ားရေးလုပ်ငန်းများ မြန်မာနိုင်ငံတွင် တိုးပွားလာဖွယ်ရှိ

မိုးသူ

ကြာသပတေးနေ့၊ ဒီဇင်ဘာလ 11 2008 16:43 - မြန်မာစံတော်ချိန်

ရန်ကုန်။်။ ရုရှားသည် မကြာမီအတွင်း မြန်မာနိုင်ငံတွင် အဓိက ရင်းနှီးမြှုပ်နှံသည့်နိုင်ငံ ဖြစ်လာလိမ့်မည်ဟု ရန်ကုန်အခြေစိုက် အကဲခတ်တဦးက ပြောကြားလိုက်သည်။ မြန်မာနိုင်ငံတွင် စီးပွားရေးနှင့် ရင်းနှီးမြှုပ်နှံမှုများ ပြုလုပ်ထားသော ရုရှကုမ္ပဏီ အများအပြားရှိနေပြီး၊ ၂ နိုင်ငံအကြား ပူးပေါင်းဆောင်ရွက်မှု တိုးမြင့်လာသောကြောင့် ဖြစ်သည်ဟု သုံးသပ် ပြောဆိုလိုက်ခြင်း ဖြစ်သည်။ လွန်ခဲ့သည့် ၈ နှစ်ခန့်ကတည်းက ရုရှ ပုဂ္ဂလိကနှင့် နိုင်ငံပိုင် စီးပွားရေးလုပ်ငန်းများသည် မြန်မာနိုင်ငံသို့ တဖြေးဖြေး ဝင်ရောက်လာခဲ့ပြီး၊ ရွှေနှင့် ကြေးနီ တူးဖော်ခြင်းများ၊ ကုန်းတွင်းနှင့် ကမ်းလွန်ရေနံနှင့် သဘာဝဓါတ်ငွေ့ ရှာဖွေရေး လုပ်ငန်းများ၊ သံမဏိထုတ်လုပ်ရေး လုပ်ငန်းများ၊ အထည်ချုပ်နှင့် ငါးဖမ်းလုပ်ငန်းများအထိပင် ရင်းနှီးမြှုပ်နှံမှုများ စတင်ပြုလုပ်ပြီး စီးပွားရေးလုပ်ငန်းများ လုပ်ကိုင်နေကြောင်း ရုရှ-မြန်မာဆက်ဆံရေးကို အနီးကပ်လေ့လာနေသည့် သူက မဇ္ဈိမကို ပြောသည်။ ထိုကဲ့သို့ ရုရှကုမ္ပဏီများနှင့် စီးပွားရေး တွဲဖက်လုပ်ဆောင်နေသည့် ကုမ္ပဏီများမှာ နာမည်ကျော် ရုရှ ရေနံနှင့် သဘာဝ ဓာတ်ငွေ့ ကုမ္ပဏီ၊ Silver Wave Sputnik Petroleum Pte Ltd., Victorious Glory International Pte Ltd., and Technoprom Exports of Russia တို့ ဖြစ်သည်။ ရုရှ ရေနံနှင့် သဘာဝဓာတ်ငွေ့ ကုမ္ပဏီများသည် ကုန်းတွင်းစီမံကိန်း ၂ ခု၊ ကမ်းလွန်စီမံကိန်း ၂ ခုတို့ကို လုပ်ကိုင်နေကြပြီး၊ စီမံကိန်းတခုစီသည် ခန့်မှန်းခြေတန်ဖိုး အမေရိကန်ဒေါ်လာ သန်း ၃ဝ မှ သန်း ၅ဝ အထိရှိသည်ဟု သူက ပြောသည်။ “မူအရတော့ မြန်မာနိုင်ငံ စစ်အစိုးရက ကုန်းတွင်း ရေနံရှာဖွေရေးနဲ့ ထုတ်လုပ်ရေးလုပ်ငန်းတွေကို နိုင်ငံခြား ကုမ္ပဏီတွေကို ခွင့်ပြုတာ မဟုတ်ဘူး။ ဒါပေမဲ့ ရုရှကျတော့ ခြွင်းချက်ဖြစ်နေတယ်” ဟု သူက ဆိုသည်။ နောက်ထပ် အရေးပါသော စီမံကိန်းတခုမှာ အမေရိကန်ဒေါ်လာ သန်း ၁၆ဝ တန် သံမဏိထုတ်လုပ်ရေး လုပ်ငန်းဖြစ်ပြီး၊ ရုရှနိုင်ငံမှ 'Technoprom Exports' ကုမ္ပဏီက ရှမ်းပြည်တောင်ပိုင်းတွင် တည်ဆောက်ဆောင်ရွက်နေကာ ပြီးစီးလုနီးနေပြီဟု သိရသည်။ ယခုအကဲခတ်၏ အဆိုအရ အဆိုပါ သံမဏိစီမံကိန်းသည် တနှစ်လျှင် သံကြွပ်တန်ချိန် ၂ သိန်းအထိ ထုတ်လုပ်နိုင်ပြီး၊ ၂ဝဝ၉ ခုနှစ်တွင် စတင် လည်ပတ်နိုင်လိမ့်မည်ဟု မျှော်လင့်ရသည်ဟု သိရသည်။ စက်ရုံမှ ထွက်ရှိသော ကုန်ကြမ်းကို မြန်မာ့စီးပွါးရေး ကော်ပိုရေးရှင်း (MEC) ပိုင် သံမဏိစက်ရုံသို့ ပေးပို့သွားမည် ဖြစ်သည်။ ဤစက်ရုံသည် မန္တလေးတိုင်း မြင်းခြံတွင် အခြေစိုက်ထားပြီး စစ်တပ်က လုပ်ကိုင်နေသည့် စီးပွားရေးလုပ်ငန်းများထဲတွင် အဓိက စီးပွါးရေးလုပ်ငန်းတခု ဖြစ်သည်။ ရှမ်းပြည်တောင်ပိုင်း ပင်းပက်တွင် တည်ရှိသည့် အဆိုပါစက်ရုံတွင် လျှပ်စစ်ဓာတ်အား ၆၅ မီဂါဝပ် ထုတ်လုပ်နိုင်သည့် ကျောက်မီးသွေး လောင်စာသုံး စီးပွားဖြစ် လည်ပတ်နိုင်သည့် ဓာတ်အားပေး စက်ရုံတခုလည်း ရှိမည်ဖြစ်သည်။ စက်ရုံအတွက် လိုအပ်သော ကျောက်မီးသွေးကို ရှမ်းပြည်တောင်ပိုင်း ကလောမြို့နှင့် ၂၂ မိုင်ကွာ ပင်လုံမြို့နယ်အတွင်း တီကျစ်ကျေးရွာရှိ မြန်မာနိုင်ငံ၏ အကြီးဆုံး ကျောက်မီးသွေးတွင်းမှ ပေးပို့သွားမည် ဖြစ်သည်။ ရုရှနိုင်ငံသည် အင်အားကြီးထွားလာနေသော ကမ္ဘာ့အင်အားကြီးနိုင်ငံ ဖြစ်လာသဖြင့် မြန်မာတွင် အဓိက ရင်းနှီးမြှုပ်နှံသည့်နိုင်ငံ ဖြစ်လာဖွယ်ရှိကြောင်းနှင့် ရုရှနိုင်ငံ၏ ပိုမိုခိုင်မာသော ထောက်ခံမှု ရရှိရေးအတွက် တိုင်းပြည်အတွင်း၌ လျှို့ဝှက် စီးပွားရေးလုပ်ကိုင်ခွင့်များ ပေးအပ်ထားကြောင်း အကဲခတ်က ပြောသည်။ ဘက်မလိုက်မူဝါဒကို ဆက်လက် ကျင့်သုံးနေသည်ဟု လူသိရှင်ကြား ကြေညာထားသော်လည်း ရေရှည်တွင် နိုင်ငံတကာ မျက်နှာစာ၌ ရှင်သန်ရပ်တည်နိုင်ရေးအတွက် ရုရှကဲ့သို့သော အဓိက အင်အားကြီးနိုင်ငံတခုနှင့် မဟာမိတ် ဖွဲ့ထားရန် မြန်မာက လိုအပ်နေပုံရသည်ဟုလည်း သူက ပြောဆိုသည်။ ဤအတောအတွင်း အကြားအမြင်များသော စက်မှုလုပ်ငန်း သတင်းရပ်ကွက်တခုကလည်း ရုရှကုမ္ပဏီတခုသည် မြန်မာနိုင်ငံတွင် အထည်ချုပ်လုပ်ငန်းနှင့် ငါးလုပ်ငန်းများ လုပ်ကိုင်ရန် ကြိုးစားလျက်ရှိသည်ဟု ပြောသည်။ “အမည်စုံစမ်းဆဲ ရုရှ စီးပွားရေးလုပ်ငန်းတခုက ရန်ကုန်မြို့မှာ အထည်ချုပ်စက်ရုံတခု တည်ထောင်လုပ်ကိုင်ဖို့ အစီအစဉ် ရှိပါတယ်။ အဲဒီစက်ရုံက ကျည်ကာအင်္ကျီတွေ ထုတ်လုပ်သွားမှာပါ” ဟု အဆိုပါ သတင်းရပ်ကွက်က ပြောသော်လည်း သီးခြား အတည်ပြုနိုင်ခြင်း မရှိသေးပါ။