| မဇ္ဈိမသတင်းဌာန | |
| Friday, 07 December 2007 22:57 - မြန်မာစံတော်ချိန် | |
ဆူနာမီကောလဟလများ ထိုင်းတောင်ပိုင်းတွင် ဖြစ်ပေါ်နေဆူနာမီ (၃) နှစ်ပြည့် နှစ်ပတ်လည်သို့ နီးကပ်လာသော ယခုအထိ ထိုင်းတောင်ပိုင်း၊ ဖန်ငရှိဆူနာမီ သုဿာန်တွင် သဂြုင်္ိလ် ပြီးစီးသွားသော မြန်မာအလောင်း (၁၈ဝ) ရှိသွားပြီဟု တီအေစီဒီဘီ၏ ထိုင်းတောင်ပိုင်း ကွင်းတာဝန်ခံ ကိုမင်းလွင်ကပြောသည်။ ပြီးခဲ့သည့် နိုဝင်ဘာလအတွင်း မြန်မာအလောင်း (၆) လောင်းကို ထပ်မံ သဂြုင်္ိလ်ခဲ့ခြင်းဖြစ်ပြီး ယခင်က သဂြုင်္ိလ်ပြီးစီးသော (၁၇၄) လောင်းနှင့်ပေါင်းလျှင် (၁၈ဝ) ရှိသွားခြင်း ဖြစ်သည်။ နိုဝင်ဘာလ (၁၄) ရက်နေ့နှင့် (၂၃) ရက်နေ့များတွင် သဂြုင်္ိလ်ခဲ့သော အလောင်းများမှ မစန်းမူ (၂ဝနှစ်)၊ ဦးအိုလေး (၄၇နှစ်)၊ မအသောင်(၁၈နှစ်)၊ ကိုအကုံး (၂၉နှစ်)၊ ဒေါ်မိသေး (၃၄နှစ်)၊ ကိုသားသား (၄ဝနှစ်) တို့ဖြစ်သည်။ နောက်ထပ် မြန်မာအလောင်း (၂၉) လောင်းလည်း၊ ဆူနာမီအတွင်း သေဆုံးသွားသော ထိုင်းအလောင်း (၇)လောင်း၊ နိုင်ငံခြားသား အလောင်း (၁) လောင်းနှင့်အတူ အအေးခန်းတွင် ဆက်လက် ထိန်းသိမ်းဆဲဖြစ်ကြောင်း သိရသည်။ အလောင်းများကို သက်ဆိုင်ရာ ဆွေမျိုးသားချင်းများက လာရောက် သဂြုင်္ိလ်ကြခြင်းဖြစ်ပြီး သက်ဆိုင်ရာ ဘာသာ ဓလေ့ထုံတမ်းနှင့်အညီ ဆောင်ရွက်ခဲ့ကြခြင်း ဖြစ်သည်။ နောက်ထပ် ရရှိသောသတင်းများအရ လာမည့် ဒီဇင်ဘာလ (၂၅) ရက်တွင်လည်း တီအေစီဒီဘီက ကမကထ ပြုလုပ်ပြီး ဆူနာမီ သုဿာန်အနီးရှိ ဘန်းမွှားဘုန်းကြီး ကျောင်းတွင် ဗုဒ္ဓဘာသာ သံဃာတော်များကို ဖိတ်ကြားပြီး ကွယ်လွန်သူများအတွက် အမျှအတန်း ပေးဝေခြင်း အခမ်းအနားတရပ် ကျင်းပရန် စီစဉ်နေသည်။ တီအေစီဒီဘီက ပြုလုပ်မည့် အခမ်းအနားသို့ ဆူနာမီအတွင်း သေဆုံးသွားသူများ၏ မိသားစုဝင်များ၊ ဆွေမျိုးသားချင်း စုစုပေါင်း (၁ဝဝ) ခန့် ဖိတ်ကြားထားကြောင်း သိရသည်။ ။ ထိုင်းအစိုးရကလည်း ဆူနာမီ နှစ်ပတ်လည် အခမ်းအနားကို လာမည့် (၂၆) ရက်နေ့တွင် ကျင်းပရန် စီစဉ်နေသဖြင့် တရက်စော ကျင်းပခြင်းဖြစ်ကြောင်း သိရသည်။ ဆူနာမီ နှစ်ပတ်လည်သော နီးကပ်လာသော ယခုရက်ပိုင်းအတွင်း လာမည့် (၂၄-၂၅) ရက်များအတွင်း နောက်ထပ်ဆူနာမီ ဖြစ်ပေါ်မည်ဟူသော ကောလဟလကြောင့် ဖန်ငရှိ အလုပ်သမားများ အကြားတွင် သွေးလန့်မှုများ ရှိနေကြောင်း သိရသည်။ “ဒီသတင်းကဘယ်ကထွက်လာလဲတော့မသိဘူး၊ ထိုင်းတွေကလည်းပြောနေကြတယ်။ ဒီသတင်းဟုတ်လား၊ မဟုတ်လား ဆိုတာကိုကျနော့်ကိုမေးတဲ့လူ (၃-၄) ယောက်ရှိနေပြီ”ဟု ကိုမင်းလွင်ကပြောသည်။ ၂ဝဝ၄ ခုနှစ်၊ ဒီဇင်ဘာ (၂၆) ရက်နေ့ကဖြစ်ပေါ်ခဲ့သောဆူနာမီကြောင့် ဖန်ငအပါအဝင်ထိုင်းတောင်ပိုင်းကမ်းခြေဒေသများတွင် လူပေါင်း (၅) ထောင်ခန့်သေဆုံးခဲ့ပြီး၊ ‚င်းတို့တွင် မြန်မာ (၂ဝဝဝ) ခန့်ပါဝင်သည်ဟုခန့်မှန်းကြသည်။ |
Monday, December 10, 2007
ဆူနာမီအတွင်း သေဆုံးသူ မြန်မာအလောင်း (၁၈ဝ) ကို သဂြုင်္ိလ်ပြီးစီး
