ဖနိဒါ | |
Friday, 07 March 2008 17:39 - မြန်မာစံတော်ချိန် | |
ချင်းမိုင်။ ။ ရန်ကုန်မြို့မှ ၅ လောင်းပြိုင် လူသတ်မှုသတင်းကို ပြည်တွင်းထုတ် သတင်းဂျာနယ်များတွင် ထုတ်ဖော်ရေးသားခွင့် မပေးဘဲ မှုခင်းဂျာနယ်များ နှစ်စောင်ကသာ ရေးသားဖော်ပြခွင့် ရနေသည်။ ရန်ကုန်လူထုအကြား လူပြောများသွားသည့် ယခုလ ၃ ရက်နေ့က ၅ လောင်းပြိုင် လူသတ်မှုသတင်းကို ပြည်တွင်းရှိ ဂျာနယ်တိုက်များက သတင်းရယူ ဖော်ထုတ်လိုသော်လည်း အာဏာပိုင်များက ခွင့်မပြုဘဲ တနင်္လာနေ့စဉ်ထုတ် မှုခင်းရှုထောင့်နှင့် မှုခင်းမြင်ကွင်းဂျာနယ်များတွင်သာ ဖော်ပြရေးသားခွင့် ပေးထားသည်ဟု ပြည်တွင်းရှိ ဂျာနယ်တိုက်များက ဆိုသည်။ “ကျနော်တို့ ကမာရွတ်ရဲစခန်းကို ဖုန်းဆက်မေးတော့ ကျနော်တို့ ဒီသတင်းတင်လို့ ရမလားလို့ မေးတော့ မရဘူး။ ဒါနဲ့ပတ်သက်ပြီး လုံးဝ သတင်းထုတ်ပြန်ခွင့် မရဘူး၊ မရှိဘူးလို့ ပြောတယ်” ဟု ရန်ကုန်မြို့ရှိ အမည်မဖော်လိုသူ အယ်ဒီတာတဦးက ပြောသည်။ အခြားပြည်တွင်းထုတ် သတင်းဂျာနယ် အယ်ဒီတာတဦးကလည်း “ရှင်းရှင်းပြောရရင် အဲဒီအမှုနဲ့ ပတ်သက်ပြီး ထည့်လို့ရတယ်လေ။ သူတို့သတင်းစာတွေမှာ အဲဒီအမှုနဲ့ ပတ်သက်ပြီး ကြော်ငြာထည့်တယ်။ ကျနော်တို့က သတင်းစာမှာ ပါသလောက် ကိုးကားပြီး ထည့်မယ်လို့ ပြောတာကိုလည်း မဖော်ပြခိုင်းဘူး” ဟု ပြောသည်။ လူသတ်မှုသတင်းကို ရေးသားခွင့်ရရန်အတွက် ယနေ့တွင် စာပေစိစစ်ရေးသို့ တင်ပြထားပြီး အစိုးရထုတ် ကြေးမုံသတင်းစာနှင့် မှုခင်းဂျာနယ်များတွင် ထုတ်ပြန်ပြီးဖြစ်သောကြောင့် ခွင့်ပြုချက်ပေးလာလိမ့်မည်ဟု မျှော်လင့်ရကြောင်း သူက ဆက်ပြောသည်။ ညနေပိုင်း အချိန်တွင် ရန်ကုန်မြို့ တက္ကသိုလ်ရိပ်သာလမ်းရှိ အကျယ်ချုပ်ကျခံနေရသည့် လူထုခေါင်းဆောင် ဒေါ်အောင်ဆန်းစုကြည် နေအိမ်နှင့် နီးကပ်သော ကမာရွတ်မြို့နယ် စိမ်းလဲ့ကန်သာလမ်း၊ အမှတ် ၁၂၆ နေအိမ်တွင် လုံခြုံရေးအစောင့်အကြပ်များ ထူထပ်နေသည့်ကြားမှ အိမ်ရှင် အမျိုးသားနှင့် အမျိုးသမီး ၄ ဦးအား ဦးခေါင်းကို ပစ်ခတ်သွားခြင်း ဖြစ်သည်။ လူသတ်မှုအကြောင်း သတင်းဖော်ထုတ်ခွင့်ရသည့် အဆိုပါ မှုခင်းဂျာနယ် နှစ်စောင်သည် တနင်္လာနေ့စဉ်ထုတ် ဂျာနယ်များ ဖြစ်သော်လည်း ပုံမှန်ထုတ်ရက်ထက်စောကာ ယနေ့တွင် ဂျာနယ်အချပ်ပိုအဖြစ် သတင်းရေးသား ဖော်ပြထားပြီး ရောင်းဈေးမှာ တစောင်လျှင် ကျပ် ၃ဝဝ နှင့် စောင်ရေ ၁ ထောင် ဖြန့်ချိလျက် ရှိသည်။ ရဲသတင်းရပ်ကွက် အဆိုအရ အသတ်ခံရသော မိသားစု၏ နေအိမ်မှ ငွေကျပ် သိန်းတထောင် (အမေရိကန်ဒေါ်လာ ၉ သောင်းခန့်) ပျောက်ဆုံးနေသည်ဟု သိရသည်။ ကျည်ဆံတွင် ပါရှိသည့် အမှတ်အသားများ၊ အမှတ်စဉ်များကို ဖျက်ထားသော်လည်း ကာကွယ်ရေး ပစ္စည်းစက်ရုံမှ ထုတ်လုပ်ထားသည့် ကျည်ဆံများဖြစ်ကြောင်း အကြားအမြင်များသော သတင်းရပ်ကွက်က ဆိုသည်။ သေဆုံးသူ ၅ ဦးကို ယနေ့ညနေတွင် ရေဝေးသုသာန်၌ သဂြိုဟ်မည် ဖြစ်သည်။ |
သန်းထိုက်ဦး | |
Friday, 07 March 2008 17:22 - မြန်မာစံတော်ချိန် | |
ချင်းမိုင်။ ။ ပြည်ပရောက် မြန်မာလုပ်သားများအကြား နအဖ လူထုဆန္ဒခံယူပွဲအား ကန့်ကွက်သည့် လက်မှတ်များ ကောက်ခံနေရာတွင် ယခုအခါ လက်မှတ်ပေါင်း ၁၂ဝဝဝ ခန့် ရရှိနေပြီ ဖြစ်သည်။ ထိုင်းနိုင်ငံ မဲဆောက်၊ ဘန်ကောက်မြို့ မဟာချိုင်ဒေသ၊ စင်္ကာပူနှင့် မလေးရှားနိုင်ငံတို့တွင် ရောက်ရှိနေသည့် မြန်မာနိုင်ငံသားများထံမှ မေလတွင် ကျင်းပမည့် နအဖ လူထုဆန္ဒခံယူပွဲအား ဆန့်ကျင်သည့် လက်မှတ်များ ကောက်ခံနေရာ ယခုအခါ လက်မှတ်ပေါင်း ၁၂ဝဝဝ (တသောင်းနှစ်ထောင်) ခန့် ရရှိနေပြီဟု ဦးဆောင်လှုပ်ရှားသူများက ပြောဆိုကြသည်။ “အခုလက်ရှိ မဲဆောက်နဲ့ ဘန်ကောက်မြို့ မဟာချိုင်က ခန့်မှန်းခြေ လူဦးရေ တသောင်းလောက် ရှိပြီ။ တက်တက်ကြွကြွနဲ့ ပါဝင်တာကို တွေ့ရတယ်” ဟု မဲဆောက်အခြေစိုက် မြန်မာနိုင်ငံ အလုပ်သမား သွေးစည်းညီညွတ်ရေးအဖွဲ့ (BLSO) တာဝန်ခံ ကိုသံဒုတ် က ပြောသည်။ ထိုင်းနိုင်ငံတွင် မြန်မာရွှေ့ပြောင်းအလုပ်သမား ၂ သန်းခန့်ရှိနေရာ BLSO က မဲဆောက်နှင့် မဟာချိုင်ရှိ မြန်မာလုပ်သားများထံမှ လက်မှတ်များကို ကောက်ခံနေခြင်း ဖြစ်သည်။ BLSO ကဲ့သို့ပင် ယခုလဆန်းပိုင်းမှ စတင်ကာ ကန့်ကွက်လက်မှတ်များ ကောက်ခံနေသည့် စင်္ကာပူနိုင်ငံမှ ပြည်ပရောက် မျိုးချစ်မြန်မာများ (စင်္ကာပူ) အဖွဲ့တွင်လည်း ယခုအခါ လက်မှတ်ပေါင်း ၁၆ဝဝ ကျော် ရရှိနေပြီ ဖြစ်သည်။ အဖွဲ့တာဝန်ရှိသူတဦးဖြစ်သူ ကိုကျော်စိုးက “စင်္ကာပူမှာရှိတဲ့ သီရိလင်္ဏာ ဓမ္မဝိဟာရကျောင်းမှာ တရားပွဲလုပ်တဲ့ နေရာမှာလည်း ဆန့်ကျင်လက်မှတ်တွေ ကောက်ခံခဲ့တယ်။ ပြီးခဲ့တဲ့ ဗုဒ္ဓဟူးနေ့က။ ဆရာတော်က စင်္ကာပူမှာရှိတဲ့ မြန်မာတွေကို တရားဟောကြားခဲ့ပါတယ်။ တရားနာတဲ့ ပရိသတ် ၁ဝဝဝ နီးပါး လာတယ်လေ။ ပရိသတ်တွေထဲက နအဖ လုပ်မယ့် ဆန္ဒခံယူပွဲကို ဆန့်ကျင်တဲ့လက်မှတ် ရေးထိုးသွားတဲ့ ဦးရေက ၈ဝဝ လောက် ရှိပါတယ်။ စုစုပေါင်းကတော့ ၁၆ဝဝ ကျော်ပါပြီ” ဟု ပြောသည်။ မနက်ဖြန်နှင့် သဘက်ခါတွင်လည်း ယခုနေရာ၌ပင် လက်မှတ်များ ဆက်လက်ကောက်ခံသွားမည်ဖြစ်ကာ ယခုလ ၁၆ ရက်နေ့မှာ ကျင်းပမည့် ကျောင်းသားခေါင်းဆောင် ကိုဖုန်းမော်အတွက် ဆွမ်းသွပ်အမျှဝေပွဲတွင်လည်း လူထုအစည်းအဝေး ကျင်းပသွားမည်ဟု သိရသည်။ စင်္ကာပူတွင် မြန်မာနိုင်ငံသား ၃ သောင်းမှ ၅ သောင်းအကြား ရောက်ရှိနေကာ လုပ်ငန်းအမျိုးမျိုးတွင် ဝင်ရောက် လုပ်ကိုင်နေကြပြီး မြန်မာပြည်မှ တရားဝင် ထွက်ခွါလာသော ပြည်ပရောက် မြန်မာနိုင်ငံသားအနေနှင့် အဝေးရောက် မဲပေးရမည်ဟု နအဖ က ကြေညာခဲ့သည်။ ယခုလ ၅ ရက်နေ့မှစတင်ကာ မလေးရှားနိုင်ငံရှိ အမျိုးသား ဒီမိုကရေစီအဖွဲ့ချုပ် (လွတ်မြောက်နယ်မြေ) က ဦးဆောင်လှုပ်ရှားနေသည့် နအဖ လူထုဆန္ဒခံယူပွဲအား ကန့်ကွက်သည့် လက်မှတ်များ ကောက်ခံနေရာ ယခုအခါ ၃ဝဝ နီးပါး ရရှိပြီ ဖြစ်သည်။ “တချို့လူတွေက လာမယ့် တနင်္ဂနွေကျမှ လာပြီးတော့ လက်မှတ်ထိုးမယ်။ ဘာကြောင့်လဲဆိုတော့ ဒီကြားထဲ မအားကြလို့လေ။ တနင်္ဂနွေနေ့ကျမှ လာကြမယ်လို့ အကြောင်းကြားတယ် ခင်ဗျ။ အခုလက်ရှိ ရထားတာက ကွာလာလမ်ပူတခွင်က ရထားတာပါ။ အခု နေရာအနှံ့အပြားကို လိုက်ပြီးတော့ လက်မှတ်ထိုးခိုင်းနေတယ်။ တနင်္ဂနွေဆိုလို့ ရှိရင်တော့ ကျနော်တို့ ခန့်မှန်းခြေအရ လူ ၂ဝဝဝ လောက် ရနိုင်မယ်ခင်ဗျ” ဟု အဖွဲ့ ဥက္ကဋ္ဌ ကိုကျော်ကျော်က ပြောသည်။ နအဖ စစ်အစိုးရ၏ အခြေခံဥပဒေမူကြမ်းကို မိမိဆန္ဒအလျောက် ကြိုတင်ကန့်ကွက်သည့် လက်မှတ်များကို စုပေါင်းပြီး ကုလသမဂ္ဂ အထွေထွေအတွင်းရေးမှူးချုပ်၊ ကုလသမဂ္ဂ လုံခြုံရေးကောင်စီ၊ အာဆီယံနိုင်ငံများထံ ပေးပို့သွားမည်ဟု ဦးဆောင်လှုပ်ရှားသူများက ပြောသည်။ နအဖက ဖွဲ့စည်းပုံအခြေခံဥပဒေ (မူကြမ်း) အတည်ပြုမည့် လူထုဆန္ဒခံယူပွဲကို လာမည့် မေလတွင် ကျင်းပမည့်အကြောင်းနှင့် ၂ဝ၁ဝ ခုနှစ်တွင် ဖွဲ့စည်းပုံနှင့်အညီ ရွေးကောက်ပွဲသစ်တရပ် ကျင်းပသွားမည်ဟု ယခုလ ၉ ရက်နေ့က ကြေညာခဲ့သည်။ |
နေသွင် | |
Friday, 07 March 2008 16:26 - မြန်မာစံတော်ချိန် | |
ချင်းမိုင်။ ။ ရန်ကုန်သို့ ရောက်နေပြီဖြစ်သော ကုလသမဂ္ဂ ကိုယ်စားလှယ် မစ္စတာ အီဗရာဟင် ဂမ်ဘာရီသည် အမျိုးသား ဒီမိုကရေစီအဖွဲ့ချုပ် ခေါင်းဆောင်များနှင့် မနက်ဖြန်တွင် တွေ့ဆုံမည် ဖြစ်သည်။ မည်သည့်အချိန်တွင် တွေ့ဆုံမည်ကို အတိအကျ မသိရသော်လည်း မနက်ဖြန်တွင် အဖွဲ့ချုပ်ခေါင်းဆောင်များနှင့် မစ္စတာ ဂမ်ဘာရီတို့ တွေ့ဆုံခွင့် ပေးမည်ဖြစ်ကြောင်း အာဏာပိုင်များဘက်မှ တရားဝင် အကြောင်းကြားထားသည်ဟု ဦးဉာဏ်ဝင်းက မဇ္ဈိမကို ပြောသည်။ "တခုပြောနိုင်တာက အချိန်အတိအကျတော့ ကျနော်တို့ မသိဘူး။ မနက်ဖြန်မှ တွေ့ရမယ်။ ကျန်တဲ့လူတွေတော့ ကျနော် မသိဘူး။ အန်အယ်ဒီနဲ့ ပြောတာ။ ဒီထက်တော့ ကျနော်တို့ သိခွင့်မရှိပါဘူး" ဟု ဦးဉာဏ်ဝင်းက ပြောသည်။ မနက်ဖြန် တွေ့ဆုံပွဲတွင် အဖွဲ့ချုပ်ခေါင်းဆောင်များအပြင် ပါတီအထွေထွေအတွင်းရေးမှူး ဒေါ်အောင်ဆန်းစုကြည်နှင့်ပါ တွေ့ဆုံမည်၊ မတွေ့ဆုံမည်ကိုမူ မသိနိုင်သေးကြောင်း ဦးဉာဏ်ဝင်းက ဖြည့်စွက်ပြောသည်။ အမျိုးသားဒီမိုကရေစီအဖွဲ့ချုပ် ဥက္ကဌ ဦးအောင်ရွှေ၊ အတွင်းရေးမှူး ဦးလွင်၊ ဗဟိုအလုပ်အမှုဆောင် ဦးညွန့်ဝေနှင့် ကုလသမဂ္ဂ သံတမန် မစ္စတာဂမ်ဘာရီတို့သည် ပြီးခဲ့သည့်နှစ်၊ နိုဝင်ဘာလအတွင်းက စစ်အစိုးရရုံးစိုက်ရာ နေပြည်တော်တွင် နောက်ဆုံး တွေ့ဆုံခဲ့သေးသည်။ ယမန်နေ့ကတည်းက ရန်ကုန်မြို့သို့ ရောက်ရှိလာသော ကုလသမဂ္ဂ ကိုယ်စားလှယ် မစ္စတာ အီဗရာဟင် ဂမ်ဘာရီသည် ယခုအချိန်အထိ စစ်အစိုးရအဖွဲ့မှ အလယ်အလတ်အဆင့် ဝန်ကြီး ၂ ဦးနှင့် တွေ့ဆုံခဲ့ပြီး ခရီးစဉ်အတွင်း အဓိကကျသည့် တွေ့ဆုံလိုသူများနှင့် တွေ့ဆုံခွင့်ရရေးအတွက် ဆက်လက် ကြိုးပမ်းသွားမည်ဟု မျှော်လင့်ရသည်။ မြန်မာ့နိုင်ငံရေး ပြဿနာ ပြေလည်ရေးအတွက် ကြားဝင်ဆောင်ရွက်ရန် တာဝန်ပေးအပ်ခြင်း ခံထားရသော ကုလသမဂ္ဂ ကိုယ်စားလှယ်သည် ယမန်နေ့က ခရီးရောက်မဆိုက်တွင် စစ်အစိုးရ နိုင်ငံခြားရေးဝန်ကြီး ဦးဉာဏ်ဝင်း၊ ကုလသမဂ္ဂရုံး ကိုယ်စားလှယ်များ၊ နိုင်ငံခြားသံတမန်များ၊ ရန်ကုန်အခြေစိုက် နိုင်ငံတကာ ကြက်ခြေနီအဖွဲ့ (အိုင်စီအာစီ) မှ ကိုယ်စားလှယ်များနှင့် တွေ့ဆုံခဲ့သည်။ ယနေ့နံနက် အစောပိုင်းကလည်း စစ်အစိုးရ ပြန်ကြားရေးဝန်ကြီး ဗိုလ်ချုပ်ကျော်ဆန်းနှင့် နာရီအတန်ကြာ တွေ့ဆုံခဲ့သလို ညနေပိုင်းတွင် အသစ်စက်စက် ခန့်အပ်ခံထားရသော လူထုဆန္ဒခံယူပွဲ ကျင်းပရေးကော်မတီ ဥက္ကဋ္ဌ ဦးအောင်တိုးနှင့်လည်း တွေ့ဆုံမည်ဟု ရန်ကုန်မှ ဝင်ရောက်လာသော သတင်းများက ဆိုသည်။ နယူးယောက်ရှိ ကုလသမဂ္ဂဌာနချုပ်မှ နောက်ဆုံးထုတ်ပြန်သော သတင်းအရ မစ္စတာဂမ်ဘာရီသည် ယခု ရက်ပိုင်းအတွင်း ယခင်ခရီးစဉ်များအတွင်းက တွေ့ဆုံခဲ့ခြင်း မရှိသော ပုဂ္ဂိုလ်များ အပါအဝင် အလွှာအသီးသီးမှ ကိုယ်စားလှယ်များနှင့် ကျယ်ပြန့်စွာ တွေ့ဆုံသွားမည်ဟု ဖော်ပြထားသည်။ သူ၏ ယခင် ခရီးစဉ်များအတွင်းက အများဆုံး ၆ ရက်ကြာ မြန်မာပြည်တွင် နေထိုင်သွားခဲ့သော မစ္စတာဂမ်ဘာရီ သည် ယခုတကြိမ်တွင် လိုအပ်သလို နေထိုင်သွားမည်ဟုလည်း ကုလသမဂ္ဂက ဆိုသည်။ မစ္စတာဂမ်ဘာရီသည် ပြီးခဲ့သည်နှစ် နိုဝင်ဘာခရီးစဉ်အတွင်း နအဖ အကြီးအကဲ ဗိုလ်ချုပ်မှူးကြီးသန်းရွှေနှင့် တွေ့ခွင့်မရဘဲ ယခုခရီးစဉ်၌လည်း တွေ့ဆုံခွင့် ရ၊ မရ မရေမရာ ဖြစ်နေသည်။ မစ္စတာ ဂမ်ဘာရီ၏ ခရီးစဉ်သည် နေပြည်တော်တွင် နအဖ ထိပ်တန်းခေါင်းဆောင်များ၊ ဒေသဆိုင်ရာ စစ်တိုင်းမှူးများနှင့် သူတို့၏ ဇနီးများပါ အစုံအညီ တက်ရောက်နေသော အစည်းအဝေးနှင့်လည်း တိုက်ဆိုင်နေသည်။ လေ့လာသုံးသပ်သူများက မစ္စတာဂမ်ဘာရီ၏ ယခုခရီးစဉ်အတွင်း သိသာသော တိုးတက်မှုများ မျှော်လင့်မထားကြဘဲ စစ်အစိုးရ၏ လမ်းပြမြေပုံကိုသာ လက်သင့်ခံပြီး နောက်ကြောင်း ပြန်လှည့်ရမည့် ခရီးစဉ်အဖြစ် တွက်ဆထားကြသည်။ ယခုခရီးစဉ်မတိုင်မီ မစ္စတာဂမ်ဘာရီက သူ၏ ယခုခရီးစဉ်အတွင်း ဒေါ်အောင်ဆန်းစုကြည်ကို ၂ဝ၁ဝ ရွေးကောက်ပွဲတွင် ဝင်ရောက်ယှဉ်ပြိုင်ခွင့် မပေးသည့် ကိစ္စအပေါ် အဓိကထား ဆွေးနွေးသွားမည်ဟု ပြောဆိုထားသည်။ စစ်အစိုးရသည် ပြီးခဲ့သည်လအတွင်း လာမည့် မေလတွင် လူထုဆန္ဒခံယူပွဲကျင်းပရန်နှင့် ၂ဝ၁ဝ ခုနှစ်တွင် ရွေးကောက်ပွဲ ကျင်းပမည်ဟု ကြေညာထားပြီး လူထုဆန္ဒခံယူပွဲ ကျင်းပရေးကော်မရှင်တရပ်ကိုလည်း သူတို့ စိတ်ကြိုက် ကိုယ်စားလှယ်များနှင့် ဖွဲ့စည်းထားပြီး ဖြစ်သည်။ ဤအတောအတွင်း ၁၉၉ဝ ခုနှစ်ရွေးကောက်ပွဲတွင် ရွေးကောက်ခံခဲ့ရသော လွှတ်တော်ကိုယ်စားလှယ်များက မစ္စတာ ဂမ်ဘာရီ၏ ခရီးစဉ်အတွင်း တွေ့ဆုံလိုကြောင်း ကုလသမဂ္ဂထံ ဒုတိယအကြိမ် စာပို့ထားသည်။ သံတမန်သတင်းရပ်ကွက်ကို ကိုးကားပြီး အတည်မပြုနိုင်သေးသော သတင်းများအရ မစ္စတာဂမ်ဘာရီသည် တနင်္ဂနွေနေ့တွင် သူ၏ခရီးစဉ်ကို အဆုံးသတ်ဖွယ်ရှိသည်ဟု သိရသည်။ အီဗရာဟင် ဂမ်ဘာရီသည် ကုလသမဂ္ဂ အထွေထွေအတွင်းရေးမှူးချုပ်၏ မြန်မာပြည်ဆိုင်ရာ အထူးကိုယ်စားလှယ်အဖြစ် ၂ဝဝ၆ ခုနှစ်ကတည်းက ခန့်အပ်ခံထားရပြီး ယခုအကြိမ်နှင့်ဆိုလျှင် မြန်မာပြည်သို့ ၅ ကြိမ်မြောက် လာရောက်ခြင်းဖြစ်သည်။ သူသည် မြန်မာ့အရေး တိုးတက်ဖြစ်ထွန်းစေရန် ကြိုးပမ်းနေမှုတွင် ဒေသတွင်း နိုင်ငံများ၏ ထောက်ခံအားပေးမှု ရရှိရန်အတွက် ပြီးခဲ့သည့် ရက်သတ္တပတ်များအတွင်း ဒေသတွင်း နိုင်ငံများဖြစ်သော တရုတ်၊ ဂျပန်၊ စင်ကာပူနှင့် အင်ဒိုနီးရှားနိုင်ငံများသို့ သွားရောက်ခဲ့ပြီး ဇန်နဝါရီလနှောင်းပိုင်းက အိန္ဒိယနိုင်ငံသို့ သွားရောက်ခဲ့သေးသည်။ |
မဇ္ဈိမသတင်းဌာန | |
Thursday, 06 March 2008 18:42 - မြန်မာစံတော်ချိန် | |
ချင်းမိုင်။ ။ ကုလသမဂ္ဂ ကိုယ်စားလှယ် အီဗရာဟင် ဂမ်ဘာရီ ရန်ကုန် ရောက်လာပြီး မရှေးမနှောင်းတွင်ပင် ရန်ကုန်မြို့အနှံ့တွင် စစ်ကားများနှင့် စစ်အစိုးရ ကျောထောက်နောက်ခံ အဖွဲ့များကို ကားများဖြင့် နေရာအနှံ့တွင် တွေ့နေရသည်ဟု မြို့ခံများက ပြောသည်။ ရန်ကုန်မြို့ နေရာအနှံ့တွင် လက်နက် အပြည့်အစုံနှင့် စစ်ကားများအပြင် ကြံ့ဖွံ့နှင့် စွမ်းအားရှင်များကို အပြည့် တင်ဆောင်ထားသော ဒိုင်နာကားများကို အသင့် အနေအထားဖြင့် ရှိနေသည်ဟု မျက်မြင်များက ပြောသည်။ ပန်းဆိုးတန်း၊ ဆူးလေ၊ ကမာရွတ်၊ ဗဟန်း၊ ကြည့်မြင်တိုင်၊ ဦးဝိစာရလမ်း၊ ကန်တော်မင်ပန်းခြံတို့တွင် စစ်ကားများနှင့် စွမ်အားရှင် ကားများကို ချထားပြီး မြို့တော်ခန်းမ ရှေ့တွင်လည်း မီးသတ်ကားများ လုံခြုံရေး ချထားကြောင်း မျက်မြင်တဦးက ပြောသည်။ “အရင် စက်တင်ဘာလိုပဲ။ ကြံ့ဖွံ့နဲ့ စွမ်းအားရှင်တွေကို ခေါ်ပြီးတော့ ကားပေါ်တင်ပြီးတော့ ချထားတယ်။ အပြည့်ဘဲ၊ ကားကြီးတွေ၊ ၁၁ဝ ဒိုင်နာတွေ အများကြီး ရှိတယ်။ စက်တင်ဘာက အတိုင်းဘဲ။ လုံထိန်းရော၊ မီးသတ်ကားတွေရော။ ရဲတွေရော၊ စွမ်းအားရှင်တွေရော။ ကားတွေရော၊ မီးသတ်ကားတွေရော အားလုံးပေါင်းဆိုရင် ရာချီလောက် ရှိတယ်” ဟု အဆိုပါ မြို့ခံက ပြောသည်။ |
မဇ္ဈိမသတင်းဌာန | |
Thursday, 06 March 2008 16:31 - မြန်မာစံတော်ချိန် | |
ချင်းမိုင်။ ။ မကြာမီက ဖြစ်ပွါးခဲ့သော လူ ၅ ယောက် သေဆုံးခဲ့သည့် လူသတ်မှုတွင် အသုံးပြုခဲ့သော ကျည်ဆံသည် ကာကွယ်ရေးပစ္စည်းစက်ရုံမှ ထုတ်လုပ်သော ကျည်ဆံဖြစ်နေသည်ဟု စစ်အစိုးရနှင့် နီးစပ်သောအသိုင်းအဝိုင်း၏ အပြောအရ သိရသည်။ " ကျည်ဆံမှာပါတဲ့ အမှတ်အသားတွေ အမှတ်စဉ်တွေကို ဖျက်ထားတယ်၊ ဒါပေမဲ့ ဒီကျည်ဆံတွေက ကာကွယ်ရေး ပစ္စည်းစက်ရုံက ထုတ်တာတွေဆိုတာ သေချာပါတယ်" ဟု သတင်းရပ်ကွက်တခုက ပြောကြားခဲ့သည်။ မြန်မာအတိုက်အခံခေါင်းဆောင် ဒေါ်အောင်ဆန်းစုကြည်၏ နေအိမ်အနီး လုံခြုံရေး တင်းကြပ်စွာချထားသော ရပ်ကွက်ရှိ နေအိမ်တခုတွင် မိသားစုဝင် ၄ ဦးနှင့် အိမ်ဖေါ်တဦး စုစုပေါင်း ၅ ဦး မတ်လ ၃ ရက်နေ့က နေ့ခင်းကြောင်တောင် ပစ်သတ်ခံခဲ့ရသည်။ စီးပွါးရေးသမား ကုန်သည်ကြီး ဦးချာလီ (ဦးစောကြည်ဖ) ၆ဝ နှစ်၏ဇနီး ဒေါ်စန်းစန်းမြင့် (၅၈) နှစ်၊ သမီးများဖြစ်သော ဒေါ်မြစန္ဒာ (၃၆) နှစ်၊ မနှင်းပွင့်အေး (၂၇) နှစ် နှင့် အိမ်ဖေါ် မအယ်ဖော (၁၅) နှစ်တို့ကို ကမာရွတ်မြို့နယ် စိမ်းလဲ့ကန်သာလမ်း အမှတ် ၁၂၆ ရှိ နေအိမ်တွင် ခေါင်းကို သေနတ်ဖြင့်ပစ်၍ သတ်သွားခဲ့သည်။ တရားခံ သို့မဟုတ် တရားခံများသည် ယခုအထိ လွတ်မြောက်နေဆဲဖြစ်ပြီး ရဲသတင်းရပ်ကွက် အဆိုအရ စုစုပေါင်းငွေကျပ်သိန်း ၁ ထောင် (အမေရိကန်ဒေါ်လာ ၉ သောင်းခန့်) အသတ်ခံရသော မိသားစု၏နေအိမ်မှ ပျောက်ဆုံးနေသည်ဟု ဆိုသည်။ ဦးချာလီပိုင် ဗဟန်းမြို့နယ် သံလွင်လမ်းရှိ အိမ်ကြီးတလုံးကို လွန်ခဲ့သော ရက်အနည်းငယ်ခန့်က ရောင်းချခဲ့ရာ ကျပ်သိန်း ၁၄ဝဝဝ (အမေရိကန်ဒေါ်လာ ၁၃ သန်းခန့်) ရရှိခဲ့ပြီး ပထမအရစ်အဖြစ် ကျပ်သိန်း ၄ဝဝဝ (ဒေါ်လာ ၃၆၅ဝဝဝ) ရရှိပြီး ဖြစ်သည်ဟု မဇ္ဈိမအနေဖြင့် စုံစမ်း သိရှိရသည်။ အခင်းဖြစ်ပြီး နောက်တနေ့တွင် မှုခင်းဖြစ်ပွါးရာနေရာသို့ ရဲတပ်ဖွဲ့ အကြီးအကဲလာရောက် ကြည့်ရှုခဲ့သည်ကို ကြည့်ရခြင်းအားဖြင့် ဤဖြစ်ရပ်သည် စစ်အစိုးရကို တုန်လှုပ်သွားစေခဲ့ပုံ ရသည်။ |