စက်တင်ဘာလ ၄ ရက်၊ ၂ဝဝ၇ ခုနှစ်။
မြန်မာပြည်တွင်း အထွေထွေ အကြပ်အတည်း ဆန္ဒပြသူများကို စစ်အစိုးရက လူမိုက်များသုံးကာ နှိပ်ကွပ်နေခြင်းကို ကန့်ကွက်သော အားဖြင့် စင်္ကာပူရောက် မြန်မာနိုင်ငံသားများက စစ်အစိုးရနှင့် နီးစပ်သည့် စီးပွားရေး လုပ်ငန်းရှင်ပိုင် လေကြောင်းလိုင်းကို သပိတ်မှောက်ရေးနှင့် အာဏာရ အသိုင်းအဝိုင်းနှင့် လက်ပါးစေများကို ဖယ်ကျဉ်ထားရေး စည်းရုံး လှုံ့ဆော်နေကြသည်။
ဗိုလ်ချုပ်မှုးကြီး သန်းရွှေ၏ လူယုံတော် စီးပွားရေး လုပ်ငန်းရှင် ဦးတေဇပိုင် အဲယားပုဂံ (Air Bagan) အပြည်ပြည်ဆိုင်ရာ လေကြောင်းလိုင်းကို စီးနင်းမှု မပြုရန်နှင့် မိမိ နေအိမ် အခန်းများကို စစ်အစိုးရ အကြီးအကဲများ၏ သားသမီးများ၊ ကြံ့ဖွံ့နှင့် စွမ်းအားရှင် အုပ်စုဝင်တို့၏ မိသားစုဝင်၊ ဆွေမျိုး အသိုင်းဝိုင်းများကို မဌားရမ်းကြစေရန် စင်္ကာပူရှိ တက်ကြွ လှုပ်ရှားသူ မြန်မာ အင်အားစုများက ဆွေးနွေးနေကြခြင်း ဖြစ်သည်။
“ဆွေးနွေးတဲ့ အဆင့်လောက်ပဲ ရှိပါသေးတယ်။ လုပ်နိုင်တဲ့ဟာကို လုပ်ဖို့ပေါ့နော်။ စီတန်း လမ်းလျှောက်တာတို့၊ ဆန္ဒပြတာတို့က ဒီမှာ အန္တရာယ် ရှိတယ်လေ။ ကျနော်တို့ PR (Permanent Resident) သမားတွေ၊ EP (Employment Pass) ကိုင်ထားတဲ့ သူတွေ IC သ်မ်းသွားရင် မလွယ်ဘူး။ ဒါကြောင့် ကျနော်တို့ လုပ်နိုင်တဲ့ ဟာလေးကို လုပ်ရင်ကောင်းမယ် ဆိုပြီး အတွေး ပေါ်လာတာပါ” ဟု အမည်မဖော်လိုသူ မြန်မာနိုင်ငံသား တဦးက ပြောသည်။
ယခင် စင်္ကာပူ အပြည်ပြည်ဆိုင်ရာ လေကြောင်းလိုင်း ဖြစ်သည့် Silk Air သည် စင်္ကာပူ - မြန်မာ ခရီးစဉ် အသွားအပြန်ကို စင်္ကာပူဒေါ်လာ ၄ဝဝ ပေးဆောင်ရပြီး၊ ယခုအခါ ၃၃ဝ သာ ပေးဆောင်ရသဖြင့် အဲပုဂံ လေယာဉ်စရိတ် အမေရိကန်ဒေါ်လာ ၂ဝဝ နှင့် နှိုင်းယှဉ်လျှင် ကွာဟမှု မရှိဟု သူက ဆက်ပြောသည်။
“ခုတော့ ဈေးသိပ်မကွာတော့ပါဘူး။ ဘာပဲဖြစ်ဖြစ် Silk Air ကို စီးတော့ ပိုပြီး လုံခြုံ စိတ်ချရတယ်လေ။ ပြီးတော့လည်း ကျနော်တို့ ပိုက်ဆံတွေ သူတို့ လက်ထဲ မရောက်တော့ ကျနော်တို့ကို နှိပ်စက်ဖို့ နဲနဲတော့ လျော့သွားမှာပေါ့။ ဒီလိုမြင်လို့ပါ” ဟု သူက ပြောသည်။
အခြား အဖွဲ့သား တဦးက “စစ်အစိုးရ ခေါင်းဆောင် သားသမီးတွေကတော့ ကွန်ဒိုမီယံတွေ ငှါးနိုင်၊ နေနိုင်ကြတယ်။ ဒါပေမယ်လို့  စစ်အုပ်စုရဲ့ ကြံ့ဖွံ့တွေ၊ စွမ်းအားရှင်တွေရဲ့ သားသမီးတွေ၊ ဆွေမျိုးတွေ ဒီမှာ အများကြီး ရှိတယ်ဗျ။ သူတို့ကို ပြောနေတာ” ဟု ဆိုသည်။
မြန်မာပြည်တွင်း၌ လောင်စာဈေးနှုန်း ကျဆင်းရေး ဆန္ဒပြသူများကို ထောက်ခံသည့် အနေဖြင့် ပြီးခဲ့သည့်လ ၂၅ ရက်နေ့က စင်္ကာပူရောက် မြန်မာနိုင်ငံသားများက အောချပ် မြေအောက်ရထား ဘူတာရုံ (Orchard MRT Station) မှ ပင်နီစူးလား ပလာဇာ ရှိရာ (City Hall MRT Station) သို့ SMS ခေါ် မိုဘိုင်းမှတဆင့် စုသတင်းစကားများ ပေးကာ စုရုံးကြပြီး၊ တရားမဝင် လမ်းလျှောက် ဆန္ဒပြခဲ့ကြကြောင်းနှင့် ခေါင်းဆောင်ဟု ယူဆခံရသူ ၃ ဦး အပါအဝင် ၂၃ ဦးကို စင်္ကာပူ ရဲများက စုံစမ်း စစ်ဆေးလျက် ရှိကြောင်း Channel News Asia တွင် စနေနေ့က ဖော်ပြခဲ့သည်။
“အဲဒီနေ့က စုစုပေါင်း ၄ဝ ကျော်လောက် ရှိတယ်။ အခု အဲဒီ ၂၃ ယောက်ကို လာမယ့် သောကြာနေ့မှာ ရဲစခန်း လာပြီးတော့ IC တွေ ယူလာရမယ်လို့ ပြောထားတယ်။ အရေးယူဖို့ ဆိုတာကတော့ ပထမဆုံးအကြိမ် အနေနဲ့ သတိပေးဖို့ ဖြစ်ပါလိမ့်မယ်” ဟု မြန်မာတဦးက ပြောပြသည်။
လက်ရှိအချိန်တွင် စင်္ကာပူနိုင်ငံ၌ အလုပ်လုပ်ကိုင်သူ မြန်မာလုပ်မား ၅ သောင်းကျော် ရှိသည်ဟု သိရသည်။
