မြန်မာပြည်မှ ဂျော့အိုဝဲ ရှာပုံတော်ခရီး

မဇ္ဈိမသတင်းဌာန | ကြာသပတေးနေ့၊ အောက်တိုဘာလ ၀၄ ရက် ၂၀၁၂ ခုနှစ် ၁၃ နာရီ ၁၆ မိနစ်

နယူးဒေလီ (မဇ္ဈိမ) ။           ။ ကမ္ဘာကျော် ဗြိတိသျှ စာရေးဆရာ ဂျော့အိုဝဲ George Orwell ၏ မြန်မာပြည်တွင်း ခြေရာကောက် ခရီးစဉ်တခုကို ၂၀၁၂ ခုနှစ်၊ ဆောင်းရာသီအတွင်း စတင်ရန် ခရီးသွားလုပ်ငန်းတခုဖြစ်သည့် Slow Burma Travel က စီစဉ်နေသည်။

စာရေးဆရာကြီး ဂျော့အိုဝဲ သည် ကိုလိုနီ မြန်မာပြည်တွင် ရဲအမှုထမ်းအဖြစ် ၁၉၂၀ စုနှစ်များက နေထိုင်ခဲ့ဖူးသည့် စစ်ကိုင်းတိုင်း၊ ကသာမြို့ထိ ဧရာဝတီ မြစ်ကြောင်း
အတိုင်း ဆန်တက်ကြမည့် ခရီးစဉ်တွင် ခရီးသွားစာပေပညာရှင် Keith Lyons နှင့် သမိုင်းပညာရှင် Robert Percival တို့က ဦးဆောင်မည်ဖြစ်ဟု e-Travel Blackboard အင်တာနက် စာမျက်နှာတွင် ဖော်ပြပါရှိသည်။

ယဉ်ကျေးမှုနှင့် စာပေအမွေအနှစ်များ ကြွယ်ဝသည့် မြန်မာပြည် အား လေ့လာလိုသူများ ထိုခရီးစဉ်တွင် လိုက်ပါနိုင်ရန် စီစဉ်နေခြင်းဖြစ်သည်။

အိန္ဒိယနိုင်ငံဖွား ဂျော့အိုဝဲသည် ကမ္ဘာကျော် သရော်စာ 'Animal Farm'  (ခြေလေးချောင်း တော်လှန်ရေး - သခင်ဘသောင်း မြန်မာပြန်)နှင့် 'Nineteen Eighty Four' စာအုပ်များ ရေးသားခဲ့သည်။

၎င်း၏အဆိုအရ “နယ်ချဲ့အင်ပါယာ၏ ညစ်ညမ်းကမ္ဘာ” အား ငါးနှစ်တာ အမှုတော် ထမ်းပြီးနောက် ၁၉၂၇ ခုနှစ်တွင် မြန်မာပြည်မှ ပြန်လည်ထွက်ခွာခဲ့သည်။ ထို့နောက်ပိုင်း ၎င်းရေးသားသော စာများတွင် မြန်မာပြည်အတွေ့အကြုံများက ရုက်ခတ်ခဲ့ပြီး ထိုအတွေ့အကြုံများကို ‘Burmese Days’ ဟူ၍ ဝတ္ထုကြီးတပုဒ် ရေးသားခဲ့သေးသည်။

အဖွားဖြစ်သူ နေထိုင်ခဲ့သည့် မော်လမြိုင်မြို့ တည်ရှိရာ မြန်မာနိုင်ငံသို့ ၁၉၂၂ ခုနှစ်က ရောက်ရှိလာကာ မန္တလေး ပုလိပ်ကျောင်း၊ မေမြို့၊ မြောင်းမြ၊ သံတွဲ၊ သံလျင်၊ အင်းစိန်နှင့် ကသာ မြို့များတွင် ပုလိပ်အရာရှိအဖြစ် အမှုထမ်းခဲ့ပြီး ကသာတွင် တုပ်ကွေးရောဂါ ခံစားလာရပြီး အင်္ဂလန်သို့ ဆေးခွင့်ဖြင့် ပြန်သွားခဲ့ကာ မြန်မာနိုင်ငံသို့ ပြန်မလာတော့ဘဲ အလုပ်ထွက်ကာ စာရေးဆရာတဦးအဖြစ် ဂျော့အိုဝဲ ကလောင်အမည်ဖြင့် အသက်မွေးခဲ့သည်။

Slow Burma Travel ၏ အစီအစဉ်တွင် ဂျော့အိုဝဲ နေထိုင်ခဲ့ရာ မန္တလေး၊ မေမြို့၊ ကသာ တို့အပြင် လူသူအလာနည်းရာ လီဒိုလမ်းမကြီးနှင့် ရှမ်းပြည်နယ်ခရီးစဉ်တို့လည်း ပါဝင်ကာ နိုဝင်ဘာလ မီးပုံးပျံပွဲတော်သို့လည်း သွားရောက်မည်ဟု ဆိုသည်။