စက်တင်ဘာလ ၂ ရက်၊ ၂ဝဝ၇ ခုနှစ်။
ရခိုင်ပြည်နယ် ဘူးသီးတောင်မြို့တွင် ကုန်ဈေးနှုန်းကျရေး ဆန္ဒပြသည့် ပြည်သူ တဦးကို ရဲက ဖမ်းဆီး ထိမ်းသိမ်း လိုက်ကြောင်း ပြည်တွင်းမှလာသော သတင်းများအရ သိရသည်။
ယနေ့နံက် (၈) နာရီချိန်တွင် ဘူးသီးတောင်မြို့၏ လူစည်ကားရာ နေရာဖြစ်သော သင်္ဘောဆိပ်တွင် ကုန်းဈေးနှုန်း ကျဆင်းရေး တောင်းဆိုထားသည့် ဆိုင်းဘုတ်ကို ကိုင်ဆောင်ကာ တကိုယ်တော် ဆန္ဒပြခဲ့ခြင်း ဖြစ်ကြောင်း ကိုယ်တိုင် မြင်တွေ့ခဲ့ရသူ ဆိပ်ကမ်း အလုပ်သမား ကိုခိုင်ထွန်းက ပြောသည်။
“သင်္ဘောဆိပ်မှာက စစ်တွေသင်္ဘော ထွက်ခါနီး အချိန်ဖြစ်တော့ လူတွေကလည်း အများကြီး အဲ့ဒီလူရဲ့ ပါးစပ်ကလည်း (ကုန်ဈေးနှုန်း ကျဆင်းရေး ဒို့အရေး ဒို့အရေး) လို့ အော်ပြီး ဆန္ဒပြတဲ့ အခါကျတော့ လူတော် များများက ဝိုင်းပြီးတော့ အားပေးနေကြတယ်။ လက်ခုတ်တွေ တီးကြတယ်” ဟု ကိုခိုင်ထွန်းက မဇ္ဈိမသို့ ပြောသည်။
ကုန်းဈေးနှုံး ကျဆင်ရေး ဆန္ဒပြ တောင်းဆိုနေသော ဘူးသီးတောင်မြို့မှ ကိုဘူမောင် (ဘ) ဦဘုသျှေကို နံက် (၈၊ ၃ဝ) ချိန်တွင် ဘူးသီးတောင် ရဲစခန်းမှ စခန်းမှူးနှင့် အဖွဲ့က ဖမ်းဆီးသွားခဲ့ကြောင်း ကိုဘူမောင်နှင့် နီးစပ်သူ တဦးက ပြောသည်။
“ဆန္ဒပြလို့ နာရီဝက်လောက် အကြာမှာပဲ ရဲ (၅) ယောက်လောက်ပါတဲ့ စခန်းမှူးနဲ့ အဖွဲ့ ရောက်လာပြီး ကားပေါ်ကို ဆွဲတင်သွားတာဘဲ။ ဘူးသီးတောင် ရဲစခန်းမှာ ချုပ်ထားတယ်လို့ ကြားရတယ်” ဟု ၄င်းနီးစပ်သူက ပြောသည်။
ယခုအခါ ဘူးသီးတောင် အခြေစိုက် ခမရ (၂၃၄) မှ စစ်သားများသည် မြို့နယ် မယကရုံး၌ အင်အား (၁ဝဝ) ခန့် တပ်စွဲထားပြီး မြို့ပေါ် ရပ်ကွက်များသို့ (၄/၅) ယောက်တဖွဲ့စီ လှည့်လည် စောင့်ကြည့်လျှက် ရှိကြောင်း ဘူးသီးတောင်မှ ဦးဝင်ကိုက ပြောသည်။
