အောက်တိုဘာလ ၁၈ ရက်၊ ၂ဝဝ၇ ခုနှစ်။
စစ်အာဏာရှင်များကြောင့် အဆီအငေါ် မတည့်ဖြစ်ရပ်များကို ပြက်လုံးဖြင့် သရော်လေ့ရှိသည့် နာမည်ကျော် ဟာသမင်းသားနှင့် ဒါရိုက်တာ ဇာဂနာသည် ရက်သတ္တပတ် သုံးပတ်ကြာ ထိန်းသိမ်းခံထားရပြီးနောက် ယမန်နေ့ ညနေပိုင်းတွင် ပြန်လည် လွတ်မြောက်လာပြီ ဖြစ်သည်။
ပြီးခဲ့သည့်လ ၂၄ ရက်နေ့က ရွှေတိဂုံဘုရား အရှေ့ဘက်မုခ်တွင် စစ်အာဏာရှင်များအပေါ် ပတ္တနိကုဇ္ဇန ကံဆောင်သပိတ် ဆင်နွှဲနေသည့် သံဃာတော်များကို ဆွမ်းနှင့် ရေကပ်လှူရာတွင် ပါဝင် ပူးပေါင်းခဲ့ပြီး နောက်တရက်တွင် ကိုဇာဂနာကို ရန်ကုန်မြို့ မြေနီကုန်းရှိ နေအိမ်သို့ အာဏာပိုင်များက လာရောက် ဖမ်းဆီးခဲ့သည်။
“ကျန်းမာရေးကတော့ သူ့မှာက နဂိုလ်ကတည်းက သွေးတိုးရှိတယ် ဆိုတော့ အထဲမှာ အနေမမှန်၊ အစားမမှန် ဆိုတော့ ရောဂါ ပြန်ထလာတဲ့ သဘောပါ။ သူ နားပါစေဆိုပြီး သိပ်မပြောဖြစ်လိုက်ဘူး။ သေသေချာချာ စကား မပြောရသေးပါဘူး။ သူ့ဖုန်းကတော့ ဆက်မရသေးဘူးဗျ။ ကျန်ရစ်ခဲ့တယ်တဲ့။ မကြာခင် လာပေးမယ်လို့ ပြောလိုက်တယ်တဲ့။ အခု လောလောဆယ် မြေနီကုန်းက သူ့အိမ်မှာပဲ ရှိပါတယ်” ဟု ကိုဇာဂနာ၏ သူငယ်ချင်းဖြစ်သူ ဟာသ သရုပ်ဆောင် ကိုပိုးဖြူ က ပြောသည်။
ရန်ကုန်ရှိ အခြား ရုပ်ရှင် အသိုင်းအဝိုင်းသို့ ဆက်သွယ် မေးမြန်းရာတွင်လည်း ဇာဂနာ ပြန်လွတ်လာသည်မှာ သေချာသည်ဟု အတည်ပြု ပြောဆိုကြသော်လည်း ဖမ်းဆီး ထိန်းသိမ်း ခံရစဉ်က အခြေအနေကိုမူ မည်သူမှ မသိရှိသေးပေ။
