နန်းဒေ၀ီ (မဇ္ဈိမသတင်းဌာန) ဇွန်လ ၁၅ ရက်၊ ၂၀၀၇ ခုနှစ်။
၂၀၀၇-၂၀၀၈ ခုနှစ် မြန်မာ့ရုပ်ရှင် အစည်းအရုံး အလုပ် အမှုဆောင်သစ် ရွေးချယ် တင်မြှောက်ပွဲကို ရုပ်ရှင် နယ်ပယ်ရှိ အလွှာ အသီးသီးမှ ကိုယ်စားလှယ်များအား မဲပေး ရွေးချယ် တင်မြှောက်ပွဲကို ဇွန်လ ၁၂ ရက်နေ့မှ စတင်ကာ မြန်မာ့ရုပ်ရှင် လုပ်ငန်း အသံ ခန်းမဆောင်တွင် ကျင်းပလာရာ၊ ယနေ့တွင် နောက်ဆုံးနေ့ အဖြစ် ဒါရိုက်တာ အလွှာနှင့် ထုတ်လုပ်သူ အလွှာမှ ကိုယ်စားလှယ်များအား မဲပေး ရွေးချယ်မည်ဟု သိရသည်။
ရုပ်ရှင်အလွှာ ပေါင်းစုံမှ မဲပေး ရွေးချယ်လိုက်သော ကိုယ်စားလှယ် ၃၀ ဦးထက် မနည်းကို နအဖ စစ်အစိုးရ ပြန်ကြားရေး ၀န်ကြီးဌာန လက်အောက်ရှိ မြန်မာ့ရုပ်ရှင် အစည်းအရုံးမှ အတည်ပြု ရွေးချယ် ခန့်အပ်မည် ဖြစ်ကြောင်း သိရသည်။ အကြောင်းစုံ သိရှိနိုင်ရန် အတွက် ရုပ်ရှင် ဒါရိုက်တာနှင့် ထုတ်လုပ်သူ ဦးသူရ ခေါ် ဇာဂနာ ကို မဇ္ဈိမ သတင်းဌာန က ဆက်သွယ် မေးမြန်း ထားပါသည်။
မေး။ ရုပ်ရှင်အစည်းအရုံး အလုပ်အမှုဆောင်သစ် ရွေးချယ်တဲ့ နေရာမှာ ဘယ်သူတွေကို ပဏာမ မဲပေး ရွေးချယ်ပြီး၊ အဆင့်ဆင့် ရွေးချယ်ပုံကို ပြောပြပေးပါ။
ဖြေ။ မြန်မာရုပ်ရှင် လောကမှာတော့ အလွှာပေါင်း ၁၀ လွှာ ရှိတယ်။ ရုပ်ရှင် အစည်းအရုံး ရွေးကောက်ပွဲက အလွှာလိုက် အလွှာလိုက်၊ တလွှာကို ကိုယ်စားလှယ် အနည်းဆုံး ၃ ယောက်ကနေ အများဆုံး ၆ ယောက် အထိ ရွေးတယ်။ အလွှာလိုက် ရွေးတာ မပြီးသေးဘူး။ ဒီနေ့ ညနေမှ ပြီးမှာ ဖြစ်ပါတယ်။ ပြီးတော့ တနင်္လာနေ့ လောက်မှာ မဲပေး အရွေးခံ ထားတဲ့ ကိုယ်စားလှယ်တွေကို ၀န်ကြီးဌာနမှာ တင်ပြ၊ အဲဒီ ကနေ ဥက� ဌ၊ ဒုဥက� ဌ၊ အတွင်းရေးမှူး၊ ဒု အတွင်းရေးမှူး၊ တွဲဘက် အတွင်းရေးမှူးနဲ့ အမှုဆောင်အဖွဲ့ ဆိုပြီး သပ်သပ် ဖွဲ့ပေးမှာ ဖြစ်ပါတယ်။
မေး။ အလွှာ ၁၀ လွှာဆိုတာ ဘယ်လို အလွှာတွေကို ပြောတာလဲရှင့်။ ၀န်ကြီးဌာနကပဲ နှစ်တိုင်း ရွေးပေးနေကျလား။
ဖြေ။ အလွှာ ၁၀ လွှာ ရှိတယ်။ စက်မှုလက်မှု အလွှာ၊ ပြဇာတ်နဲ့ ရုပ်ရှင် တေးဂီတ အလွှာ၊ အုပ်ချုပ်၊ ဖြန့်ချိပြသ အလွှာ၊ ဇာတ်ပို့ ဇာတ်ရံ အလွှာ၊ တည်းဖြတ်နဲ့ မှတ်တမ်း အလွှာ၊ ဇာတ်လမ်း၊ ဇာတ်ညွန်း အလွှာ၊ နောက်တခုက အဓိက သရုပ်ဆောင် အလွှာ (ခေါင်းဆောင် မင်းသား၊ မင်းသမီး)၊ ထုတ်လုပ်သူများ အလွှာ၊ ဗွီဒီယို အခြေခံ အလွှာနဲ့ ဒါရိုက်တာ အလွှာ ဆိုပြီး ရှိတယ်။ တဖွဲ့ မှာ ၃ ယောက်လောက် တက်လာရင် ကိုယ်စားလှယ် ၃၀ ယောက် ရှိလာမယ်။ အဲဒီကနေပြီးတော့ ပြန်ကြားရေး ၀န်ကြီးဌာနကနေ ဘယ်သူတွေက ဥက� ဌ၊ အတွင်းရေးမှူး၊ အမှုဆောင် စသည်ဖြင့် ပြန်ရွေး ပေးတာပေါ့။
ဟိုးအရင်ကတော့ ကိုယ့်ဘာသာ မဲပေး၊ ကိုယ့်ဘာသာ ကိုယ်ရွေးတယ်။ ဦးကြည်စိုးထွန်းတို့ အလှည့်က စပြီးတော့ အဲလို ဖြစ်လာတာပါ။ ပြန်ကြားရေး ၀န်ကြီးဌာနက ကြီးမှူး တာပေါ့။ ရုပ်ရှင် အစည်းအရုံးက တိုက်ရိုက် ကြီးကြပ်တာ မဟုတ်ဘူး။
မေး။ အလွှာပေါင်းစုံက လူတွေ၊ ကိုယ်စားလှယ်တွေ မဲပေး ရွေးချယ်တဲ့ ပွဲကို တက်ရောက်တဲ့ အခြေအနေကို ပြောပြပါအုံးရှင့်။
ဖြေ။ တော်တော် များများတော့ ဘယ်သူမှ မသွားကြဘူး ခင်ဗျ။ အမှန်တိုင်း ပြောရရင် ဘာမှလုပ်လို့ မရတဲ့ နေရာမှာ အပင်ပန်းခံပြီး ဘယ်သူမှ မသွားကြပါဘူး။ ပြီးတော့ ရွေးချင်တဲ့သူ ရွေးပြီး၊ တင်ချင်တဲ့သူ တင်၊ ကိုယ့်ဟာကိုယ် ဘယ်လိုပဲ ရွေးရွေး၊ သူတို့ ဖြုတ်ချင် ဖြုတ်တာပဲ။ ဘာထူးလို့လဲ။ ဒါရိုက်တာ မောင်မျိုးမင်း တို့လည်း မသွားဘူးလို့ ပြောတယ်။
စက်မှုလက်မှု အလွှာဆိုရင် ၃ ယောက်ပဲ တက်တယ်။ အဲဒီအထဲမှာ ကိုလုံး က မဲအများဆုံး ရတယ်။ ကိုကိုဌေး (အကယ်ဒမီ)၊ ပြီးတော့ အကယ်ဒမီ ဦးသန်းမောင်၊ နောက် ပြဇာတ်နဲ့ နောက်ခံ တေးဂီတ အလွှာကလည်း ရွေးကောက်ပွဲကို လူ ၆ ယောက်ပဲ လာတယ်။ ဦးခင်မောင်ချင်းက ၅ မဲ၊ ဦးရဲစိန်က ၁ မဲ၊ အုပ်ချုပ် ဖြန့်ချိ ပြသ အလွှာ ဆိုတာကလည်း ရုပ်ရှင်ရုံ ပိုင်ရှင်တွေ လောက်ပဲ များတယ်။ ဇာတ်ပို့၊ ဇာတ်ရံ အလွှာ ကလည်းပဲ ဘယ်သူတွေ အရွေးခံရသလဲ ဆိုတော့ ဒေါ်နွဲ့နွဲ့စန်း၊ ကိုအရိုင်းမင်း၊ လှံမင်းသားကြီး ဦးစံတင်တို့ ဖြစ်တယ်။
အဓိက သရုပ်ဆောင်ထဲက ဆိုရင် ခန့်စည်သူ၊ ဦးသန်းဝင်း၊ ဒေါ်မြင့်မြင့်ခိုင်၊ သတိုးစော အဲဒါတွေက မနေ့က ၅ နာရီမှာ ရွေးပြီးသွားပြီ။ ဦးသန်းဝင်းတို့၊ သတိုးစောတို့ လုပ်နိုင်ကိုင်နိုင် ရှိတဲ့သူတွေ ဖြစ်တယ်။ ဒါပေမဲ့ တာဝန်ပေးတာ၊ မပေးတာတော့ မသိဘူး။
မနှစ်က ဦးကြည်စိုးထွန်းတို့ အဖွဲ့တုန်းက ဆိုရင် တချို့ ကိုယ်စားလှယ် အဖြစ် အရွေးချယ် ခံရတယ်။ ဒါပေမဲ့ ပြန်ကြားရေး ၀န်ကြီးဌာနလည်း ရောက်ရော ပြန်ပြုတ် သွားတာပဲဗျ။ ပြီးတော့ အဲဒီ အဖွဲ့ထဲ မပါတဲ့ သူတွေကို ကောက်ရွေးတော့တာပဲ။
မေး။ ၁၂ ရက်နေ့ကစပြီး ရွေးချယ်ကြတာ ဆိုတော့ ဘယ်အလွှာတွေက ဘယ်သူတွေကို ကိုယ်စားလှယ် တင်သွင်း ကြလဲရှင့်။ ဥက� ဌနဲ့ အတွင်းရေးမှူး နေရာတွေမှာ ဘယ်သူတွေ ဖြစ်လာမယ့် အလားအလာ ရှိပါသလဲ။
ဖြေ။ ဘယ်သူတွေ တက်လာမယ် ဆိုတာကတော့ အတိအကျတော့ ပြောလို့ မရသေးဘူးဗျ။ ဒါရိုက်တာ ဇင်ယော် မောင်မောင် တက်မယ် ဆိုတာလည်း နောက်နေကြတာပါဗျာ။ များသောအားဖြင့် ဥက� ဌနဲ့ အတွင်းရေးမှူး နေရာတွေ ဆိုတာ ထုတ်လုပ်သူ အလွှာနဲ့ ဒါရိုက်တာ အလွှာတွေထဲက လူတွေပဲ တက်တာ များတယ်။ အတွင်းရေးမှူး နေရာ ကျပြန်တော့လည်း မင်းသား၊ မင်းသမီးတွေ မလုပ်နိုင်ဘူး။ ဆိုတာကလည်း အလုပ်ရှုပ်တဲ့သူတွေ ဆိုတော့ သူတို့က အဖွဲ့ဝင် အဖြစ်လောက်ပဲ လှုပ်ရှားတာ များတယ်။
မေး။ ရုပ်ရှင် အသိုင်းအ၀ိုင်းက ရွေးချယ် လိုက်ပြီးတော့ ပြန်ကြားရေး ၀န်ကြီးဌာနမှာ ပြုတ်သွားတာတွေ ရှိလား။
ဖြေ။ ရှိပါတယ်။ မနှစ်ကဆိုရင် ၇ ယောက်၊ ၈ ယောက်လောက် ပြုတ်သွားတယ်။ ရွေးချယ်ခံ ကိုယ်စားလှယ် ၃၀ ယောက်ထဲက ပြန်ခန့်တာပေါ့။ အဲဒီ အထဲကလည်း မကြိုက်လို့ ပြုတ်သွားတာ ရှိသလို၊ အဲဒါ အပြင် ၃၀ ထဲက မပါဘဲ သပ်သပ် ရွေးချယ် ခန့်တာ ရှိတယ်။ မနှစ်က၊ ဦးကြည်စိုးထွန်းတို့ နှစ်တုန်းက ဆိုရင် ကိုမောင်မောင်ဦး (စနိုးဝှိုက်)၊ ဒေါ်ဆွေဇင်ထိုက်တို့က ရွေးကောက်ပွဲက သွားတာ မဟုတ်ဘူး။ ဒီအတိုင်း တင်ရွေးလိုက်တာပဲ။
မေး။ အခုလတ်တလော ရွေးချယ် တင်မြှောက်ပွဲဟာ သက်တမ်း ကုန်သွားလို့ အသစ် ရွေးတာလား၊ ဒါမှမဟုတ် ကိုယ့်ဟာကိုယ် နှုတ်ထွက် ကြတာတွေကြောင့်လား။
ဖြေ။ ဒါရိုက်တာ ဦးကြည်စိုးထွန်းက ၂ နှစ်တောင် မပြည့်သေးဘူး။ ၀န်ကြီးဌာနကို တရားဝင် ကျနော်တို့ နှုတ်ထွက်ခွင့် ပေးပါ၊ ထွက်ပါရစေ၊ ထွက်ပြီးတော့ အဖွဲ့သစ် တခုကို ကျနော်တို့ ရွေးကောက် တင်မြောက်ဖို့ အတွက် တလ အချိန် ပေးပါလို့ ပြောတော့ ၀န်ကြီးဌာနက အခွင့်မပေးဘူး။ တလတောင် မစောင့်ဘူး။ ၁၀ ရက် လောက်နဲ့ကို ၀န်ကြီးဌာန ကိုယ်တိုင် တာဝန်ယူ ပြီးတော့မှ လုပ်လိုက်တယ်။
မေး။ ရုပ်ရှင် အမှုဆောင် အဖွဲ့ဝင် သက်တမ်းက ဘယ်လောက် သတ်မှတ်ထားသလဲ။ သပ်သပ်မှတ်မှတ် ရှိလား။
ဖြေ။ ဒါရိုက်တာ ကိုကြည်စိုးထွန်းက ပြည်တွင်းက ဂျာနယ်တွေဖြစ်တဲ့ လျှပ်တပြက်နဲ့ ပေါ်ပြူလာ ဂျာနယ်တွေမှာ အင်တာဗျူး ထားတာ ရှိတယ်။ သူပြောတာက ရုပ်ရှင် အစည်းအရုံးမှာ သက်တမ်းဆိုတာ ရှိကို မရှိဘူးလို့ သူကိုယ်တိုင်က ပြောထားတယ်။ ၈၈ ခုနှစ်က စလုပ်ခဲ့ကြတော့ ပထမဦးဆုံး ဦးခင်ဇော်၊ ပြီးတော့ ဦးညွန့်ဝင်း တို့ လုပ်ခဲ့ကြဖူးတယ်။ ဦးစိန်တင် ဆိုရင် ၉ နှစ်လောက် လုပ်သွားတာ။ သက်တမ်းရှိဖို့ ဆိုတာက ရုပ်ရှင် အစည်းအရုံးမှာ ခိုင်မာတဲ့ ဖွဲ့စည်းပုံ ရှိရမယ်။ အဲဒီကနေ ပြီးတော့မှ သက်တမ်းက ၃ နှစ်၊ ၄ နှစ် ဆိုပြီးတော့ သတ်မှတ် ပေးရမှာ။ အဲဒါတွေ မရှိလို့ ကိုကြည်စိုးထွန်းတို့ နှုတ်ထွက်စာ တင်ပြီး၊ နှုတ်ထွက် သွားကြတာပါပဲ။
မေး။ အရင်တုန်းက ရုပ်ရှင်လောကနဲ့ လက်ရှိ ကွာခြားပုံကို ပြောပြ ပေးနိုင်မလားရှင့်။
ဖြေ။ ကျနော်တို့ ရုပ်ရှင် အစည်းအရုံး အနေနဲ့ သပ်သပ် ကိုယ်ပိုင် ပါဝါတခုနဲ့၊ ကိုယ်ပိုင် လုပ်ပိုင်ခွင့်တွေနဲ့ လုပ်တာမှ မဟုတ်ဘဲ။ အခုဟာက ပြန်ကြားရေး ၀န်ကြီးဌာန လက်အောက် မြန်မာ့ ရုပ်ရှင် လုပ်ငန်းရဲ့ လက်အောက်မှာပဲ လုပ်ရတာ ဆိုတော့ အစိုးရ ရုံးဌာန တခုရဲ့ လက်အောက်ခံ အဖွဲ့အစည်းပဲ ပြန်ဖြစ် နေတယ်လေ။ NGO အစစ် မဟုတ်ဘူး။ အရင်တုန်းကဆိုတာက ဦးစိန်တင်တို့ လက်ထက်ကတော့ NGO အစစ်ပဲလေ။ အဲဒီတုန်းက ရုပ်ရှင် အစည်းအရုံးမှာ ကိုယ်ပိုင် ရုပ်ရှင်ရုံ ရှိတယ်၊ ကိုယ့်ပိုက်ဆံ ကိုယ်ရှာ၊ ပြီးတော့ ကိုယ့် လောကသားတွေကို ပြန်ပြီး ထောက်ပံ့တယ်။ ရံပုံငွေရှာ ရှာပြီးတော့ ငွေတိုးတွေ ရတယ်။ အဲဒီကနေ သက်ကြီး ရုပ်ရှင်သမားတွေကို ထောက်ပံ့ ပေးတယ်။ နွမ်းပါးတဲ့ ရုပ်ရှင် သမားတွေကို ထောက်ပံ့ ပေးတယ်။ ကလေးတွေ ပညာရေး အတွက် ကူညီပံ့ပိုး ပေးတယ်။ ဒါပေမဲ့ မြန်မာ့ ရုပ်ရှင် လုပ်ငန်းအောက် ပြန်ဖြစ်သွားတော့ ရုံးလုပ်ငန်းရဲ့ လက်အောက်မှာ အလုပ်လုပ်ရတဲ့ အဖွဲ့အစည်းက NGO ဆိုတာ လုံးဝမဖြစ်နိုင်တော့ဘူးလေ။ ကိုယ့်သဘောနဲ့ကိုယ် ဘာမှ လုပ်မရတော့တဲ့ အတွက်ကြောင့် ဦးကြည်စိုးထွန်း တို့လည်း ထွက်သွား ကြတာပဲလေ။
ဥပမာ ရုပ်ရှင် ကားတကားမှာ လူမင်းနဲ့ နန္ဒာလှိုင် ခိုးပြီးတော့ ထွက်လာခဲ့တယ်။ လူမင်းနဲ့ နန္ဒလှိုင်တို့ တကယ် သရုပ်ဆောင်ခဲ့တာ မဟုတ်ဘူး။ သူတို့ ပါဝင် သရုပ်ဆောင်ခဲ့တဲ့ ရုပ်ရှင်ကား ၉ ကားလောက် ကတည်းက ဟိုနား တပိုဒ်၊ ဒီနား တပိုဒ် ဖြတ်ပြီးတော့ လုပ်တဲ့ဟာ။ အဲဒါကို တမင်တကာ လုပ်ပြီးတော့ ရောင်းသွားသေးတယ်။ ဘယ်သူတွေ လုပ်လဲ မသိဘူး။ အဲဒါမျိုးကို ရုပ်ရှင် အစည်းအရုံးက အရေးယူချင်တယ်၊ အရေးယူ ပေးမယ့်သူ မရှိဘူး။ ရုပ်ရှင်သမားတွေ အတွက် ဘာမှ အာမခံချက် မပေးနိုင်ဘူး။ ဥပမာ မဂိုလမ်း၊ ရွှေဘုံသာ လမ်းထိပ်မှာ အခွေတွေ ခိုးရောင်းနေတယ်။ ရုပ်ရှင် ဆင်ဆာကို တင်တာ တပတ် မကြာသေးဘူး၊ အခွေတွေကို လမ်းဘေး ခိုးရောင်းနေပြီ။ အဲဒါမျိုးကို ရုပ်ရှင် အစည်းအရုံးက ဦးကြည်စိုးထွန်းတို့ သတင်းရလို့ ဖမ်းချင်တယ်။ သွားဖမ်းမယ် လုပ်တော့ ဘယ်သူမှ လိုက်မလုပ် ပေးကြဘူး။ အာဏာပိုင်တွေကို သတင်း ပေးတော့လည်း အီးအဲအားအဲနဲ့။ သူတို့ ကိုယ်တိုင် ဒီကိစ္စတွေမှာ ပူးပေါင်း ပါဝင် နေလို့ပေါ့။ ရုပ်ရှင် လောကသားတွေ၊ ဗွီစီဒီ ကာရာအိုကေ ထုတ်လုပ်သူတွေ အကုန်လုံး နစ်နာနေကြတာ ကြာပြီလေ။ အဲလို အခိုးခံရတာလည်း ကြာပြီလေ။ တဖြည်းဖြည်းနဲ့ပဲ ရုပ်ရှင်လောက က ဒါနဲ့ပဲ စီးပွား ပျက်သွားတာ ကျနော်တို့ ဆီမှာ။
မေး။ ဒါတွေကို ကျော်လွှားနိုင်ဖို့ ဘာတွေ လုပ်သင့်တယ်လို့ ထင်ပါသလဲ။
ဖြေ။ ဘာတွေ လုပ်ထိုက်လဲ ဆိုတော့ အဲဒီလိုမျိုး မြန်မာ့ ရုပ်ရှင် လုပ်ငန်းကနေ ရုပ်ရှင် အစည်းအရုံးရဲ့ လုပ်ပိုင်ခွင့်တွေကို အဲလို ၀င်ရောက်ပြီး၊ ကြိုးကိုင် ချယ်လှယ် နေတာတွေက မရှိသင့်ဘူး။ အဲဒါသာ မရှိရင် ပြီးတာပါပဲ။ ကျန်တာ ကိုယ့်ဟာကိုယ် လုပ်လို့ ရတာပဲ။
မေး။ အခုတက်လာမယ့် ရုပ်ရှင် အစည်းအရုံး အဖွဲ့ဝင်သစ်တွေ အနေနဲ့ရော အရင် အခြေအနေထက် ပိုကောင်းလာမယ့် အလားအလာကောင်းတွေ ရှိနေလား။
ဖြေ။ ကျနော့်အနေနဲ့ မကောင်းပြောတယ် ဆိုတဲ့ အမြင်နဲ့ မဟုတ်ဘူး။ ကျနော် မြင်တဲ့အတိုင်း ပြောရမယ် ဆိုလို့ ရှိရင်တော့ မထူးပါဘူး။ ဒီပုပ်ထဲက ဒီပဲပါပဲ။ ဒါပေမဲ့ ရုပ်ရှင် အလုပ်ကို မှီတင်းပြီး စားသောက်နေရသူ အားလုံး၊ နောက်ပြီးတော့ ရုပ်ရှင်သမား ဆိုတာက ၀န်ထမ်းနဲ့ မတူဘူး။ ပြည်သူရဲ့ ပိုက်ဆံကို တိုက်ရိုက် စားရတဲ့ သူတွေ၊ ပြည်သူက ပေးတဲ့ ပိုက်ဆံကို အခွန်အကောက်က နေပြီးတော့ လခ ယူစားနေတဲ့ ၀န်ထမ်း မဟုတ်ဘူး။ ရုပ်ရှင်သမားတွေ ဆိုတာ ပြည်သူ့ ပိုက်ဆံကို တိုက်ရိုက် စားသောက်နေတဲ့ ပါးစပ်ပေါက်တွေက ပြည်သူတွေကိုသာ ကိုယ်စားပြု သင့်တယ်လို့ ကျနော်ကတော့ ထင်ပါတယ်။ နောက်တက်လာမယ့် အဖွဲ့တွေကလည်း အဲဒီလိုသာ ပြည်သူ့ ပိုက်ဆံကို တိုက်ရိုက်စားတဲ့ အဖွဲ့အစည်း ဖြစ်တဲ့ ရုပ်ရှင်သမားတွေက ပြည်သူ့ဆီက အခွန်အကောက်ကနေ တဆင့် ခံစားတဲ့ အမိန့်ကို နာခံပြီး အလုပ် လုပ်နေရမယ့် အဖွဲ့ ဆိုရင်တော့ ကျနော်တို့က ဘယ်လိုမှ ရုပ်ရှင်လုပ်ငန်း၊ တသက်လုံး တိုးတက်တော့မယ်လို့ မထင်ဘူး ခင်ဗျ။
မေး။ နောက်ဆုံး မေးခွန်းပေါ့နော်။ ၀န်ကြီးဌာနက အတည်ပြု ခန့်အပ် ရွေးချယ်မှာက ဘယ်နှစ်ယောက် ပါသလဲ။ ဘယ်တော့ သိရမှာလဲရှင့်။
ဖြေ။ ရုပ်ရှင် အစည်းအရုံးက မဲပေး ရွေးချယ်ထားတဲ့ ကိုယ်စားလှယ် ၃၀ ဦးထက် မနည်းထဲက ၁၅ ယောက်ကို ပြန်ကြားရေး ၀န်ကြီးဌာနက နေပြီးတော့ ရွေးချယ်ပေးလေ့ ရှိတယ်။ ဘယ်သူတွေ တက်လာမှာလဲ ဆိုတာကိုတော့ မနှစ်က အခြေအနေအရတော့ တပတ်အတွင်း သိရတယ်။ ဒီနှစ်တော့ မပြောတတ်ဘူး ခင်ဗျ။
