အောက်တိုဘာလ ၁၇ ရက်၊ ၂ဝဝ၇ ခုနှစ်။
စစ်ကိုင်းတိုင်း တမူးမြို့ရှိ ဒေသ အာဏာပိုင်များက ဒေသခံ ပြည်သူများကို တအိမ်ထောင်လျှင် လူတဦးနှုန်း မလာမနေရ စနစ်ဖြင့် အမျိုးသားညီလာခံ ထောက်ခံပွဲတရပ်ကို ယနေ့မနက်ပိုင်းက ကျင်းပသွားခဲ့သည်။
တမူးမြို့နယ် အားကစားကွင်းတွင် ယနေ့မနက်က ကျင်းပသည့် ထောက်ခံပွဲသို့ တအိမ်ထောင်လျှင် တဦးမတက်မနေရ အာဏာပိုင်များက အမိန့်ပေး အကြောင်းကြားထားသဖြင့် ခမ်းပတ် မြို့နယ်ခွဲ၊ ကနန် ကျေးရွာတို့မှ ပြည်သူများနှင့် အစိုးရ ဝန်ထမ်းများ တက်ရောက်ခဲ့ကြရပြီး အမျိုးသား ညီလာခံ ထောက်ခံပွဲကို ထောက်ခံကြောင်း မြို့တွင်း တပတ်လှည့်လည်ကာ ကြွေးကြော်သံများ ဆိုခဲ့ကြခြင်းဖြစ်သည်။
“မနက် ၇ နာရီလောက်ကစတာ၊ အများစုလိုက်တာကတော့ ကျေးရွာတွေကပါဘဲ။ ပြည်သူဆန္ဒ ထုတ်ဖော်ပွဲပါ။ မြို့တွင်းကိုပတ်ပြီး ကြွေးကြော်သံတွေ ကြွေးကြော်ကြတယ်” ဟု တမူးမြို့နယ် ကြံ့ခိုင်ဖွံ့ဖြိုးရေးရုံးမှ တာဝန်ရှိသူတဦးက မဇ္ဈိမကို ပြောသည်။
လူထုဆန္ဒ ထုတ်ဖော်ပွဲကို တက်ရောက်ရန် လွန်ခဲ့သည့် ၂ ရက်ကတည်းက အာဏာပိုင်များဘက်မှ တအိမ်ထောင်လျှင် တဦးနှုန်း မတက်မနေရ စနစ်ဖြင့် လက်မှတ် ရေးထိုးခိုင်းပြီး အခမ်းအနားကို တက်ရောက်လာသူများကိုလည်း ထပ်မံ၍ လက်မှတ် ထိုးခိုင်းကြောင်း ဒေသခံများ အဆိုအရ သိရသည်။
အလားတူ ယမန်နေ့ကလည်း ပဲခူးတိုင်း ပဲခူးမြို့ အားကစားကွင်းတွင် လူထုထောက်ခံပွဲကို ကျင်းပရာ ပဲခူးတိုင်း အာဏာပိုင်များက ပဲခူးတိုင်းအတွင်းရှိ မြို့နယ်များမှ တအိမ်ထောင်လျှင် တဦးနှုန်းဖြင့် အတင်းအကြပ် တက်ရောက်စေပြီး မတက်ရောက်နိုင်သူများကို ဒဏ်ငွေကျပ် ၅ဝဝ (သို့) ၁ဝဝဝ ကျပ် ဒဏ်ခတ် အရေးယူမည်ဟု ခြိမ်းခြောက်ထားကြောင်း၊ ထောက်ခံပွဲ ကျင်းပချိန်တွင်လည်း မြို့တွင်းရှိ ဈေးဆိုင်များကိုလည်း ပိတ်ခိုင်းထားကြောင်း ပဲခူးမြို့ ဒေသခံ တဦးမှ မဇ္ဈိမကို ပြောသည်။
လူထုထောက်ခံပွဲ တက်ရောက်ခဲ့သည့် ပဲခူးမြို့ခံ အများစုမှာ ဆေးလိပ်ခုံတွင် ဆေးလိပ် လိပ်သူများ၊ နေ့စားလုပ်သူများ ဖြစ်သောကြောင့် အလုပ်ဖျက်ကာ ထောက်ခံပွဲ တက်ရောက်ခဲ့ရသဖြင့် တနေ့တာ နေ့စား ဝင်ငွေများ ဆုံးရှုံးရသဖြင့် အာဏာပိုင်များပေါ် မကျေနပ်သည့် အသံများ ထွက်ပေါ်နေဆဲ ဖြစ်သည်ဟု ဒေသခံများ အဆိုအရ သိရသည်။
နအဖ စစ်အစိုးရက ၁၄ နှစ်ကြာ ကျင်းပလာပြီး အဆုံးသတ်သွားပြီ ဖြစ်သည့် အမျိုးသား ညီလာခံကို မြန်မာပြည်သူများက ထောက်ခံသယောင် လူထု ထောက်ခံပွဲကို မြန်မာပြည်အနှံ့ ကျင်းပနေပြီး ထောက်ခံပွဲ ဖြစ်မြောက်စေရန် အတွက် ပြည်သူများကို အတင်းအကြပ် ခြိမ်းခြောက်ကာ တက်ရောက်စေသဖြင့် ပြည်သူအများစုက မကျေမနပ် ဖြစ်နေကြသည်။