မြန်မာ့အရေးကို ပြောဆိုခြင်းဖြင့် လော်ရာဘွတ် (ရှ်) နိုင်ငံတကာ အရေးတွင် ပါဝင်ပြောဆို
ကရောဖို့ (ဒ)၊ တက်ကဆပ် (အောက်တိုဘာ ၁၄ ရက်)
တက� ဆပ်မှ ကျယ်ပြန့်သော မြေပြန့် ကွင်းပြင်ကျယ်နှင့် မြန်မာပြည်မှ ထူထပ် သိပ်သည်းသော သစ်တောကြီးများမှာ နေရာချင်း လွန်စွာ ဝေးကွာပါသည်။ ဝက်ကို မြို့မှာ သွေးထွက်သံယို ဖြစ်ပြီး ရဲက နှိမ်နင်းမှုများနှင့် ဖိနပ် မပါသော မြန်မာပြည်မှ သံဃာတော်များ သတ်ဖြတ် ခံရခြင်းတို့မှာလည်း ဆက်စပ်မှုမရှိ အလွန် ဝေးကွာပါသည်။ သို့သော်လည်း ဝေးကွာလှစွာသော အရပ်မှ ရက်စက်သော နှိပ်ကွပ်မှုများကြောင့် တခါက စာကြည့်တိုက်မှူး လုပ်ခဲ့ဖူးသော သမတ ကတော်၏ ပြောဆိုချက်များသည် အမေရိကန် နိုင်ငံ၏ နိုင်ငံခြားဝါဒ ထိပ်တန်း ပေါ်လစီအဖြစ် တွေ့လာခဲ့ကြရပါသည်။
သြဂုတ်လအတွင်း မိသားစုပိုင် လယ်တောတွင် အနားယူရင်း အိမ်ဖြူတော် ဝန်ထမ်းတို့က ပို့ပေးသော မြန်မာပြည်မှ ဆန္ဒပြမှုနှင့် အဖမ်းအဆီး သတင်းများကို ကြည့်၍ သမတကတော်မှာ များစွာ စိတ်အနှောင့်အယှက် ဖြစ်ခဲ့ရပါသည်။ ဘယ်မျှ စိတ်ထိခိုက်ခဲ့ရသနည်း ဆိုသော် ဝါရှင်တန်ကို ပြန်ရောက်သည်နှင့် ကုလသမဂ္ဂ အထွေထွေ အတွင်းရေးမှူးချုပ်ထံ တယ်လီဖုန်းဖြင့် ဆက်သွယ်ခဲ့ပါသည်။ ထိုအချိန်မှစပြီး ကမ္ဘာတဝှမ်းလုံးမှ မြန်မာ စစ်အစိုးရအပေါ် ဖိအားပေးနိုင်ရေးကို တလျှောက်လုံး ကြိုးပမ်းခဲ့ပါသည်။
သူ့မိသားစုဝင် တယောက်က မြန်မာနိုင်ငံ အကြောင်းကို လွန်ခဲ့သော ၅ နှစ်ခန့်က သူ့ကို ပြောပြခဲ့ပါသည်။ လွန်ခဲ့သော မိမိခင်ပွန်း၏ သမတ သက်တမ်းအတွင်း တခါမှ ရှေ့ကို မထွက်ခဲ့သော သမတ ကတော်ကြီးသည် မြန်မာပြည်မှ မတော်မတရား ဖြစ်ရပ်များကို နိုင်ငံတကာ မြင်ကွင်းရှေ့သို့ အရောက် အားတက်သရော ဆောင်ရွက်ခဲ့ပါပေသည်။ အစိုးရ အရာရှိကြီးများ၊ သံတမန်ကြီးများနှင့် ဆွေးနွေးခဲ့ပြီး၊ ကျေညာချက်များ၊ အင်တာဗျူးများ အကြိမ်ကြိမ် ပြုလုပ်ခဲ့သည်။ မြန်မာပြည်ကို ပိတ်ပင်မှု အသစ်များ ပြုလုပ်နိုင်ရန်လည်း ဆော်သြခဲ့ပါ၏။ သတင်းစာကြီးများ၏ အယ်ဒီတာ့ အာဘော် အခန်းတွင်လည်း အကြိမ်ကြိမ် ရေးသားခဲ့ပြီး မြန်မာပြည်မှ အဖိနှိပ်ခံ ပြည်သူများ၏ ကံကြမ္မာကို အများသိအောင် မီးမောင်း ထိုးပြနိုင်ခဲ့ပါသည်။
အိမ်ဖြူတော်မှ အာရှရေးရာ တာဝန်ခံ ဒေးဗစ်ချားက ဒီကိစ္စကို လူသိရှင်ကြား ဖြစ်အောင် နိုင်ငံခြားရေးရာ အရေးတကြီး ကိစ္စတခုဖြစ်အောင် သူမ အမြဲ ဆော်သြခဲ့ပါတယ်ဟု ဆိုသည်။ အိမ်ဖြူတော်တွင် ယခုနှစ် စောစောပိုင်းအထိ တာဝန် ထမ်းဆောင်ခဲ့ပြီး ယခုအခါ ဂျော့တောင်း တက� သိုလ်တွင် သင်ကြား ပို့ချပေးနေသော ဒေးဗစ်က ဆက်၍ သူမဟာ ဘယ်ကိစ္စကို စိတ်ဝင်တစား ရှိရမယ်ဆိုတာ သေသေချာချာ စိစစ်ပြီးမှ ဆောင်ရွက်လေ့ ရှိပါတယ်ဟု ဆိုသည်။
ဆန်းစစ်သူများက လော်ရာဘွတ်(ရှ)သည် သူ့ခင်ပွန်း မဆောင်ရွက်နိုင်သည့် မြန်မာနိုင်ငံ အရေးကို နိုင်ငံတကာက တညီတညွတ်တည်း အာရုံစိုက်မိအောင် ဆောင်ရွက်နိုင်ကြသည်ဟု ဆိုကြပါသည်။ အစိုးရ အဖွဲ့အတွင်းမှ တာဝန်ရှိသူများမှာ တနည်းမဟုတ်တနည်း တခြား ကမ္ဘာ့ရေးရာ ကိစ္စများနှင့် အလုပ်ရှုပ်နေချိန်တွင် သူမတဦးတည်းသာ အီရတ်ကိစ္စ၏ လွှမ်းမိုးထားခြင်းမှ ကင်းကင်းရှင်းရှင်း အလုပ်လုပ်နိုင်သူ ဖြစ်နေပေသည်။ သို့သော် သူမ စကားပြောပြီ ဆိုလျှင် သူမ နောက်တွင် အစိုးရအဖွဲ့ တခုလုံး၏ ထောက်ခံမှု အင်အား ပါသည်ဟု ဆိုနိုင်ပါသည်။
လော်ရာဘွတ်(ရှ) ဟာ နိုင်ငံတွင်းမှာရော နိုင်ငံတကာမှာပါ အားကိုးဘွယ် မှီခို အားထားနိုင်သူ တယောက် ဖြစ်ပါတယ်ဟု ဘီလ်ကလင်တန် လက်အောက်တွင် ကုလသမဂ္ဂ တာဝန်ခံ အရာရှိအဖြစ် ဆောင်ရွက်ခဲ့သူ နန်စီတိုရာဘတ်က ဆိုပါသည်။ သူ့လို လူများများစားစား မရှိဘဲ သူတို့ စကားပြောပြီ ဆိုရင်လည်း အများက ဂရုတစိုက် နားထောင် ကြရပါတယ်ဟု ဆိုသည်။ သမတ ကတော်က အာရုံစိုက်တဲ့ ကိစ္စကို လူတိုင်းက တလေးတစား အာရုံစိုက်ပြီး လိုက်လုပ်ကြရပါတယ်ဟု ပြောသည်။
သူမက ပိုပြီး ပွင့်ပွင့်လင်းလင်း ပြောပြီ ဆိုတာဟာ ကိုယ့်ကိုယ်ကို ယုံကြည်မှုများ တိုးပွားလာကြတာကို သက်သေ ခံနေကြပါတယ်။ လွန်ခဲ့သော နှစ်များအတွင်း စာမတတ်သူ ပပျောက်ရေး လုပ်ငန်း စတာတွေထက် မကတော့ဘဲ ပြောစရာတွေဟာ ပိုပြီး များလာပါတယ်။ ဘွတ်(ရှ)ရဲ့ ပထမ သက်တမ်းအတွင်း သူမဟာ သူမဘာသာ ခရီး ၅ ကြိမ် ထွက်ခဲ့ပါတယ်။ ဒီအပတ်ကုန်မှာတော့ ဒုတိယ သမတ သက်တမ်းအတွင်း သူမရဲ့ ၉ ကြိမ်မြောက် ခရီးအဖြစ် အာရပ်စော်ဘွားနိုင်ငံ၊ ဂျော်ဒန်၊ ကူဝိတ်နဲ့ ဆော်ဒီ အာရေးဗီးယား နိုင်ငံတွေကို သူမ ခရီးထွက်ပါလိမ့်ဦးမည်။
ကျမအတွက်တော့ ဒါတွေဟာ အဆန်း မဟုတ်တော့ပါဘူး။ ကျမ နေရာကနေပြီး လုပ်နိုင် ပြောနိုင်တာတွေ အတွက် ကျမ လုပ်နေ ပြောနေရမှာပါဟု ယခင်လက အင်တာဗျူး တခုတွင် သမတ ကတော်က ပြောခဲ့ပါသည်။ စုစုပေါင်း ၆၈ ကြိမ်မျှ သမတကြီး ပါလျက်ဖြစ်စေ၊ မပါဘဲဖြစ်စေ သူမ ခရီးထွက်ခဲ့ပြီးပါပြီ။ အခြား သမတ ကတော်ဖြစ်သော ဟီလာရီ ကလင်တန်မှာ ၈၂ ကြိမ်မျှ ခရီးထွက်ခဲ့သည် ဖြစ်သော်လည်း မတူညီသော အချက်မှာ လော်ရာဘွတ်(ရှ) အနေဖြင့် အငြင်းပွားဘွယ် ကိစ္စများကို ရှောင်ရှားတတ်ခြင်းပင် ဖြစ်ပါ၏။ ၂ဝဝ၅ ခုနှစ်က အီဂျစ်ပြည် ခရီးတွင် သမတ ဟော်စနီ မူဘာရက်၏ အယောင်ဆောင် ဒီမိုကရေစီ ရေးရာများကို ချီးကျူး ပြောဆိုခဲ့သဖြင့် အတိုက်အခံ အင်အားစုများအဖို့ များစွာ စိတ်အနှောင့်အယှက် ဖြစ်ခဲ့ကြရပေသည်။
သူမသည် တကိုယ်တော် ထင်ရာစိုင်းနေသူ မဟုတ်ပါ။ အနည်းဆုံး နိုင်ငံတော် လုံခြုံရေး ကောင်စီ၊ နိုင်ငံခြားရေး ဌာနတို့နှင့် အမြဲ အဆက်အသွယ်ရှိပြီး မပြောမီ၊ ပြောသင့် မသင့် အတည်ပြုချက် ယူလေ့ ရှိပါသည်။
နိုင်ငံခြားရေး ဝန်ကြီးဖြစ်သူ ကွန်ဒီလီဇာရိုက်၊ အမျိုးသား လုံခြုံရေး အကြံပေး စတီဗင်ဟတ်ဒလီ အပါအဝင် အခြား စီနီယာ ဝန်ထမ်းများတို့နှင့်လည်း မြန်မာနိုင်ငံနှင့် ပတ်သက်သမျှ စည်းဝေးပွဲ၊ အီးမေးလ်တို့နှင့် အမြဲ ထိတွေ့မှု ရှိနေပြီး ရန်ကုန်တွင် ဖြစ်ပျက်သမျှ နောက်ဆုံး သတင်းတို့ကို သမတကတော် အမြဲ သိရှိနေပါသည်။
လော်ရာအဖို့ မြန်မာပြည်တွင် စိတ်ဝင်စားရခြင်းမှာ သမတဘွတ်(ရှ)၏ ဆွေမျိုးတော်စပ် တဦးဖြစ်သူ အယ်လစီ ဝေါ်လကာ ဆိုသူ လူ့အခွင့်အရေးဆိုင်ရာ ကျွမ်းကျင်သူထံမှ စတင် သိခဲ့ရခြင်း ဖြစ်ပါသည်။ ၁၉၉ဝ ရွေးကောက်ပွဲ အနိုင်ရခဲ့သည့် နိုဘယ် ငြိမ်းချမ်းရေးဆုရှင် ဒေါ်အောင်ဆန်းစုကြည် အကြောင်းကိုလည်း သူမထံမှပင် ကြားသိရခြင်း ဖြစ်ပါသည်။ စစ်တပ်မှ ရွေးကောက်ပွဲ ရလဒ်ကို လက်ခံရန် ငြင်းဆိုခဲ့ပြီး သူမမှာ တောက်လျှောက် အကျဉ်းချထားခြင်း ခံခဲ့ရပါသည်။ သူမ၏ ကြောက်ရွံ့ခြင်းမှ လွတ်ကင်းရေး စာအုပ်ကို ဖတ်ရှုပြီးချိန်မှစ၍ သူမအပေါ် ပိုမို ဂရုဏာ သက်လာခဲ့ခြင်း ဖြစ်ပြီး၊ မြန်မာလူမျိုးတို့၏ ကံကြမ္မာကို ပိုမိုစာနာ လာမိခဲ့ပါသည်။
ဒေါ်အောင်ဆန်းစုကြည်ဟာ မြန်မာတနိုင်ငံလုံးရဲ့ မျှော်လင့် အားထားရတဲ့ သူပါပဲ။ ဒီမိုကရေစီ ရမယ့်နေ့ကို မျှော်လင့်နေသူများ၊ ရက်စက် ဆိုးသွမ်းတဲ့ စစ်အုပ်ချုပ်သူများ မရှိတော့တဲ့နေ့ကို စောင့်မျှော်နေရသူများ၊ အားလုံးဟာ သူမအပေါ်မှာပဲ မျှော်လင့်ချက် ထားနေကြရပါတယ်။ သူမ လိုချင်တယ်ဆိုတဲ့ နိုင်ငံရေးအရ ပြန်လည် ရင်ကြားစေ့ရေး ဆိုတာကို ကျမ နားလည်ပါတယ်။ အစိုးရကို ပြည်သူတွေရဲ့ လိုအပ်ချက်ကို ဖြည့်ဆည်း ပေးစေချင်တယ်။ ဒီမိုကရေစီရေးအတွက် သူမဟာ တတ်နိုင်သမျှ အလုပ် လုပ်ပေးချင်ပါတယ်။
သမတ ကတော်ကြီးဟာ မြန်မာပြည်ကိုလည်း မရောက်ဖူး၊ ဒေါ်အောင်ဆန်း စုကြည်ကိုလည်း ကိုယ်တိုင် မတွေ့ဖူးပါ။ သို့သော်လည်း မြန်မာနိုင်ငံ အရေးဟာတော့ သူမအတွက် အဓိက အကြောင်းအရာတခု ဖြစ်နေပြီး၊ ကုလသမဂ္ဂမှာ မြန်မာနိုင်ငံအရေး ဆွေးနွေးပွဲကို တကြိမ် ကျင်းပခဲ့ပြီး၊ ပက်ပါဒိုင်း တက� သိုလ်ရဲ့ ဘွဲ့ပေးပွဲ အခမ်းအနားမှာလည်း မြန်မာပြည်အရေးကို ဆွေးနွေး ပြောကြားခဲ့ပါတယ်။
ဧပြီလတုန်းကလည်း ဘီဘီစီက ထုတ်လွှင့်တဲ့ မြန်မာနိုင်ငံဆိုင်ရာ အသံလွှင့်ချက်ကို နိုင်ငံခြားရေးနဲ့ အမျိုးသား လုံခြုံရေးကောင်စီ အဖွဲ့ဝင်များကို ဖိတ်ကြားပြီး အိမ်ဖြူတော် ခန်းမဆောင်မှာ အတူတကွ ကြည့်ရှုခဲ့ကြပါတယ်။ မေလထဲမှာတော့ ဆီးနိပ်က ဦးစီးကျင်းပတဲ့ မြန်မာ့အရေးကိစ္စ ဆွေးနွေးပွဲကို တက်ရောက်ခဲ့ပါတယ်။ ကုလသမဂ္ဂ အတွင်းရေးမှူးချုပ် ဘန်ကီမွန်း ဆီကိုလည်း စာရေးသားခဲ့ပါသေးတယ်။ မြန်မာ့ အတိုက်အခံ အင်အားစုများကိုလည်း အိမ်ဖြူတော်မှာ တွေ့ဆုံ ဧည့်ခံခဲ့ပြီး အထူး ကိုယ်စားလှယ် ဂမ်ဘာရီနဲ့လည်း တွေ့ဆုံခဲ့ပါတယ်။ ဝေါစထရိ ဂျာနယ်မှာလည်း ဒေါ်အောင်ဆန်းစုကြည် မွေးနေ့ အယ်ဒီတာ့ အာဘော်ကို ရေးသားခဲ့ပြီး စီအင်အင်နဲ့လည်း အင်တာဗျူး လုပ်ခဲ့ပါတယ်။
သြဂုတ်လအတွင်း ဖြစ်ပွားခဲ့တဲ့ လောင်စာဆီ ဈေးနှုန်း တိုးမြှင့်ခြင်းကို အကြောင်းပြုပြီး ဖြစ်ပွားခဲ့တဲ့ ဆန္ဒပြပွဲများကြောင့် သူမရဲ့ ကြိုးပမ်းချက်များဟာ အရှိန်အဟုန် တိုးမြင့် လာရပါတော့တယ်။ ဘမ်ကီမွန်းကို ဖုန်းခေါ်တာတွေအပြင် သူမဟာ အင်တာဗျူးပေါင်း အကြိမ်ကြိမ် ပြုလုပ်ခဲ့ပါတယ်။ တဖြည်းဖြည်း ပိုမိုပြင်းထန်တဲ့ ထုတ်ပြန်ချက်များကို ထုတ်ပြန်လာခဲ့ပါတယ်။ ဆီးနိပ် အပြည်ပြည်ဆိုင်ရာ ဆက်ဆံရေး ကော်မတီဆီကိုလည်း အကြိမ်ကြိမ် စာရေးခဲ့ပါတယ်။ ဝေါစထရိ ဂျာနယ်မှာ မြန်မာအစိုးရကို ဒီမိုကရက်တစ် ပြုပြင်ပြောင်းလဲရေးတွေ လုပ်ရင်လုပ်၊ မလုပ်ရင် ဘေးဖယ်ပါ ဆိုတဲ့စာကို ရေးခဲ့ပါတယ်။ ဒီဆောင်းပါးကို ဘယ်လို ယူဆပါသလဲလို့ မေးတော့ သမတကြီးက လက်မထောင်ပြီး ပြခဲ့ပါတယ်။
ပိုပြီး အရေးကြီးတာကတော့ ယခင်တပါတ်က အတွင်းရေးမှူးချုပ် ဘန်ကီမွန်း သူမထံ ဖုန်းဆက်ပြီး မြန်မာနိုင်ငံနဲ့ ပတ်သက်တာတွေကို အသိပေး ပြောကြားခဲ့တာပါပဲ။ ဒီနည်းနဲ့ သူမဟာ ဘွတ်(ရှ်) သမတ အစိုးရရဲ့ မြန်မာနိုင်ငံဆိုင်ရာ ဆက်သွယ်ရေး အရာရှိ ဖြစ်လာခဲ့ရပါတယ်။ USA Today နဲ့ ပြောကြားရာမှာတော့ နောက်တရက် နှစ်ရက်အတွင်း ဒီမိုကရေစီ စနစ်ကို ပြောင်းရင်ပြောင်း၊ မပြောင်းရင် ကျမ ယောက်ျားရဲ့ အစိုးရဟာ မြန်မာနိုင်ငံကို ပိတ်ဆို့ရေး လုပ်ငန်းတွေ လုပ်ရမှာပဲလို့ ပြောခဲ့ပါတယ်။
သူမဟာ သူမအတွက် သာမက သမတကြီးအတွက်ပါ ပြောနေတာလို့ ကျနော်တို့ နားလည်ကြပါတယ်ဟု လူ့အခွင့်အရေး စောင့်ကြည့်သူများ အဖွဲ့မှ တွမ် မာလင်နိုစကီးက ပြောပါသည်။ ကုလသမဂ္ဂဟာ တနေ့တနေ့ အမေရိကန်တွေဆီက အကြောင်းပေါင်း ၅ဝ လောက်နဲ့ ပတ်သက်ပြီး စကားပြောနေရတာတွေ ရှိပါတယ်။ ဒါပေမဲ့ သမတ ကတော်ဆီက ကြားရပြီဆိုရင် ဒါဟာ အလွန်ထူးခြားတဲ့ အကြောင်းလို့ပဲ ကျနော်တို့ မှတ်ယူပါတယ်။ ကျနော်ဟာ သူ့ယောက်ျားရဲ့ ပေါ်လစီ အတော်များများကို သဘောထားချင်း မတိုက်ဆိုင်ပါဘူး။ ဒါပေမဲ့ မြန်မာပြည် အရေးမှာတော့ သူဟာ မှန်တာကို လုပ်နေတာပါ။ ကျနော်တို့ ထောက်ခံပါတယ်ဟု ဆိုသည်။
ပြောရရင်တော့ ဒီအစိုးရအဖွဲ့ဟာ ဘယ်လောက် ခက်ခဲတဲ့ ပေါ်လစီတွေကို ချမှတ်နေနေ၊ ဒီကိစ္စကတော့ အလွန် ရိုးရှင်း လွယ်ကူပါတယ်။ ရွှေအဆင်းနဲ့ အပြစ်ကင်းသူတွေဟာ အယုတ်တမာတွေနဲ့ စစ်ဖြစ်နေကြရပါတယ်။ အမေရိကန် အစိုးရဟာ ဝေဝါးနေတဲ့ကိစ္စ အတော်များများမှာ ပါဝင် ပတ်သက်နေပါတယ်။ မြန်မာပြည် အရေးကတော့ ဘယ်သူတွေက ဆိုးမိုက်ပြီး ဘယ်သူတွေက မတရားလုပ်တာကို ခံစားနေရတယ်ဆိုတာ အလွယ်တကူ သိနိုင်ပါတယ်။
သမတ ကတော်အတွက်တော့ သမတသက်တမ်း ကုန်ခါနီး ၁၅ လ အလိုမှာ မြန်မာပြည် အရေးဟာ သူ့အသံကို အများက ကြားရအောင်လုပ်ဖို့ အခွင့်ကောင်း တခုကို ရစေခဲ့ပါတယ်။ ဒုတိယအကြိမ် သမတသက်တမ်း ဝင်ခါစမှာ ရွေးကောက်ပွဲ အနိုင်ရဘို့ ကြိုးပမ်းရတာတွေအပြီး လွတ်လပ်သွားချိန်မှာ ဒီအရေးကို ပိုပြီး အာရုံ စိုက်နိုင်ခဲ့ပါတယ်။ သူ့အကြီးတန်း လက်ထောက် မက်ကဗိုက်က အချိန်တွေဟာ ကုန်လွယ်လှသလို၊ သမတ ကတော်အနေနဲ့ ဒီအခွင့်အရေးကို အကောင်းဆုံး အသုံးချ သွားချင်ပါတယ်ဟု ဆိုပါသည်။
သမတကတော် အနေနဲ့ကတော့ သူနဲ့ပတ်သက်တဲ့ သမိုင်းကို မှတ်မှတ်ရရဖြစ်အောင် ချန်ရစ်ခဲ့စေချင်ပုံ ရပါတယ်။ သူမဟာ အများထင်သလို စိတ်ထားနုနယ်ပြီး အစိုးရ ပေါ်လစီဟာ သူနဲ့ မဆိုင်တဲ့ ကိစ္စတခုလို သဘောထားနေတာ မဟုတ်ပါဘူး။ တက� ဆပ်ပြည်နယ် တက� သိုလ်မှ ဘရု့ဗျူခါနင်က မြန်မာပြည်အရေးမှာ သူမရဲ့ ဆောင်ရွက်ချက်ဟာ ထိရောက် အောင်မြင်ပါလိမ့်မယ်၊ ဒါပေမဲ့ ဒါဟာ နောက်ဆုံး ဆောင်ရွက်ချက် မဟုတ်ပါ၊ နောက်ထပ် လာပါလိမ့်ဦးမယ်ဟု နိမိတ် ဖတ်လိုက်ပါသည်။
စင်္ကာပူ ဒီမိုကရေစီအင်အားစု
ကိုးကားချက်
၁၅ ရက်၊ အောက်တိုဘာလ ၂ဝဝ၇ (ဝါရှင်တန်ပို့စ်)
