတ္တ ပျက်ပြားစေသော စိတ်ဓာတ်များ ပေါ်ပေါက်ရန် နှိုးဆော်ပေးသည့်အတွက် ထိုကဲ့သို့ မလှူဒါန်းရန် ပြီးခဲ့သည့် မေလ ၈ ရက်နေ့က ကြေညာချက် ထုတ်ခဲ့သည်ဟု ဆိုသည်။ အနုပညာရှင် ကိုဇာဂနာက “ဒီလို လှူဒါန်းတာက ပြဿနာမရှိဘူး။ ဒါပေမဲ့ လမ်းလယ်ခေါင်မှာ ဟိုပစ်ပေး ဒီပစ်ပေး၊ နောက်ပြီး ပြဿနာတွေလည်း ဖြစ်တယ်ပေါ့လေ။ အဲလိုမျိုးကျတော့ လှူဒါန်းတာတွေက လှူရာမရောက်ဘူး။ နောက်တော့ နိုင်ငံတော်က စနစ်တကျ လုပ်တာကို အနှောင့်အယှက် ဖြစ်တယ်ပေါ့။ ဒုက္ခသည်တွေက စခန်းသွားဖို့ လုပ်တာကို သူတို့က စခန်းမသွားဘဲနဲ့ လမ်းပေါ်မှာပဲ လုပ်တာပေါ့လေ။ တချို့က အဲလိုရှိတယ်” ဟု ဖမ်းဆီးရာ၌ အကြောင်းပြပုံကို ပြန်ပြောပြသည်။ ကားများကို အင်းစိန် ရွာမရှိ ဂျီတီအိုင် ကျောင်းထဲတွင် ထားရှိကာ ကားပိုင်ရှင်များကို ယနေ့တွင် ထပ်မံခေါ်ထားကြောင်းနှင့် ယခု ဖမ်းဆီး နေသူများသည် ကျိုက္ကဆံ စစ်ကြောရေး စခန်းမှ စစ်တပ်နှင့် ရဲများဖြစ်ကြောင်း ကြားသိရသည်ဟု နာရေး ကူညီမှုအသင်းမှ ရုပ်ရှင်မင်းသား (ဦး) ကျော်သူက ပြောသည်။ “အများ ပြောနေတာက ကျိုက္ကဆံ စစ်ကြောရေးက ခေါ်သွားတယ်လို့ ပြောတယ်။ ရဲရော၊ စစ်တပ်ရော ပါမယ်ထင်တယ်။ ညဘက် ကားအစီး ၁ဝဝ လောက်ရှိမယ်။ မနေ့က ကား တော်တော်များတယ်၊ ကျနော်တို့ ကားတော့ အဖမ်းမခံရဘူး။ ဒီနားက သူတို့က အသင်းအဖွဲ့တော့ မဟုတ်ဘူးပေါ့နော်။ ဆန်တို့သွားလှူတာ ဟိုင်းလပ်စ် နှစ်စီးလည်း ကားရော လူရော အဖမ်းခံရတယ်။ လူကိုတော့ ညမိုးချုပ်မှ ပြန်လွှတ်လိုက်တယ်” ဟု ဦးကျော်သူက ပြောသည်။ သူက ဆက်ပြီး “နိုင်ငံတကာ လူကြီးတွေလည်း ရောက်နေတာကို အဲလို လုပ်နေတယ်ဆိုတော့ မကောင်းပါဘူး။ အကုန်လုံးက မြန်မာလူမျိုး မိသားစုတွေ။ ဝိုင်းဝန်းပြီးတော့ ကူညီပံ့ပိုးကြတာကို အဲလိုကြီး ဖမ်းဆီးတာကတော့ မကောင်းပါဘူး။ ဒီနေ့ ကျနော်တို့ကို လာပြီး သတိပေးတာရှိတယ်။ ကားတွေကို အပြစ်ရှာတယ်ပေါ့လေ။ မီးလင်းလား၊ မီးမလင်းရင် ယာဉ်စည်းကမ်းနဲ့ ဖမ်းမယ်လို့ ပြောတယ်” ဟု ပြောသည်။ ထို့အပြင် ယနေ့တွင်လည်း ရန်ကုန်မှ ဝင်လာမည့် လေးဘေးကူညီရေး အလှူရှင်များ၏ ကားများကို ဒေးဒရဲ၊ မအူပင် ဂိတ်များတွင် အာဏာပိုင်များက တားဆီးထားသဖြင့် အလှူရှင်များက ကားနှင့် အစောင့် ထားခဲ့ကာ ပြန်လှည့်ရကြောင်း လူ့အခွင့်အရေး ကာကွယ်မြှင့်တင်သူများ ကွန်ယက်မှ ဒေါ်မြင့်မြင့်မူက ပြောသည်။ ယနေ့တွင် လှိုင်သာယာမြို့နယ်ရှိ ပန်းလှိုင်တံတား အနီးတွင် လုံထိန်းများလည်း ချထားသည်။ |
လေဘေးဒုက္ခသည်များ နေရပ်ရင်းသို့ ပြန်ပို့
| နန်းဒေဝီ | |
| တနင်္လာနေ့၊ မေလ 26 2008 18:39 - မြန်မာစံတော်ချိန် | |
| နယူးဒေလီ။ ။ ဧရာဝတီတိုင်း မအူပင်မြို့ ရေဘေးလွတ်ရာသို့ ပြောင်းရွှေ့လာသော ဘိုကလေးမြို့ပိုင် ကျေးရွာများမှ လေဘေး ဒုက္ခသည်များကို ယခုအခါ ဒေသအာဏာပိုင်များက နေရပ်ရင်းသို့ အတင်းအကျပ် ပြန်ပို့နေသည်။ မေလ ၅ ရက်နေ့တွင် မအူပင်သို့ စတင်ရောက်ရှိလာခဲ့သည့် ဘိုကလေးမြို့ပိုင် ရွေးချောင်း၊ ကြိမ်ကျောင်းကြီး၊ ကြိမ်ကျောင်းလေး၊ ပျဉ်းမကုန်း၊ ပျဉ်ဖိုးကြီး၊ ပျဉ်ဖိုးလေး၊ ရေဝီ-ဦးတို အစရှိသည့် နေရပ်ရင်း ကျေးရွာများသို့ ပြန်လည် ပို့ဆောင်နေခြင်း ဖြစ်သည်။ “စနေနေ့ကနေစပြီးတော့ ဘိုကလေး ဆိပ်ကမ်းကို လာချပေးတယ်။ သမာဓိ လိုင်းကားတွေနဲ့ စုစုပေါင်း ၆ဝဝ နဲ့ ၇ဝဝ ကျော်ရှိတယ်။ ကား ၅ စီးစာ ရှိပြီ။ ဘိုကလေးက အာဏာပိုင်တွေက ပိုက်ဆံ ၂ဝဝဝဝ နဲ့ ဆန် ၅ ပြည် ပေးမယ်ဆိုပြီး ပြောတယ်တဲ့။ ရွာရောက်မှ ပေးမယ်ပြောတယ်။ ဟုတ်၊ မဟုတ်တော့ မသိသေးဘူး” ဟု ဘိုကလေး လေဘေး ဒုက္ခသည်များကို ကူညီနေသူ အမျိုးသမီးတဦးက ပြောသည်။ ဘိုကလေးမြို့ပေါ်၌ ဆွေမျိုးသားချင်းများထံ မှီခိုကျန်ရစ်သူများရှိသလို အချို့မှာမူ မပြန်ချင်သော်လည်း နေရပ်ပြန်ပို့ရေး အစီအစဉ်အတိုင်း လိုက်ပါသွားရသည်။ “သားတို့၊ ပြန်ရမယ် ပြောလို့သာ ပြန်ရမယ်တဲ့။ မပြန်ချင်လည်း ပြန်ရမှာတဲ့။ သူတို့ ပြောသလိုပဲ နေရမယ်တဲ့လေ” ဟု နေရပ်ပို့ခံရသည့် ၂၅ နှစ်အရွယ် လူငယ်၏ ပြောစကားကို ကူညီနေသူ အမျိုးသမီးက ပြန်လည်ကိုးကား ပြောပြသည်။ |
နအဖ က အခြေခံဥပဒေ မူကြမ်းကို အတည်ပြုလိုက်ပြီ
| နေသွင် | |
| တနင်္လာနေ့၊ မေလ 26 2008 17:38 - မြန်မာစံတော်ချိန် | |
| ချင်းမိုင်။ ။ ဆိုင်ကလုန်း မုန်တိုင်းဒဏ် ခံရသည့် ဒေသများတွင် စနေနေ့က ကျင်းပ ပြီးစီးသွားသော ဆန္ဒ ခံယူပွဲတွင် ဆန္ဒမဲပေးသူ အားလုံး၏ ၉၂ ဒဿမ ၄၈ ရာခိုင်နှုန်းက ထောက်ခံမဲ ပေးကြသဖြင့် ဖွဲ့စည်းပုံကို အတည်ပြုလိုက်ပြီဟု စစ်အစိုးရ မီဒီယာများတွင် ယနေ့ ကြေညာသည်။ ယနေ့ ထွက်ပေါ်လာသော နောက်ဆက်တွဲ မဲရလဒ်သည် မေလ ၁၅ ရက်နေ့က ကြေညာထားသော ရလဒ်အပေါ် ထပ်မံ၍ အားဖြည့် ပေးလိုက်ခြင်းသာဖြစ်ပြီး စစ်အစိုးရ၏ လမ်းပြမြေပုံအဆင့် ၄ ကို အောင်ပွဲခံလိုက်ခြင်းလည်း ဖြစ်သည်။ နောက်ထပ် အဆင့်တဆင့်မှာ ၂ဝ၁ဝ ခုနှစ်တွင် ရွေးကောက်ပွဲ ကျင်းပခြင်း ဖြစ်သည်။ နိုင်ငံပိုင် ရေဒီယိုမှတဆင့် စစ်အစိုးရ၏ ယနေ့ထုတ်ပြန်ချက်တွင် မုန်တိုင်းဒဏ် ခံခဲ့ရသော ဒေသများတွင် ၂၄ ရက်နေ့က ကျင်းပခဲ့သော ဆန္ဒခံယူပွဲတွင် မဲပေးခွင့်ရှိသူ အားလုံး၏ ၉၈ ဒဿမ ၁ ရာခိုင်နှုန်းက လာရောက် မဲပေးခဲ့ကြသည်ဟု ဆိုသည်။ စစ်အစိုးရသည် မေလ ၁၅ ရက်နေ့ကလည်း ဖွဲ့စည်းပုံကို ၉၂ ဒဿမ ၄ ရာခိုင်နှုန်းက ထောက်ခံကြောင်း ထုတ်ပြန်ခဲ့သည်။ နောက်ဆက်တွဲ ထွက်ပေါ်လာသော ရလဒ်သည် ယခင် ရလဒ်အပေါ် ရာခိုင်နှုန်းအားဖြင့် သိသာစွာ အပြောင်းအလဲရှိမည် မဟုတ်ပါ။ မုန်တိုင်းအပြီး ၃ ပတ်ခန့်အကြာတွင် ပြုလုပ်သော ဆန္ဒခံယူပွဲကို ဧရာဝတီတိုင်းနှင့် ရန်ကုန်တိုင်းအတွင်းရှိ ၄၇ မြို့နယ်တွင် ကျင်းပခဲ့ခြင်း ဖြစ်သည်။ နိုင်ငံတဝှမ်းလုံးရှိ မြို့နယ်ပေါင်း ၃၂၅ မြို့တွင် မဲပေးခွင့်ရှိသူ ၂၇ သန်းအနက် ပျက်ကွက်သူ ၁ သန်းသာ ရှိသည်ဟု စစ်အစိုးရက ဆိုသည်။ စစ်တပ်အာဏာကို အခိုင်အမာ အာမခံထားသော ဖွဲ့စည်းပုံကို မဲပေးခွင့် ရှိသူအားလုံး၏ ထက်ဝက်ကျော်ဖြင့် အတည်ပြုနိုင်သည်။ ပြည်တွင်းမှ အကြီးဆုံး အတိုက်အခံ ပါတီဖြစ်သော အမျိုးသား ဒီမိုကရေစီ အဖွဲ့ချုပ်က ဆန္ဒခံယူပွဲ ရလဒ်သည် လူထုဆန္ဒ မပါဝင်သဖြင့် တရားဥပဒေအရ တရားမဝင်ဟု မေလ ၁၅ ရက်နေ့ကတည်းက ပြောဆိုထားပြီ ဖြစ်သည်။ |
လူသားချင်းစာနာသည့် နိုင်ငံတကာ အစည်းအဝေး ရန်ကုန်မှာ ကျင်းပနေပြီ
| နေသွင် | |
| တနင်္ဂနွေနေ့၊ မေလ 25 2008 16:07 - မြန်မာစံတော်ချိန် | |
| ချင်းမိုင်။ ။ လူသားချင်းစာနာသည့် အကူအညီနှင့် ပတ်သက်သော နိုင်ငံတကာ ဆွေးနွေးပွဲ တရပ်ကို ရန်ကုန်မြို့ ဆီဒိုးနား ဟိုတယ်တွင် ယနေ့နံနက် ၁၁ နာရီမှစတင်ကာ ကျင်းပနေပြီ ဖြစ်သည်။ ကုလအဖွဲ့ဝင် နိုင်ငံများ အပါအဝင် နိုင်ငံပေါင်း ၅ဝ နီးပါး တက်ရောက်ကြမည်ဟု ရန်ကုန် ကုလသမဂ္ဂ ဌာနေရုံးက သတင်းထုတ်ပြန်သည်။ အစည်းအဝေးသို့ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းလည်း တက်ရောက်နေသည်။ ကုလသမဂ္ဂ အေဂျင်စီများ၊ ကြက်ခြေနီအဖွဲ့များနှင့် အစိုးရ မဟုတ်သော အဖွဲ့အစည်းများလည်း အစည်းအဝေးသို့ တက်ရောက်ရန် ရှိနေသည်။ အမေရိကန်နှင့် ဗြိတိန် စသည့် နိုင်ငံများမှ သံတမန်များလည်း တက်ရောက်ဖွယ် ရှိသည်ဟု အစည်းအဝေး မကျင်းပခင် ကုလ သတင်းရပ်ကွက်က မဇ္ဈိမကို ပြောသည်။ မုန်တိုင်းကျအပြီး ၃ ပတ်အကြာတွင် ကုလသမဂ္ဂနှင့် အာဆီယံက ကြီးမှူးကျင်းပသော အဆိုပါ အစည်းအဝေးတွင် ကုလသမဂ္ဂ လူသားချင်း စာနာမှုဆိုင်ရာဌာနမှ အကြီးအကဲ ဂျွန်ဟုမ်း (John Holmes) က ကပ်ဘေးအပေါ် နိုင်ငံတကာ၏ တုံ့ပြန်မှုများနှင့် ပတ်သက်၍ အကျဉ်းချုံး တင်ပြမည် ဖြစ်သလို မြန်မာဘက်ကလည်း လက်ရှိ ကယ်ဆယ်ရေး လုပ်ငန်းများ အခြေအနေကို တင်ပြမည်။ အရှေ့တောင်အာရှ နိုင်ငံများအသင်း (အာဆီယံ) အထွေထွေ အတွင်ရေးမှူး ဆူရင်း ပစ်ဆူဝမ်း (Surin Pitsuwan) ကလည်း အာဆီယံ၊ မြန်မာနှင့် ကုလသမဂ္ဂတို့ ပါဝင်မည့် သုံးပွင့်ဆိုင် စီမံခန့်ခွဲမှု ယန္တရားနှင့် ပတ်သက်၍ ရှင်းလင်း ပြောကြားမည်။ ကုလသမဂ္ဂ လူသားချင်း စာနာမှုဆိုင်ရာဌာနမှ အကြီးအကဲ ဂျွန်ဟုမ်း (John Holmes) က “ဒီအစည်းအဝေးရဲ့ ရည်ရွယ်ချက်က ဆိုင်ကလုန်း ဒဏ်ခံတဲ့ မြန်မာနိုင်ငံသားတွေကို အထောက်အပံ့တွေ ပေးဖို့အတွက် နိုင်ငံတကာ အသိုင်းအဝိုင်းက စည်းလုံးညီညွတ်မှုနဲ့ ပူးပေါင်း ဆောင်ရွက်မှုကို ပြသဖို့ ဖြစ်ပါတယ်” ဟု ပြောသည်။ အစည်းအဝေး၏ သဘာပတိများအဖြစ် စစ်အစိုးရ ဝန်ကြီးချုပ် ဗိုလ်ချုပ်သိန်းစိန်နှင့် စင်္ကာပူနိုင်ငံခြားရေးဝန်ကြီး ဂျော့ရိုး (George Yeo) တို့က ဆောင်ရွက်ကြမည်။ ကုလသမဂ္ဂက အရေးပေါ် ကယ်ဆယ်ရေး လုပ်ငန်းများအတွက် နိုင်ငံတကာမှ အမေရိကန်ဒေါ်လာ သန်း ၂ဝဝ တောင်းခံထားပြီး ယခုအချိန်အထိ လက်ခံ ရရှိထားသော ငွေကြေးပမာဏမှာ သန်း ၅ဝ ရှိပြီး နောက်ထပ် ၄၂ ဒဿမ ၅ သန်းအတွက်လည်း ကတိရရှိထားပြီ ဖြစ်သည်။ စစ်အစိုးရက မုန်တိုင်းကြောင့် ဆုံးရှုံးမှုမှာ အမေရိကန်ဒေါ်လာ ၁၁ ဘီလီယံ ရှိသည်ဟု ပြောသည်။ |
စစ်အစိုးရ ကိုယ့်ဥပေဒေ ကိုယ်လိုက်နာပြီး ဒေါ်အောင်ဆန်းစုကြည်ကို လွှတ်ပေးရမည်ဟု လူ့အခွင့်အရေးအဖွဲ့မှ ပြောကြား
| မုံပီး | |
| စနေနေ့၊ မေလ 24 2008 14:28 - မြန်မာစံတော်ချိန် | |
| နယူးဒေလီ။ ။ မြန်မာစစ်အစိုးရသည် ကိုယ်ထုတ်ထားသည့် ဥပဒေကို လေးစား လိုက်နာ၍ စနေနေ့တွင် ထိန်းသိမ်းမှု သက်တမ်း ကုန်ဆုံးတော့မည် ဖြစ်သော ဒေါ်အောင်ဆန်းစုကြည်ကို ချက်ချင်း လွှတ်ပေးရန် အမေရိကန်အခြေစိုက် Freedom Now လူ့အခွင့်အရေး အဖွဲ့ကြီးက သောကြာနေ့တွင် မြန်မာစစ်အစိုးရကို တိုက်တွန်းလိုက်သည်။ မြန်မာနိုင်ငံ၏ ဥပဒေအရ သူ့ကို ထိန်းသိမ်းမှု သက်တမ်းသည် မေလ ၂၄ ရက်နေ့ သန်းခေါင်ယံတွင် တရားဝင် ကုန်ဆုံးမည် ဖြစ်သဖြင့် ထိုဥပဒေနှင့်အညီ သူ့ကို လွှတ်ပေးရမည်ဟု Freedom Now ၏ ဥက္ကဋ္ဌ Jared Genser က ပြောဆိုခြင်း ဖြစ်သည်။ “စစ်အစိုးရအနေနဲ့ သူ့ကို လွှတ်မပေးဘူးဆိုရင် ကိုယ်ထုတ်ထားတဲ့ ဥပဒေကို ကိုယ် ပြန်ပြီး ချိုးဖောက်တာ ဖြစ်နေမှာပဲ” ဟု ဒေါ်အောင်ဆန်းစုကြည် မိသားစုဝင်များ၏ ညွှန်ကြားချက်အရ သူ၏ ဥပဒေ အကျိုးဆောင်လည်း ဖြစ်သူ Genser က ပြောသည်။ ၁၉၇၅ ခုနှစ် နိုင်ငံတော်အား နှောင့်ယှက် ဖျက်ဆီးလိုသူများ၏ ရန်မှ ကာကွယ် တားဆီးသည့် ဥပဒေ ပုဒ်မ ၁ဝ (ခ) အရ ‘နိုင်ငံတော်၏ အချုပ်အခြာ အာဏာနှင့် လုံခြုံရေးကို ခြိမ်းခြောက် အန္တရာယ်ပြုသူ၊ အများပြည်သူ၏ ငြိမ်းချမ်းမှုကို တားဆီး နှောင့်ယှက်သူဟု ယူဆရသူ မည်သူမဆို အများဆုံး ၅ နှစ်အထိ တားဆီး ကန့်သတ်မိန့် ထုတ်ပြန်နိုင်သည်။ ထိုအမိန့်ကို တနှစ်လျှင် တကြိမ် သက်တမ်း တိုးမြှင့်ရမည်’ ဟု ပြဋ္ဌာန်း ဖော်ပြထားသည်။ ဒေါ်အောင်ဆန်းစုကြည်ကို နောက်ဆုံးအကြိမ် ၂ဝဝ၃ ခုနှစ် မေလတွင် ဖမ်းဆီး ထိန်းသိမ်းထားခဲ့ပြီး၊ ယခု မေလ ၂၄ ရက်နေ့တွင် အကျဉ်းစံသက်တမ်း ၅ နှစ်ပြည့်မြောက်မည်။ သူသည် လွန်ခဲ့သော ၁၈ နှစ်အတွင်း ၁၂ နှစ်ကျော် ထိန်းသိမ်းခံခဲ့ရသည်။ “ထိန်းသိမ်းမှု သက်တမ်းကို ဆက်ထားဖို့ စစ်အစိုးရမှာ ဘာဥပဒေ အခွင့်အရေးမှ မရှိပါဘူး။ တကယ်လို့ ဆက်ဖမ်းထားမယ် ဆိုရင် ဒါဟာ ကိုယ်ထုတ်ထားတဲ့ ဥပဒေကို ကိုယ့်ဘာသာ ပြန်ချိုးဖောက်တာပဲ ဖြစ်လိမ့်မယ်” ဟု Genser က ပြောသည်။ သူ၏ အမျိုးသားဒီမိုကရေစီ အဖွဲ့ချုပ် (NLD) မှ အခြား ခေါင်းဆောင်များကလည်း သူတို့ပါတီ ခေါင်းဆောင်ကို ထိန်းသိမ်းထားခြင်းကို အစဉ်တစိုက် ကန့်ကွက် ဆန့်ကျင်ခဲ့ကြပြီး ဖမ်းဆီးထားသည်မှာ တရားမဝင်ကြောင်းနှင့် လွှတ်ပေးရန်ကိုလည်း တိုက်တွန်း တောင်းဆိုခဲ့ကြသည်။ “ဒါပေမဲ့ အစိုးရက ဥပဒေကို လေးစား လိုက်နာမှုမရှိဘဲ သူ့ကို ဆက်ထိန်းသိမ်းထားခဲ့ပါတယ်” ဟု NLD ၏ ပြောရေးဆိုခွင့်ရှိသူ ဦးဉာဏ်ဝင်းက ပြောကြားသည်။ “တကယ်လို့သာ ဒီတကြိမ်လည်း ထိန်းသိမ်းမှု သက်တမ်းကို ထပ်တိုးခဲ့မယ်ဆိုရင်၊ အစိုးရဟာ ဥပဒေစိုးမိုးမှုကို လေးစားလိုက်နာမှု မရှိဘူးဆိုတာ ပြသရာ ရောက်ပါလိမ့်မယ်” ဟု ဦးဉာဏ်ဝင်းက ဆက်ပြောသည်။ ဤအတောအတွင်း Human Right Watch ကလည်း ဒေါ်အောင်ဆန်းစုကြည်ကို ထိန်းသိမ်းထားခြင်းဖြင့် စစ်အစိုးရသည် ဥပဒေကို ခြယ်လှယ် ချိုးဖောက်နေသည်ဟု ဆိုလိုက်သည်။ ဥပဒေကို ဤကဲ့သို့ လိုသလို ခြယ်လှယ် လုပ်ဆောင်နိုင်ခဲ့သည်ဟု ဆိုလျှင်ပင် ဒေါ်အောင်ဆန်းစုကြည်၏ ထိန်းသိမ်းမှု သက်တမ်းသည် စနေနေ့တွင် ကုန်ဆုံးတော့မည် ဖြစ်သည်ဟု (HRW) ၏ မြန်မာပြည်ရေးရာ အတိုင်ပင်ခံ David Scott Mathieson က ပြောသည်။ “စစ်အစိုးရ အနေနဲ့ လွှတ်ကို လွှတ်ရမယ်။ ဒီလိုပြောတာက ဥပဒေက ဒီအတိုင်း ဆိုထားလို့သာ မဟုတ်ဘူး၊ ဒါ လုပ်ကိုလုပ်ရမယ့် မှန်ကန်တဲ့ ကိစ္စလည်း ဖြစ်လို့ပဲ” ဟု Mathieson က ပြောသည်။ မည်သို့ပင်ဖြစ်စေ စစ်တပ် အသိုင်းအဝိုင်းမှ ရရှိသော သတင်းအရ ဗိုလ်ချုပ်ကြီးများသည် နောက်ထပ် တနှစ် ဆက်လက် တိုးမြှင့်ရန် ပြင်ဆင် လုပ်ဆောင်နေကြပြီး၊ ယင်းကို စနေနေ့တွင် ကြေညာဖွယ် ရှိသည်။ ဤသည်မှာ ရန်ကုန်မြို့တွင် ကျင်းပရန် စီစဉ်ထားသည့် ကုလနှင့် အာဆီယံ ပူးတွဲကျင်းပမည့် အလှူရှင်များ ကွန်ဖရင့် မတိုင်ခင် ၁ ရက်အလို ဖြစ်သည်။ “ဒီ့ထက်ကောင်းတဲ့ အချိန် မရှိတော့ပါဘူး” ဟု Genser က သောကြာနေ့က ထုတ်ပြန်သည့် ကြေညာချက်တွင် ပြောကြားသွားခဲ့ပါသည်။ အကယ်၍ မြန်မာစစ်အစိုးရသာ သူတို့ ဥပဒေကို လေးစား လိုက်နာခဲ့မည်ဆိုလျှင် ဒေါ်အောင်ဆန်းစုကြည်သည် ရန်ကုန်မြို့တွင် တနင်္ဂနွေနေ့၌ ကျင်းပမည့် နိုင်ငံတကာ အလှူရှင်များ ကွန်ဖရင့်သို့ တက်ရောက်နိုင်မည် ဖြစ်သည်။ “သူ့ကို လွှတ်ပေးဖို့ ဗိုလ်ချုပ်ကြီး သန်းရွှေက ငြင်းဆန်ခဲ့မယ်ဆိုရင် ဒါဟာ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းနဲ့ အာဆီယံ သံတမန်တွေရဲ့ မျက်နှာကို ဖြတ်ရိုက် ခံလိုက်ရသလို ဖြစ်မှာပဲ။ ဒီသံတမန်တွေက စစ်အစိုးရက တောင်းခံမယ့် အမေရိကန်ဒေါ်လာ ၁၁ ဘီလီယံဖိုး နိုင်ငံတကာ အကူအညီတွေကို နားထောင်ဖို့ ရောက်လာမှာမို့ပါ” ဟု သူက ဆက်ပြောသည်။ |
ငါးကြောင့် ရောဂါကူးမည်မဟုတ်ဟု ဆရာဝန် ပြောကြား
| ဇာနည် | ||
| စနေနေ့၊ မေလ 24 2008 14:11 - မြန်မာစံတော်ချိန် | ||
| ချင်းမိုင်။ ။ မုန်တိုင်းသင့် ရုပ်အလောင်းများ မြစ်ချောင်းများအတွင်း မျောပါနေခြင်းဖြင့် ငါးများမှတဆင့် ရောဂါ ကူးစက်ဖွယ်မရှိကြောင်း ဌာနဆိုင်ရာ ဆရာဝန်တဦးက ပြောသည်။ မုန်တိုင်းဒဏ်သင့် ရုပ်အလောင်းများ မြစ်ချောင်း၊ ပင်လယ်တွင် မျောပါနေသည်ဟူသော သတင်းစကားကြောင့် ငါးစားသုံးရမည်ကို စိုးရွံ့လာသဖြင့် ဒေသအချို့တွင် ငါးဈေးများ ထူးခြားစွာ ဈေးကျဆင်းကုန်သဖြင့် မဇ္ဈိမက မေးမြန်းကြည့်ရာတွင် ရန်ကုန်ဆေးရုံကြီးမှ တာဝန်ကျ ဆရာဝန်တဦးက ယခုလို ပြောဆိုလိုက်ခြင်းဖြစ်သည်။ ''စားတဲ့သူတွေက ဒီမြစ်ထဲက ငါးတွေကနေ တီဘီ၊ ၀မ်းရောဂါတို့လို ကူးစက်နိုင်တဲ့ ရောဂါတွေရမှာ ကြောက်ကြတယ်။ အဓိကကတော့ စိတ်မသန့်ကြဘူးပေါ့။ မွေးမြူရေး ငါးတွေကိုတော့ ကျနော်တို့လည်း စားနေပါတယ်။ တကယ်လို့ ရောဂါ ကူးစက်တာတွေ ရှိမယ်ဆိုရင် သက်ဆိုင်ရာက ထုတ်ပြန်မှာပေါ့" ဟု ဆရာဝန်က ပြောသည်။ ထို့အပြင် ရန်ကုန်မြို့ အမျိုးသား ကျန်းမာရေး သုတေသနဌာနသို့ ဆက်သွယ်မေးမြန်းခဲ့ရာ မွေးမြူရေးငါးများကို စိတ်ချစွာ စားနိုင်ကြောင်း အရာရှိ တဦးကလည်း ပြောပြသည်။ မုန်တိုင်းပြီးသည့်နောက် ငါးများမှတဆင့် ရောဂါကူးစက်နိုင်မှုကို လည်းကောင်း၊ ငါးစားသုံးမှု တားမြစ်ခြင်း တစုံတရာကို လည်းကောင်း ကျန်းမာရေး ဦးစီးဌာနနှင့် သက်ဆိုင်ရာမှ ထုတ်ပြန် ကြေညာထားခြင်း မရှိသေးပါ။ ရုပ်အလောင်းများ မြစ်ချောင်းများအတွင်း မျောပါနေသည် ဟူသည့် သတင်းကြောင့် ရန်ကုန်တိုင်းနှင့် တနင်္သာရီ ကမ်းရိုးတန်းဒေသများမှ ရေး၊ ထားဝယ်၊ မြိတ်မြို့နယ်တို့တွင် ပင်လယ်ငါးစားသုံးမှု လျော့နဲသွားရာမှ ငါးဈေးများ ထိုးကျနေသည်။ "အမတို့က ငါးကြိုက်ပေမယ့် မုန်တိုင်းပြီးကတည်းက ဘာငါးမှကို မစားတော့တာ။ ငါးတွေက ဒီအလောင်းတွေကို စားမိကြမှာ ဆိုတော့လေ။ ၀မ်းပျက်တာတွေ၊ ၀မ်းလျှောတာတွေ ဖြစ်မှာစိုးလို့။ ပြီးတော့လေ ဘယ်လိုပြောရမလဲ စားရမှာ မသတီတော့ဘူးပေါ့" ဟု ရန်ကုန် ဒေသခံ အိမ်ရှင်မတဦးက မဇ္ဈိမကို ပြောသည်။ "အန်တီတို့က ခြေလေးချောင်းလည်း မစား၊ ကြက်သားလည်း နေ့တိုင်းစားဖို့ မဖြစ်တော့ တီလားပီးယားလို မွေးမြူရေးငါးတွေပဲ ရွေးစားနေရတယ်။ ပင်လယ်ငါးတော့ လုံးဝ မစားတော့ဘူး" ဟု အိမ်ရှင်မတဦးက ပြောသည်။ ယခင်က မွေးမြူရေးငါး တီလားပီးယားငါး တဆယ်သားလျှင် ၉၀ ကျပ်မှ ၁၂၀ ကျပ်နှုန်းရှိရာမှ ၁၈၀ ကျပ်နှင့် အထက်သို့ တက်သွားသလို၊ တဆယ်သားလျှင် ၂၄၀ ကျပ်မှ ၂၅၀ ကျပ်ရှိသော ငါးမြစ်ချင်းဈေးမှာလည်း ၅၀၀ ကျပ်အထိ ခုန်တက်သွားကာ အရွယ်တော် ပုဇွန်ဈေးမှာလည်း ၆၀၀ ကျပ်ခန့်မှ ၁၃၀၀ ကျပ်အထိ ဖြစ်နေသည်။ အကျပ်ရိုက်သူများမှာ လက်လီ လက်ကား ငါးရောင်းချသူများဖြစ်သည်။ "အရင်ကဆို နေ့လယ်လောက်ဆို ငါးတွေက ကုန်သလောက်ပဲ။ အခုဆို ဈေးပိတ်ချိန်အထိ ငါးတွေက တော်တော် ကျန်နေသေးတာ။ တဆိုင်ဆို မထွက်တာ ၅ ရက်လောက်ရှိနေပြီ" ဟု လှည်းတန်းဈေးသူတဦးက ဆိုသည်။ ဈေးကွက်အတွင်း ပင်လယ်ငါးများ ၀င်ရောက်မှုမှာလည်း ယခင်ထက် ထက်ဝက်ခန့်ကျသွားသည်။ "ဆိုင်တဆိုင်ဆို ပင်လယ်ငါးနဲ့ မွေးမြူရေးငါးတွေပဲ ရောင်းတာ။ ရန်ကုန်တ၀ိုက်က ငါးကန်တွေ ငါးဒိုင်တွေက ယူတယ်။ မွေးမြူရေးငါးပါလို့ ပြောတာတောင် မ၀ယ်ကြဘူး။ ခါတိုင်းဆို အရမ်းရောင်းရတာ။ အခုက သုံးပုံတပုံလောက် ရောင်းအားကျတယ်လို့ ညည်းနေတယ်" ဟု ပုဇွန်တောင်ဈေးသားတဦးက ပြောသည်။ ငါးစိမ်း ဈေးကွက်သာမက ငါးကို အဓိကထား၍ ချက်ရသော မြန်မာ့ရိုးရာ မုန့်ဟင်းခါးဆိုင်များလည်း အရောင်းကျဆင်းသွားသည်။ အမဲ၊ ၀က်နှင့် ကြက်တို့ကို ပိုမိုစားသုံးလာကြပြီး အစားရှောင်သူအချို့ကတော့ ကန်များဖြင့် မွေးသော မွေးမြူရေးငါးများကို စိစစ်စာသုံးနေကြ၍ မွေးမြူရေးငါးနှင့် ပုဇွန်ဈေးက မုန်တိုင်း မတိုက်မီကထက်စာလျှင် နှစ်ဆကျော်အထိ တက်သွားသည်။ ထို့အပြင် ဧရာဝတီတိုင်းနှင့် ရန်ကုန်တိုင်းအတွင်းမှ ငါးလုပ်ငန်းသုံး စက်လှေများ ပျက်စီးမှု များပြားခဲ့၍ သယ်ယူခများ တက်လာသည်ကလည်း အကြောင်းအချက်တခု ဖြစ်သည်။ ရန်ကုန်သို့ အများဆုံးတင်ပို့သော တွံ့တေးဖက်မှ မွေးမြူရေး ငါးကန်၊ ရေချိုပုဇွန်ကန်များမှာ ပျက်စီးခြင်းမရှိဘဲ ပုံမှန်အတိုင်း ရောင်းချနေသော်လည်း စားသုံးသူ နည်းနေဆဲ ဖြစ်သည်။ "ကျနော်တို့ဘက်က ပုဇွန်ကန်တွေလည့်း ဘာမှမဖြစ်ပါဘူး။ ကန်ကတော့ ဖော်တော့မယ်။ ဒါပေမဲ့ ဈေးကွက်အတွက်တော့ စိတ်ပူနေရတာပေါ့" ဟု ပုသိမ်မှ ပုဇွန်မွေးမြူရေး လုပ်ငန်းရှင်တဦးက မဇ္ဈိမကို ပြောသည်။ မန္တလေး၊ မကွေး၊ တောင်ကြီးကဲ့သို့သော ဒေသများတွင်မူ ငါးဈေးမှာ ပုံမှန်အတိုင်း ရောင်းဝယ် ဖောက်ကားလျက် ရှိသည်။ မြစ်ချောင်းများ အတွင်းမှ ရသော စားသုံးသူများသည့် ငါးများမှာ ငါးခူ၊ ငါးကျည်း၊ ငါးရံ့ ကဲ့သို့သော ငါးများဖြစ်ပြီး ရေငံတိုး ရေချိုမြစ်တွင်းငါးမှာ ငါးသလောက် ဖြစ်သည်။ မြန်မာနိုင်ငံတွင် အများဆုံးစားသုံးသော ရေချိုငါးမှာ ငါးမြစ်ချင်း၊ ငါးကြင်း၊ ငါးဒန်၊ တီလားပီယား၊ ငါးဖယ် တို့ ဖြစ်ပြီး ပင်လယ်ငါးမှာ ကတ်သပေါင်း၊ ငါးရွှေ၊ ပြည်ကြီးငါး၊ ငါးဗျက်၊ ငါးပုတ်သင် စသည်တို့ ဖြစ်ကြသည်။ ငါးဈေးကွက် ပုံမှန်ပြန်ဖြစ်လာရန်မှာ ၃ လ ခန့် အနည်းဆုံး ကြာလိမ့်မည်၊ ပြည်ပ ငါးပို့မှုကိုလည်း ထိခိုက်နိုင်သည်ဟု ပြည်တွင်းမှ စီးပွားရေး ပညာရှင်များက သုံးသပ်ကြသည်။
| ||
