ဘန်ကို မြန်မာများ ဆန္ဒပြ

သောမတ်စ်မောင်ရွှေ
ချင်းမိုင် (မဇ္ဈိမ) ။       ။ မြန်မာ့အရေးတွင် မတက်ကြွဘဲ၊ ရွှေ့ပြောင်းလုပ်သားနှင့် ဒုက္ခသည်အရေးကိုပါ စိတ်မဝင်စားသူဟုဆိုကာ ကုလအတွင်းရေးမှူးချုပ် မစ္စတာဘန်ကီမွန်းကို ထိုင်းနိုင်ငံရှိ မြန်မာလုပ်သား၊ ဒုက္ခသည်များ ဒါဇင်ပေါင်းများစွာက ထိုင်းနိုင်ငံ ဘန်ကောက်မြို့တွင် ယမန်နေ့က ဆန္ဒပြခဲ့ကြသည်။
ဘန်ကောက်မြို့သို့ ခဏတာ အလည်အပတ်ခရီးစဉ်တွင် ဆန္ဒပြပွဲများ မပြုလုပ်ရန် ရဲတပ်ဖွဲ့က ပိတ်ပင် ထားခဲ့သော်လည်း မြန်မာဆန္ဒပြသူများက ကုလသမဂ္ဂ ဒေသဆိုင်ရာရုံးအနီးတွင် စုဝေးဆန္ဒပြခဲ့ကြခြင်း ဖြစ်သည်။

မစ္စတာဘန်၏ မြန်မာ့အရေး ကိုင်တွယ်ပုံမှာအလွန် ဆိုးဝါးကြောင်း Burma Partnership ကင်ပိန်းအဖွဲ့မှ မခင်ဥမ္မာက မဇ္ဈိမကို ပြောသည်။ သူက ’’စိုးရိမ်ပါတယ်လို့ ပြောနေတာတွေ ကြာပြီ။ ဒါမျိုးပြောတာတွေ ရပ်ပြီး အမှန်တကယ် တခုခု လုပ်သင့်ပါတယ်’’ ဟု ဆိုသည်။

နိုင်ငံရေးအကဲခတ် အများအပြား ခန့်မှန်းခဲ့သည့်အတိုင်း အငြင်းပွားဖွယ်ရာ နိုဝင်ဘာ ရွေးကောက်ပွဲကို စိုးရိမ် ပူပန်မိကြောင်း မစ္စတာဘန်က အစိုးရ ဧည့်ဂေဟာတွင် ကျင်းပသည့် သတင်းစာ ရှင်းလင်းပွဲ၌ သတင်းထောက်များကို ပြောကြားခဲ့သည်။

’’အားလုံး ပိုမိုပါဝင်နိုင်သည့် ရွေးကောက်ပွဲများ ကျင်းပပေးရန် ယခုထိ အချိန်မနှောင်းသေး’’ ဟု သူက သတင်းထောက်များကို ပြောကြားခဲ့သည်။

စစ်အစိုးရက ဆက်လက်ကျူးလွန်သည့် လူ့အခွင့်အရေး ချိုးဖောက်မှုများကို မှေးမှိန်ပစ်ရန် မစ္စတာဘန်ကီမွန်းက တမင် ကြိုးပမ်းအားထုတ်နေသည်ကို တွေ့ရသဖြင့် မြန်မာပြည်သူအများ လွန်စွာအံ့သြထိတ်လန့်ရသည်ဟု ခင်ဥမ္မာက ပြောသည်။ ရွေးကောက်ပွဲအပြီး တက်လာမည့် အစိုးရသစ်သည် မည်သည့်နည်းနှင့်မျှ ဒီမိုကရေစီကျသော အစိုးရမဟုတ်မည်ကို သိသိကြီးနှင့် ထိုသို့ ကြိုးပမ်း အားထုတ်နေခြင်း ဖြစ်သည်ဟု ဆိုသည်။

ပြီးခဲ့သည့်နှစ် သြဂုတ်လမှ ယခုနှစ် သြဂုတ်လအထိ အကျုံးဝင်သည့် လူ့အခွင့်အရေး အစီရင်ခံစာကို ကုလသမဂ္ဂ အထွေထွေညီလာခံ၌ ယခင်လက မစ္စတာဘန် တင်သွင်းခဲ့သည်ကို ကြည့်လျှင် မြန်မာနိုင်ငံတွင် ဘာတွေဖြစ်နေသည်ကို သူမသိကြောင်း ထင်ရှားသည့် နောက်ထပ်ဥပမာ ဖြစ်သည်ဟု အမျိုးသမီးအခွင့်အရေး လှုပ်ရှားတိုက်ပွဲဝင်သူ မခင်ဥမ္မာက ထောက်ပြပြောဆိုသည်။

ပြီးခဲ့သည့်နှစ် သြဂုတ်-စက်တင်ဘာလများတွင် ဖြစ်ပွားခဲ့သည့် ကိုးကန့်ဒေသ ထိုးစစ်ကို၎င်း၊ မြန်မာနိုင်ငံ အရှေ့ခြမ်း ကရင်ပြည်နယ်၌ ဖြစ်ပွားနေသည့် ကြီးထွားလာနေသော အကြမ်းဖက်မှုများကို၎င်း ချန်လှပ်ကာ တိုင်းရင်းသားများ နေထိုင်ရာ ဒေသများတွင် ဖြစ်ပွားနေသည့် များစွာသော လူ့အခွင့်အရေး ချိုးဖောက်မှုများကို ဘန်ကီမွန်းနှင့် သူ၏ ရုံးအဖွဲ့ဝင်များက လျစ်လျူရှုခဲ့ကြခြင်းကိုကြည့်ပြီး မခင်ဥမ္မာကလည်း `အထူးပင် စိုးရိမ် ပူပန်မိသည်´ ဟု ဆိုသည်။

မြန်မာပြည် လူ့အခွင့်အရေးဆိုင်ရာ ကုလအထူးကိုယ်စားလှယ် တောမတ်စ်အိုဟေး ကင်တားနားက ယခုနှစ်ဆန်းတွင် တင်ပြခဲ့သည့် ထောက်ခံတင်ပြချက်များကို မစ္စတာဘန်က သူ၏ အစီရင်ခံစာ၌ ထည့်သွင်းဖော်ပြရန် ပျက်ကွက်ခဲ့ခြင်းကို အထူး စိတ်ပျက်လက်ပျက်ဖြစ်မိပြီး မအံ့သြတော့ဟု သူက ပြောသည်။ မစ္စတာ ကင်တားနားက သူ၏ အစီရင်ခံစာ၌ စစ်အစိုးရသည် လူသားမျိုးနွယ်အပေါ် ကျူးလွန်သည့် ရာဇဝတ်မှုများကို ကျူးလွန်ဖွယ်ရှိခဲ့ကြောင်းနှင့် ဤကိစ္စကို စုံစမ်းစစ်ဆေးရန် ကုလသမဂ္ဂက စုံစမ်းရေး ကော်မရှင် ဖွဲ့သင့်ကြောင်းဖြင့်လည်း ထောက်ခံတင်ပြခဲ့သည်။

ထိုင်းနိုင်ငံအခြေစိုက် အလုပ်သမားအဖွဲ့နှင့် လူ့အခွင့်အရေးအဖွဲ့များ ၃ ဖွဲ့ပေါင်းထားသည့် ညွန့်ပေါင်းအဖွဲ့က တနင်္လာနေ့က ပူးတွဲကြေညာချက်တရပ် ထုတ်ပြန်ခဲ့ပြီး ထိုင်းနိုင်ငံမှ မြန်မာနိုင်ငံသို့ ပြန်ပို့ခံရသော ရွှေ့ပြောင်းအလုပ်သမားများအပေါ် ကျူးလွန်ခဲ့သည်ဟု စွပ်စွဲထားသော လူ့အခွင့်အရေး ချိုးဖောက်မှုများကို ချက်ချင်းစုံစမ်းစစ်ဆေးရန် ဆက်နွယ်လျက်ရှိသော ကုလအေဂျင်စီများကို ညွှန်ကြားပေးပါရန်´ မစ္စတာ ဘန်ကီမွန်းကို တိုက်တွန်းတောင်းဆိုထားသည်။

အစိုးရအလုပ်ဌာန အလုပ်သမားများ ဆက်ဆံရေး ကွန်ဖက်ဒရေးရှင်း (SERC)၊ ထိုင်းအလုပ်သမား သွေးစည်းညီညွတ်ရေး ကော်မတီ  (TLSC)၊ လူ့အခွင့်အရေးနှင့် ဖွံ့ဖြိုးရေးဖောင်ဒေးရှင်း (HRDF) တို့က ထုတ်ပြန်သည့် အဆိုပါ ပူးတွဲကြေညာချက်၌ မြန်မာနိုင်ငံသို့ ပြန်ပို့ခံရသော ရွှေ့ပြောင်းအလုပ်သမားများအပေါ် နောက်ထပ်ကျူးလွန် ဖောက်ဖျက်မှုများ မလုပ်နိုင်အောင် ကာကွယ်ရေးအတွက် မစ္စတာဘန်ကိုယ်တိုင် ကြားဝင်ဟန့်တားဆောင်ရွက်ပေးရန်´ လည်း တောင်းဆိုထားသည်။

အမေရိကန်အသံ မြန်မာပိုင်းအစီအစဉ်နှင့် အင်တာဗျူးတွင် HRDF ၏ ရွှေ့ပြောင်းအလုပ်သမား တရားမျှတမှု အစီအစဉ်မှ ဦးစိန်ဋ္ဌေးက သူ့အဖွဲ့အနေဖြင့် ထိုင်းနိုင်ငံတွင် နေထိုင်နေကြသော ရွှေ့ပြောင်းအလုပ်သမားများနှင့် ဘာလက်မှတ်မှ ကိုင်ဆောင်ထားခြင်း မရှိသည့် မြန်မာနိုင်ငံသားများ၏ အခြေအနေ တစထက်တစ ပိုမို ဆိုးဝါးလာနေခြင်းအတွက် စိုးရိမ်ပူပန်ကြောင်း ထုတ်ဖော်ပြောဆိုခဲ့သည်။

မြန်မာဒုက္ခသည်နှင့် ရွှေ့ပြောင်းအလုပ်သမားများကို နေရပ်ရင်း ပုံမှန်ပြန်ပို့နေသဖြင့် ဖောင်ဒေးရှင်းအနေဖြင့် အမှန်တကယ် စိုးရိမ်ပူပန်သည်ဟု ဆိုသည်။

ပြန်ပို့ခံရပြီး ထိုင်းနိုင်ငံသို့ ပြန်လာသူများ၏ ပြောဆိုချက်အရ ထိုင်းအာဏာပိုင်များက သူတို့ကို ဒီကေဘီအေ အဖွဲ့ထံ လွှဲပြောင်းပေးအပ်ခဲ့သလို၊ ပိုက်ဆံပေးနိုင်မှ လွှတ်ပေးကြောင်းနှင့် မပေးနိုင်လျှင် မြန်မာစစ်အာဏာပိုင်များထံ လွှဲပြောင်းပေးခံရပြီး အပြစ်ကြီးလေးစွာ ဒဏ်ပေးခံရသဖြင့် သူတို့၏ ကံကြမ္မာမှာ ရေရာမှု လုံးဝမရှိတော့ကြောင်း ပြောဆိုသည်။

မြန်မာနိုင်ငံသို့ ပြန်ပို့ခံရသည့် ဘေးအန္တရာယ်မှ ခက်ခက်ခဲခဲ လွတ်မြောက်လာသူ ရွှေ့ပြောင်းလုပ်သား အများအပြားကို မဇ္ဈိမက ထိုင်းနယ်စပ်မြို့ မဲဆောက်နှင့် အခြားမြို့များ၌ တွေ့ဆုံစကားပြောခွင့် ရခဲ့သည်။ သူတို့သည် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR နှင့် တွေ့ကာ အကူအညီ တောင်းသော်လည်း ထွက်သွားရန်သာ ပြောခဲ့ကြောင်းနှင့် သို့မဟုတ်ပါက သူတို့အနေဖြင့် ဘာမျှမကူညီနိုင်ကြောင်း ပြောပြီး ဖုန်းချသွားခဲ့သည်ဟု ဆိုသည်။

၈၈ ဒီမိုကရေစီလှုပ်ရှားမှုတွင် ပါဝင်ခဲ့ကာ ၁၈ နှစ်ခန့် အကျဉ်းကျခဲ့သူဖြစ်ပြီး လက်ရှိတွင် မဲဆောက်၌ နေထိုင်ရှိသူ နိုင်ငံရေး အကျဉ်းသားဟောင်း ကိုသီဟရာဇာက သူ့ကို UNHCR ရုံးက အရှက်တကွဲ အကျိုးနည်း လုပ်ခဲ့ပုံများကို အယ်လ်ဂျာဇီးရား၊ ဒီဗီဘီ၊ ကနေဒါ အသံလွှင့် ကော်ပိုရေးရှင်း CBC နှင့် တိုင်းမ် မဂ္ဂဇင်းကြီးမှတဆင့် ရင်ဖွင့်တင်ပြခဲ့သည်။

’’မဲဆောက်မှာရှိတဲ့ ကုလဒုက္ခသည်ရုံးကို နိုင်ငံရေးအကျဉ်းသားဟောင်းတဦး ဖြစ်ပါတယ်ဆိုတဲ့ အထောက်အထားတွေ ယူပြီး ၁၄ ကြိမ် သွားခဲ့တယ်။ သွားတဲ့အခါတိုင်း သူတို့ ဘာမှလုပ်မပေးနိုင်ပါဘူးဆိုပြီး ပြောလွှတ်တာပဲ။ သူတို့က ကျနော့်ကို ရုံးထဲတောင် ဝင်ခွင့်မပေးဘူး’’ ဟု သူက မဇ္ဈိမကို ပြောသည်။

ထိုင်းနိုင်ငံသည် ၁၉၅၁ ခုနှစ် ကုလဒုက္ခသည်ဆိုင်ရာ ကွန်ဗင်းရှင်းကို လက်မှတ်ရေးထိုး အတည်ပြုထားသည့် နိုင်ငံမဟုတ်သဖြင့် ကုလအဖွဲ့အစည်း၏ လုပ်ပိုင်ခွင့်များမှာ အကန့်အသတ်နှင့်သာ ရှိကြောင်းကို ကိုသီဟရာဇာက လက်ခံသည်။

သူက ’’UNHCR အနေနဲ့ ထိုင်းမှာရှိတဲ့ ဒုက္ခသည်တွေအတွက် ဆောင်ရွက်ပေးရာမှာ တကယ်ပဲ အကန့်အသတ်တွေ ရှိနေတယ်ဆိုရင် ဘာလို့ ဒီကိစ္စကို တစုံတရာ အရေးယူဆောင်ရွက်တာ မလုပ်ရတာလဲ။ သူတို့လုပ်ငန်းဆောင်ရွက်ပုံတွေကို ရွှန်းရွှန်းဝေအောင် ရေးပြီး ဘာလို့ လူတွေကို တလွဲထင်အောင် လုပ်ရတာလဲ။ ဒုက္ခသည်တွေကို ကူညီနေပါတယ်ဆိုတဲ့ အဖွဲ့ကြီးက ၁၄ ကြိမ်တိုင်တိုင် ထွက်သွားလို့ အပြောခံခဲ့ရတာဟာ တကယ့်ကို အစော်ကားခံရမှုကြီးပါပဲ’’ ဟု မေးခွန်းထုတ်လိုက်သည်။