နန်းဒေ၀ီ (မဇ္ဈိမသတင်းဌာန)
ဇွန်လ ၁၅ ရက်၊ ၂၀၀၇ ခုနှစ်။
ရန်ကုန်တိုင်း အတွင်း ဖြစ်ပွားခဲ့သော ကြက်ငှက်တုပ်ကွေး ဗိုင်းရပ်စ် H5N1 ကို ထိမ်းချုပ် နိုင်ခဲ့သော်လည်း မကြာသေးခင် ရက်ပိုင်း အတွင်းက ပဲခူးတိုင်း ပဲခူးမြို့တွင် ဗိုင်းရပ်စ် အကြွင်းအကျန်များ လည်ပတ် နေသည်ကို တွေ့ရှိခဲ့ ရကြောင်း သိရသည်။
ယခုလ အစောပိုင်းက ပဲခူးတိုင်း၊ ပဲခူးမြို့ ဥစား ကြက်ခြံများမှ H5N1သံသယရှိ ကြက်များကို စစ်ဆေးခဲ့ပြီး ကြက်ငှက် တုပ်ကွေး ရောဂါပိုး ဖြစ်သည်ဟု မွေးမြူရေးနှင့် ကုသရေးဌာန လက်အောက်ရှိ ရောဂါ ရှာဖွေရေး ဌာနက အတည်ပြုလိုက်ပြီး ကြက်ကောင်ရေ ၉၀၀ ကျော်ကို ယခုလ ၈ ရက်နေ့က သုတ်သင် ရှင်းလင်းခဲ့ကြောင်း ယနေ့ထုတ် စစ်အစိုးရပိုင် မြန်မာ့ အလင်း သတင်းစာတွင် အတိအလင်း ဖော်ပြ ထားသည်။
FAO ခေါ် ကမ္ဘာ့ စားနပ်ရိက္ခာနှင့် စိုက်ပျိုးရေး အဖွဲ့မှ အမျိုးသား အတိုင်ပင်ခံ အရာရှိ (National Consultant) ဒေါက်တာ မောင်မောင်ကြင် ကလည်း H5N1 ပိုး တွေ့ရှိချက် အပေါ် ယခုလို မဇ္ဈိမကို အတည်ပြု ပြောဆိုသည်။
“ပဲခူးတိုင်း၊ ပဲခူးမြို့မှာ ဖြစ်တာပါ။ သူတို့က သတင်းလည်းပို့တယ်။ သူတို့ မပြောရင် ကျနော်တို့ သိမှာမဟုတ်ဘူး၊ ကြက်ကလေးတွေ တကောင်၊ နှစ်ကောင် သေတယ် ဆိုတော့ ဓာတ်ခွဲခန်းကို လာပို့တာပေါ့။ အဲဒါနဲ့ ဓာတ်ခွဲခန်းမှာ စစ်ဆေး ကြည့်တော့မှပဲ H5N1 တွေ့တာပါ။ လောလောဆယ် လွတ်မြောက် သွားပါပြီ။ နောက်ထပ် Case (ပြဿနာ) မရှိတော့ပါဘူး” ဟု ပြောသည်။
ယခုနှစ် အစောပိုင်း လများတွင် ရန်ကုန်တိုင်း အတွင်းရှိ မြို့နယ် ၅ မြို့နယ် ဖြစ်သော မရမ်းကုန်း၊ လှိုင်သာယာ၊ မြောက် ဥက� လာပ၊ မင်္ဂလာဒုံနှင့် မှော်ဘီမြို့နယ် အတွင်းရှိ ကြက်ခြံများတွင် ကြက်ငှက် တုပ်ကွေး ရောဂါ ဖြစ်ပွားခဲ့ ပြီးနောက် ရောဂါ တားဆီးသည့် အနေဖြင့် ကြက်ကောင်ရေ သောင်းနှင့်ချီကာ သုတ်သင် ရှင်းလင်းခဲ့ပြီး ဖြစ်သော်လည်း ရောဂါပိုး ဆက်လက် ဖြစ်ပေါ်နိုင်သည့် အလားအလာကို ဒေါက်တာ မောင်မောင်ကြင် က ယခုလို ဆက်လက် ပြောဆိုသည်။
“ရောဂါပိုး ပြန့်နှံ့နိုင်တဲ့ နည်းလမ်းတွေက အများကြီးပဲ။ ပြောရခက်တယ်။ ဘဲတွေဘာတွေက သယ်ဆောင်သူတွေကိုး။ ဘဲက အဲဒီပိုးတွေကို သယ်ဆောင် နိုင်တယ်။ ကြက်တွေမှာ ခုခံနိုင်အား မရှိဘူး။ အဲဒီပိုး ကူးစက်ခံရတာနဲ့ ကြက်က သေတော့တာပဲ။ ဘဲတွေမှာတော့ အဲဒီပိုးကို ခုခံနိုင်အား ရှိတယ်။ အဲဒါကြောင့် သယ်နိုင်တာပေါ့။ ဒါကြောင့် ကျနော်တို့ ပစ်မှတ်ထားပြီး လုပ်နေတာက ဘဲခြံတွေကိုပါ” ဟု သူက မဇ္ဈိမကို ရှင်းပြသည်။
ရောဂါပိုးတားဆီး ကာကွယ်ရန် အတွက် တိုင်းပြည်အနှံ့ ကျေးရွာများပါမကျန် ကွင်းဆင်းပြီး ကြက်၊ ဘဲများ၏ သွေး နမူနာများကို ဓာတ်ခွဲခန်းတွင် စစ်ဆေးခြင်းဖြင့် အစဉ်တစိုက် လုပ်ဆောင်ရန်သာ ဖြစ်ကြောင်း သူက ယခုလို ဆက်လက် ပြောဆိုခဲ့သည်။
“ဒါကြီးက အဆက်မပြတ် ကွင်းဆင်း စစ်ဆေး ရမှာပေါ့။ ကွင်းဆက် မပြတ်အောင် အမြဲတမ်း စောင့်ကြည့် လေ့လာ နေရမှာပဲ။ အဓိက ကျနော်တို့ လုပ်နိုင်တာ တခုပဲ ရှိတယ်။ အဲဒါကတော့ တနိုင်ငံလုံး အတိုင်းအတာနဲ့ ကွင်းဆင်း စစ်ဆေး ရပါမယ်။ ကျနော်တို့ အနေနဲ့ ဆက်တိုက် လုပ်နေတဲ့ နေရာမှာ ပစ္စည်း ပစ္စယတွေနဲ့ ကူညီပါတယ်။ သွေးနမူနာ ယူတဲ့ နေရာမှာတို့၊ ရောဂါစစ်တဲ့ ကိရိယာတွေ။ အဲဒါတွေက အပြင်မှာ ဈေးကြီးတယ်။ ကျနော်တို့ FAO ကနေပြီးတော့ ဒါတွေ လုပ်ပေးတယ်” ဟု ပြောသည်။
