စက်တင်ဘာလ ၂၈ရက်၊ ၂ဝဝ၇ ခုနှစ်။
စစ်အစိုးရကို ဆန့်ကျင်သည့် ဆန္ဒပြပွဲများ ပတ်သက်၍ ရှုတ်ချသည့် ဝါဒဖြန့်စာများ ရေးသား ထုတ်ဝေရန် ဖိအားပေးမှုများ ရှိနေသလို ဂျာနယ်တိုက် အများစု ပိတ်ပစ်မှုလည်း ပေါ်ပေါက်လာခဲ့သည်။
စစ်အစိုးရ အာဘော်များကို ရေးသားခြင်းဖြင့် ဂျာနယ်အပေါ် စိတ်ဝင်စားမည့်သူ မရှိသည့်အပြင် စာဖတ်သူများ အမုန်းပွားနိုင်သဖြင့် ရန်ကုန် အခြေစိုက် ဂျာနယ်အချို့ ပိတ်ပစ်ရန် ဆုံးဖြတ်ကြသည်။
“မိုးလုံးပြည့် မုသာဝါဒတွေကို အတင်းကို ရေးခိုင်းတယ်ဗျာ။ တကယ် စိတ်ပျက်ဖို့ ကောင်းနေပြီ။ ဒီတော့ အချင်းချင်း တိုင်ပင်ကြပြီးတော့ ဂျာနယ်တိုက်တွေကို ပိတ်လိုက်တယ်” ဟု သတင်းထောက် တဦးက ပြောသည်။
ဝါရင့် မဂ္ဂဇင်း အယ်ဒီတာတဦးကလည်း “ကျနော်ကြားတယ်။ ဝါဒဖြန့် ရေးခိုင်းနေတာ။ ခက်တာက ဘယ်သူတွေက ဖတ်ချင်မှာလဲ။ ဒါကို မစဉ်းစားဘဲ အတင်း ရေးခိုင်းတာတော့ လွန်တာပေါ့” ဟု ပြောသည်။
ခရီးသွားလာမှု အဆင်မပြေခြင်း၊ ဂျာနယ်ဈေးကွက် ဖရိုဖရဲ ဖြစ်နေခြင်း၊ ဂျာနယ် အရှုံးပေါ်မည်ကို စိုးရိမ်ခြင်းနှင့် ပရိတ်သတ် စိတ်ဝင်စားမည့် သတင်းများ မရေးသားနိုင်သည့်အတွက် ပိတ်ပစ်ခြင်းများလည်း ရှိသည်။
သို့သော် ရောင်းအား ကျဆင်းမှုကြောင့် ပေါ်ပြူလာဂျာနယ်သည် စောင်ရေ လျော့ထုတ်သွားမည်ဟု သိရသည်။ ယခင်က အပတ်စဉ် စောင်ရေ ၃ဝဝဝဝ (သုံးသောင်း) ထုတ်ဝေ ဖြန့်ချိလေ့ ရှိသော်လည်း လာမည့် တင်္နလာနေ့တွင် စောင်ရေ ၂၅ဝဝဝ သာထုတ်မည်ဟု ဆိုသည်။
“တာဝန်အရတော့ ဂျာနယ် ဆက်ထုတ်ရအုံးမယ်။ တနင်္လာနေ့မှာ ထုတ်ဖြစ်မယ်။ လူတွေ တော်တော်များများ အရှုံးပေါ်မှာတော့ စိုးရိမ်ကြတယ်။” ဟု အယ်ဒီတာ ဦးဟိန်းလတ်က ပြောသည်။
လတ်တလော ဆန္ဒပြ သတင်းများကိုသာ ဖော်ပြ ရေးသားခွင့် ရှိပါက ဂျာနယ်ဈေးကွက် ပျက်စရာ မရှိကြောင်းနှင့် ပြည်သူများ အားပေး ဖတ်ရှုမည် ဖြစ်ကြောင်း ဂျာနယ်တိုက်များက ပြောကြသည်။
“လူတွေ စိတ်ဝင်စားတဲ့ ဆန္ဒပြ သတင်းတွေကို ကျနော်တို့ သတင်းထောက်တွေ စိတ်ဝင်စားတယ်။ ပြည်သူတွေကလည်း ဖတ်ချင်မှာပဲ။ ဒါပေမဲ့ ရေးသားခွင့် မရှိတဲ့အတွက် ကျနော်တို့ ဘာရေးလို့ရမှာလဲ” ဟု သတင်းထောက် တဦးက ပြောသည်။
အစိုးရဆန့်ကျင် ဆန္ဒပြမှုများ ဆက်တိုက် ဖြစ်ပွားနေရာတွင် သတင်းထောက်များမှာလည်း စစ်တပ်နှင့် လုံခြုံရေးများ၏ ပစ်မှတ် ဖြစ်နေခဲ့သည်။
ယမန်နေ့က The Voice ဂျာနယ်မှ သတင်းထောက်တဦး ဖြစ်သူ မောင်ကျော်ကျော်ထွန်းကို အာဏာပိုင်များမှ ရွှေတဂုံဘုရား အရှေ့မုခ် ဆန္ဒပြသည့်နေရာတွင် ဓာတ်ပုံ ရိုက်နေစဉ် ရိုက်နှက်ကာ ဖမ်းဆီးသွားခဲ့သည်။
“စွမ်းအားရှင်တွေက ဝိုင်းရိုက်ကြပြီးတော့ ကားပေါ်ကို တရွတ်တိုက် ဆွဲခေါ်တင်သွားတာကို ကျနော်တို့ သတင်းထောက် ကိုယ်တိုင် တွေ့လိုက်တယ်လို့ ပြောတယ်။ မဆန်းပါဘူး။ ဂျပန်သ တင်းထောက်ကိုတောင် သေအောင်ပစ်တယ် ဆိုတော့ ဒီလူတွေ လုပ်မှာပဲ” ဟု လုပ်ဖော်ကိုင်ဖက် တဦးက ပြောသည်။
