ကျောက်ပန်းတောင်းမှာ ဆန္ဒပြပြီ
မြန်မာနိုင်ငံအဝှမ်း ဆန္ဒပြ သံဃာတော် အရေအတွက် ၂ ရာခိုင်နှုန်းပင် မရှိသေးကြောင်း သာသနာရေး ဝန်ကြီးပြော
သတင်းအမှောင် ထပ်ချရေး စစ်အစိုးရကြိုးပမ်း
မဇ္ဈိမ သတင်းဌာနမှ အချိန်နှင့် တပြေးညီ ထုတ်လွှင့်ပေးနေသည်။
စက်တင်ဘာလ ၂၅ ရက်၊ ၂၀၀၇ ခုနှစ်။
1:50 PM
ကျောက်ပန်းတောင်းမှာ ဆန္ဒပြပြီ
မြန်မာစံတော်ချိန် ၁နာရီ ၁ဝမိနစ်။
“လောလောဆယ် သံဃာတော် အပါး ၁ဝဝဝကျော်တယ်။ ၁၅ဝဝ လောက် ရှိမှာပေါ့နော်၊ ဆုတောင်ပြည့် ဘုရားကြီးကနေ စထွက်မယ်။ အဲဒီကနေပြီးတော့ ဈေးကိုပတ်မယ်။ ဈေးကို ပတ်ပြီးတော့ မြို့ပတ်တဲ့ လမ်းတွေလည်း ပါတ်မှာပေါ့ ဒကာကြီး။ သတ်မှတ်ထားတဲ့ အချက် သုံးချက်နဲ့ ဒီမေတ္တာသုတ်တွေ ရွတ်ပြီးတော့ လမ်းလျှောက် ချီတက်ကြမှာပေါ့။ နောက်က လူအင်အားလဲ တော်တော်များတယ် ဒကာကြီး၊ လူအင်အား တသောင်းလောက် ရှိမယ်။ အခုမှ ပြင်ဆင်တုံးပဲ ရှိသေးတယ်။ ထွက်ခါနီး နေပါပြီ။” ဟု ဆန္ဒပြရန် အသင့် စောင့်ဆိုင်းနေသည့် သံဃာတော် တပါးက ပြောသည်။
1:15 PM
မကွေးမြို့ရဲ့ လုံခြုံရေး
“ဘုန်းကြီးကျောင်းတွေမှာတော့ လုံခြုံရေးတွေ ချထားတာ တွေ့တယ်။ အရပ်ဝတ်တွေနဲ့ပဲ။ သူတို့ စောင့်ကြည့်နေတာ ပေါ့လေ။ နယ်ဘက်တော့ ဒီလိုပဲ ရှိတယ်။ စောင့်ကြည့်နေတာကတော့ ရဲတွေပဲ၊ အရပ်ဝတ် အရပ်စားနဲ့ပဲ။ ကြံ့ဖွတ်တွေကတော့ အဲဒီနားကို မကပ်တော့ဘူးဗျာ။ မပါးတော့ဘူး။ ဒီရဲသားတွေပဲ အရပ်ဝတ် အရပ်စားတွေနဲ့ စောင့်ကြည့်နေတယ်။ တကျောင်းမှာ ၂-၃ ယောက်လောက်ပဲ ချထားတယ်။ မကွေးမှာရှိတဲ့ ကျောင်းသားတွေကို ကျောင်းတက်ချိန်မှာ ကျောင်းမှာပဲ ရှိရမယ်၊ ကျောင်းဝတ်စုံနဲ့ အပြင်မှာ မရှိရဘူး ။ မနေ့က စပြီးတော့ ဖြစ်တာ” ဟု မြို့ခံတဦးက ပြောသည်။
12:45 PM
ချောက်မှာ မနေ့က ဆန္ဒပြ
ချောက်မြို့တွင် သီလရှင် အပါး ၃ဝ ခန့်နှင့် သံဃာတော် ၁ ထောင်ကျော် ယမန်နေ့က ဆန္ဒပြခဲ့ကြသည်။
“ဘုန်းကြီး သံဃာတွေကို ရှိခိုးကတော့ပြီးတော့ ကြည်ညိုနေကြတဲ့ လူတွေက သုံးလေးသောင်းလောက် ရှိတယ်။ ဒီသံဃာတွေနဲ့အတူ လိုက်ပါလာတဲ့ သူတွေက သုံးထောင်လောက် ရှိတယ်။ ရေအိုးစဉ်ကနေ ဈေးဘက်၊ ဈေးဘက်ကနေ ကမ်းနားဘက်၊ ကမ်းနားဘက်ကနေ၊ သာသနာ့ ဗိမာန် ၊ အဲဒီကနေပြီးတော့ အရှေ့ငွေတောင်၊ အနောက်ငွေတောင်၊ နောက်ပြီးတော့ အမှတ် (၁) အထက ဘက်ကို သွားတယ်။ ဆုတောင်းမေတ္တာ ပို့တယ်။” ဟု ချောက်မြို့ ဒေသခံတဦးက ပြောပြသည်။
“နိုင်ငံရေး အကျဉ်းသားများ လွတ်မြောက်ရေး၊” “စားဝတ်နေရေး ပြေလည်ရေး၊” “အမျိုးသား ပြန်လည် သင့်မြတ်ရေး” တို့ ဆန္ဒပြသူများက တောင်းဆိုခဲ့ကြသည်။
သပိတ်များကို မှောက်လျှက် ကိုင်ဆောင်ထားသော သံဃာတော်များက ရှေ့ဆုံးတန်းတွင် ချီတက်ခဲ့ကြသည်။
“ပြည်သူတွေက လက်ခုတ်လက်ဝါး တီးပြီးတော့ အားပေးကြတယ်။ တချို့တွေက စိတ်မကောင်း ဖြစ်ပြီးတော့ မျက်ရည်တွေ ကျကြတယ်။ နောက် ရေသန့်ဗူးတွေ၊ လိမ္မော်သီးတွေ၊ ချိုချဉ်တွေ၊ အချိုရည်တွေ လမ်းတစ်လျောက်လုံး လှူကြ၊ ကမ်းကြတယ် ခင်ဗျာ။ အနှောက်အယှက်တော့ မရှိဘူးခင်ဗျား၊ ဒီကြံ့ခိုင် ဖွံ့ဖြိုးရေးက ကလေးတွေကတော့ ဘေးကနေ လိုက်ကြည့်တာတော့ ရှိတယ်။” ဟု ဒေသခံက ပြောသည်။
12:35 PM
၂ ရာခိုင်နှုန်းတောင် မပြည့်
ဆန္ဒပြ သံဃာတော် အရေအတွက်သည် ၂ ရာခိုင်နှုန်းမျှပင် မပြည့်ဘဲ သံဃာတော်များ ဆန္ဒပြခြင်းကြောင့် လူထုက အကြည်ညိုပျက်မှာ ဖြစ်ကြောင်း သာသနာရေးဝန်ကြီး ဗိုလ်မှူးချုပ် သူရမြင့်မောင်က ပြောကြားချက်ကို အစိုးရ သတင်းစာများက ရေးသား ဖော်ပြထားသည်။
ဝန်ကြီးက ပြောကြားရာတွင် ဆန္ဒပြမှုကို ရဟန်းပျိုများ သမဂ္ဂအဖွဲ့မှ ဦးခေမာစာရက ကြိုးကိုင် လုပ်ဆောင်နေပြီး ပြည်ပ မီဒီယာများက မဟုတ်မမှန် လုပ်ကြံ ဝါဒဖြန့်နေခြင်း ဖြစ်သည်ဟု ဆိုသည်။ အမည်မတပ်ဘဲ ပြည်ပနိုင်ငံကြီး တချို့ကလည်း နှောက်ယှက် ဖျက်ဆီးနေခြင်းဟု ပြောဆို ထားသည်။ ပြည်တွင်း ဆူပူမှု ဖန်တီးသူများမှာ အမျိုးသား ဒီမိုကရေစီ အဖွဲ့ချုပ်ဝင်များ၊ ဗမာပြည် ကွန်မြူနစ်ပါတီ မြေအောက်ယူဂျီများ၊ အေဘီအက်စ်ဒီအက်ဖ်တို့နှင့် စစ်အစိုးရ ဆန့်ကျင်ရေး အဖွဲ့အားလုံး လုပ်ဆောင်နေခြင်း ဖြစ်သည်ဟု ပြောဆိုထားသည်။
သို့သော် ပခုက္ကူမြို့တွင် သံဃာတော်များကို လုံခြုံရေးများနှင့် စစ်အစိုးရ ကျောထောက်နောက်ခံ လူမိုက်များက ရိုက်နှက် ဆဲရေးခဲ့ခြင်းနှင့် ပတ်သက်၍ ပြောကြားသွားခြင်း မရှိပေ။
ကျောက်ပန်းတောင်းမှာ ဆန္ဒပြဖို့ ပြင်နေပြီ
မြန်မာစံတော်ချိန် ၁၁ နာရီခွဲ (သတင်းပေးပို့ချိန်)
မန္တလေးတိုင်း ကျောက်ပန်းတောင်း မြို့တွင် သံဃာလူထု မကြာမီ စုပေါင်း ဆန္ဒပြရန်အတွက် ယခုအခါ စီစဉ်နေကြောင်း ဒေသခံ တဦး၏ ပြောဆိုချက်အရ သိရသည်။
“ဒီနေ့ ၁၂ နာရီ စမယ်။ လူစုနေပြီ။ ဘုန်းကြီးတွေ သွားဖို့ ပြင်ဆင်နေတယ်။ မကြာတော့ပါဘူး လျှောက်ဖို့။ ဒီနေ့ ဘုန်းကြီးအပါး ၁၅ဝဝ လောက် ရှိတယ်။ လူထုတွေက ဘုန်းကြီးတွေရဲ့နောက်မှာ ၄ ယောက် တတန်း လျှောက်ဖို့ စီစဉ်နေတယ်။ စည်းကမ်းရှိဖို့လည်း ဘုန်းကြီးတွေ ပြောထားပါတယ်။ အခုချိန်ထိတော့ နှောင့်ယှက်တာတော့ မရှိသေးဘူး။ မဝတ ရုံးတောင် အပေါက် ပိတ်ထားတယ်။ ဘုန်းကြီးတွေ ဆွမ်းစားနေတယ်။ ပြီးရင် ဘုရားကို သွားမယ်။ အဲဒီမှာ လူထုတွေ ၁ဝဝဝ လောက် ရောက်နေပြီ။ ဘုန်ကြီးတွေ ရောက်တာနဲ့ စမယ်။ ကျောင်းသားတွေလည်း ပါဝင်တယ်။ လက်ရှိ ကောလိပ် တက်နေတဲ့ ကျောင်းသားတွေ ပါတယ်။ လူထုတွေ အားလုံးက အရမ်းကို တက်ကြွနေတယ်။ ဈေးသည်တွေလည်း ဆိုင်တွေပိတ်ပြီး ပါဝင်လာတယ်။ နောက် ၁ နာရီလောက်ဆို စမယ်”
12:00 PM
ဆန္ဒပြပွဲများတွင် ပူးပေါင်း ပါဝင်မှာစိုး၍ အစိုးရ ရုံးများတွင် ဝန်ထမ်းများကို အပြင် ပေးမထွက်ထားသည်။ သို့သော် အစိုးရရုံးများ ပိတ်ရန် တရား ဝင်အမိန့် ထုတ်ပြန်ခြင်း မရှိသေးပါ။
11:40 AM
လုံခြုံရေးတိုးလာမှုနှင့် နှစ်ဘက်စိုးရိမ်မှု
ရန်ကုန်မြို့တွင် စစ်အစိုးရက တပ်အင်အားများ တိုးချထားလိုက်ရာတွင် အာဇာနည်ကုန်း၊ ရွှေတိဂုံဘုရား အရှေ့ဘက်မုဉ် ကြေးသွန်းဘုရားတို့တွင် ထပ်တိုးတပ်များကို တွေ့မြင်ရသည်။
ဆူးလေဘုရား အနီးတဝိုက်၊ မြို့တော်ခန်းမ ရှေ့များတွင်လည်း စစ်ဝတ်စုံ အပြည့်နှင့် လုံခြုံရေးများ ပိုတိုးလာသည်။
ဆန္ဒပြသူများကို အကြမ်းဖက် နှိမ်နင်းမည်လား ဆိုသော စိုးရိမ်မှုများ ပေါ်နေသလို သံဃာတော်များကို အကြမ်းဖက်လျှင် ပိုမို မီးထိုးပေးလိုက် သလို ဖြစ်မှာ အာဏာပိုင်တို့ စိုးရိမ်နေကြသည်ဟု အစိုးရနှင့် နီးစပ်သူ အသိုင်းအဝိုင်းက ပြောသည်။
လက်ရှိအနေအထားတွင် စစ်အာဏာပိုင်တို့ဘက်မှ ဆန္ဒပြပွဲများမကြီးထွားရန် ဟန့်တားမှုများကို ကြိုးစားလုပ်နေရကြောင်း ရန်ကုန်မြို့ရှိ နိုင်ငံ တကာ အေဂျင်စီ တခုမှ လေ့လာသူ တဦးက ပြောသည်။
11:25 AM
ရန်ကုန်မြို့မှာ ဆန္ဒမပြဖို့ လော်နဲ့အော်
ဆန္ဒမပြရန်နှင့် ဆန္ဒပြလျှင် အရေးယူမည်ဟု ရန်ကုန်မြို့တွင် အသံချဲ့စက်များဖြင့် သက်ဆိုင်ရာ အာဏာပိုင်များက လိုက်လံ အော်လျှက် ရှိသည်။
11:00 AM
သတင်းအမှောင် ထပ်ချရေး စစ်အစိုးရကြိုးပမ်း
စစ်အစိုးရသည် သတင်း စီးဆင်းနေမှုကို ကန့်သတ်နိုင်ရန် ကြိုးပမ်းသောအားဖြင့် အင်တာနက်လိုင်းများ ဖြတ်တောက်လိမ့်မည် ဟူသော သတင်းများ ကျယ်ကျယ်ပြန့်ပြန့် ယမန်နေ့ည ကတည်းက ထွက်ပေါ်လာခဲ့သည်။
မြန်မာနိုင်ငံတွင် မြန်မာ တယ်လီပေါ့ (ယခင် ပုဂံ) အင်တာနက် ဆာဗာနှင့် မြန်မာ့စာတိုက်နှင့် ကြေးနန်း ဆက်သွယ်ရေး ဆာဗာ နှစ်ခု ရှိသည့် အနက် မြန်မာ တယ်လီပေါ့ကို ဖြတ်တောက်ဖွယ် ရှိသည်ဟု အစိုးရနှင့် နီးစပ်သော သတင်းရပ်ကွက်များ အရ သိရသည်။
အစောပိုင်းက နိုင်ငံရေး သမားများ၊ တက်ကြွ လှုပ်ရှားသူများ၏ တယ်လီဖုန်းများ ဖြတ်တောက်ကာ သတင်းစီးဆင်းမှု ပိတ်ပစ်ရန် ကြိုးစား ခဲ့သော်လည်း မြန်မာပြည်တွင်း ကြီးထွားလာနေသော ဆန္ဒပြပွဲများ၏ သတင်းများ၊ ဓာတ်ပုံများ၊ ဗီဒီယိုများမှာ အင်တာနက်တွင် ပလူပျံနေဆဲ ဖြစ်သည်။
ယမန်နေ့က မန္တလေးတွင် နိုင်ငံခြား သတင်းထောက် တဦးကို ကြံ့ခိုင် ဖွံဖြိုးရေးနှင့် စွမ်းအားရှင် လူမိုက်တစုက ရိုက်နှက်ရာ ဆန္ဒပြ သံဃာတော် များ အမြန် တားဆီးနိုင်၍ သက်သာရာ ရသွားခဲ့သည်။
----------------------------------
မြန်မာပြည်ရဲ့ ရွှေဝါရောင်တော်လှန်ရေး စတင်ပြီ၊ အနှစ် ၂ဝ အတွင်း အကြီးမားဆုံး
ခြင်ဆေး အားကိုးဖို့ ပြင်တဲ့ အာဏာရှင်
ရန်ကုန် မန္တလေး နတ်မောက် ဒိုက်ဦး မုံရွာ ကလေး ရေစကြို စစ်တွေ ပခုက္ကူ အောင်လံ ဆင်ဖြူကျွန်း ရေနံချောင်း မိုးကုတ် မော်လမြိုင် ကွမ်းခြံကုန်း တောင်တွင်းကြီး မြစ်ကြီးနား တို့တွင် ဆန္ဒပြနေပြီ
စက်တင်ဘာလ ၂၄ ရက်၊ ၂၀၀၇ ခုနှစ်။
6:45 PM
ရန်ကုန်ဆန္ဒပြသူများ လူစုခွဲလိုက်ပြီဟု သိရသည်။
အာဏာပိုင်များဘက်ကတော့ ဒေါ်အောင်ဆန်း စုကြည် အိမ်ရှေ့လမ်းတွင် ထိပ်နှစ်ဖက်လျှင် မီးသတ်ကား ၂ စီးစီ ချထားပြီး လုံထိန်း တပ်ဖွဲ့များ ကလည်း ဒိုင်း၊ ဒုတ်များ ကိုင်ဆောင်ထားပြီး စောင့်ဆိုင်းနေသလို စွမ်းအားရှင်များကိုလည်း အင်အား ဖြည့်ထားသည်။
“ဆူးလေဘုရားကနေ ထောင်တက်လာပြီးတော့ နောက်ဆုံး ဒီယုဇနပလာဇာ မင်္ဂလာဈေးဘက်ကို လာတယ်။ အဲကနေ ဆက်တက် သွားပြီးတော့ ကိုယ်စီ လမ်းခွဲပြီးတော့ သိမ်းလိုက်ကြပြီပေါ့နော်။ အရင်တာမွေ သင်္ကျိုင်းဘက်ကို ကျိုက္ကဆံဘက်ကိုလေ ချီတက်သွားပြီးတော့ တဖြည်းဖြည်းနဲ့ လူစု ခွဲလိုက်ကြတယ်။ ကမ္ဘာအေး ဘုရားလမ်း တစ်လျှောက်မှာ ကျနော်တို့ ပြန်လာတဲ့  သံဃာတွေပြန်ပြီး မြောက်ဥက္ကလာ ဘက်ကို ပြန်ကြွလာတာ တွေ့ရတယ်ဆိုတော့ မြို့ထဲမှာ သွားတဲ့ အဖွဲ့က မြို့ထဲမှာ သိမ်းတာနဲ့ တူတယ်ပေါ့နော်။ ဒီနေ့ အတွက်တော့ အောင်အောင်မြင်မြင်နဲ့ ပြီးဆုံးသွားပြီပေါ့လေ။” ဟု စောင့်ကြည့် လေ့လာ နေသူတဦးက ပြောပြသည်။
ရန်ကုန် ဆန္ဒပြမှုတွင် ပြည်သူ့လွှတ်တော် ကိုယ်စားလှယ် ဇိုမီး အမျိုးသား ကွန်ကရက်ပါတီမှ ပူးကျင်ရှင်းထန်လည်း ပါဝင်သည်။
အမျိုးသား ဒ်ီမိုကရေစီ အဖွဲ့ချုပ်ဝင်များလည်း ဆန္ဒပြပွဲတွင် ပါဝင်ခဲ့သည်။
5:25 PM
ရန်ကုန်တွင် ဆန္ဒပြ အဖွဲ့ကြီး ၄ ဖွဲ့ခွဲကာ ချီတက် နေခဲ့ကြသည်။
“အခုလောလောဆယ် တဘက်က ကမ္ဘာအေး ဘုရားဘက်ကို တဘက်သွားတယ်။ တစ်ဘက်က အင်အားက ၂ သိန်းကျော် ရှိတယ်။ ပြည်သူတွေရော၊ ကျောင်းသားတွေရော၊ သံဃာတော်တွေရော အကုန်လုံးပေါ့နော်၊ နောက် အင်အား အဲလောက်ရှိတဲ့ တဘက်ကလည်း ဆူးလေကနေပြီးတော့ ယုဇနပလာဇာ ဘက်ကို ထောင်တက်သွားတယ်။ ကျန်တဲ့ အဖွဲ့တွေလည်း ရှိသေးတယ်။ စုစုပေါင်း ဒီနေ့ကတော့ လေးကြောင်းလောက် ထွက်တယ် ပေါ့နော်။” ဟု အနီးကပ် လေ့လာသူ တဦးက ပြောသည်။
“လုံခြုံရေးတွေကတော့ သိပ်ပြီး အနေအထားကတော့ မဖြစ်ထားဘူး။ ပုံမှန် အတိုင်းလောက်ဘဲ ရှိတယ်။ ဓါတ်ပုံ ရိုက်တာတွေ ကတော့ ရှိတာ ပေါ့လေ။ ဒေါ်အောင်ဆန်းစုကြည် ရှေ့မှာကတော့ အင်အားတော်တော်များတယ်။ ရဲတွေရော၊ မီးသတ်ကားနှစ်စီး ချထားတယ်။ နောက်ပြီး တော့ ရဲကား နှစ်စီးချထားတယ်။ ဟို ကွန်မန်ဒို အဖွဲ့တဖွဲ့လည်း ချထားတယ်။ ရဲအင်အား အပြည့် ချထားတယ်။ ဒေါ်အောင်ဆန်းစုကြည်ရဲ့ အိမ်ရှေ့မှာကတော့။” ဟု သူက ထပ်ပြောသည်။
4:40 PM
လူ ၅ သောင်းကျော် ပါဝင်သော ဆန္ဒပြအဖွဲ့သည် တာမွေမြို့နယ်သို့ ရောက်ရှိနေကြသည်။ “ဒီမိုကရေစီ ရရှိရေး ဒို့အရေး” ဟူသော ကြွေးကြော် သံများ တိုင်သွားကြသည်။
4:10 PM
ဆူးလေဘုရား လမ်းပေါ်တွင် စုရုံး ဆန္ဒပြနေသူ လူသောင်းပေါင်း များစွာသော ဆန္ဒပြ လူထုကြီးသည် ဗိုလ်တထောင် ဘုရားဘက် ရွှေ့သွားနေ သည်။ မျက်မြင်များ အဆိုအရ လူတသိန်းကျော်အထိ ရှိနိုင်မည်ဟု သိရသည်။
4:05 PM
မြန်မာစံတော်ချိန် ၃ နာရီခွဲ
လူ ၅ သောင်းပါ ရန်ကုန်ဆန္ဒပြ စစ်ကြောင်းတခုသည် လှည်းတန်း လမ်းဆုံမှသည် ကမ္ဘာအေး ဘုရားဘက်သို့ ချီတက်သွားနေရာ ပြည်လမ်း ၆ မိုင်ခွဲကို မကြာမီက ဖြတ်သွားကြောင်း လိုက်လံ ကြည့်ရှုနေသူ တဦးက ပြောသည်။
2:45 PM
သမတရုံမှသည် ဆူးလေအထိ ဆူးလေ လမ်းမကြီးပေါ်တွင် ဆန္ဒပြသူများ ပြည့်နှက်နေသည်။ လူပေါင်း ၅ သောင်းခန့် ရှိမည်ဟု မျက်မြင် များက ခန့်မှန်း ပြောကြသည်။ မဇ္ဈိမက သတင်းယူနေချိန်တွင် လူအများ၏ လက်ခုတ်သံများကို ကြားနေရသည်။
2:00 PM
ရုပ်ရှင်သရုပ်ဆောင် ကိုကျော်သူ အဖမ်းခံရသည် ဆိုသော သတင်းများ ထွက်ပေါ်နေသော်လည်း မဟုတ်မှန်ကြောင်းနှင့် ရွှေတိဂုံ ဘုရား ဆွမ်းလှူဒါန်းပွဲတွင် ရှိနေပါသည်ဟု နောက်ဆုံးသတင်း ရရှိသည်။
1:50 PM
ပြည်သူ့ လွှတ်တော်ကိုယ်စားလှယ်များ ပါဝင်တော့မည်
၁၉၉ဝ ခုနှစ် ရွေးကောက်ခံ ပြည်သူ့လွှတ်တော် ကိုယ်စားလှယ်များ ယနေ့ ရန်ကုန် ဆန္ဒပြပွဲတွင် ပါဝင်မည်ဟု နိုင်ငံရေး သတင်းရပ်ကွက်အရ သိရသည်။
အမျိုးသား ဒီမိုကရေစီ ရုံးချုပ်ရှေ့တွင် ဆန္ဒပြ သံဃာများနှင့် လူအများအတွက် ရေ၊ ဆေးများ ဝေငှမှာ ဖြစ်သည်။
ဆူးလေဘုရား အနီး သံဃာတော် တပါးက ငြိမ်းချမ်းရေးဖခင် ဆရာကြီး သခင် ကိုယ်တော်မှိုင်း ပုံများ လမ်းသွား လမ်းလာများကို ဝေငှ နေသည်ကို မဇ္ဈိမ အထောက်တော်များ တွေ့မြင်ကြရသည်။
1:45 PM
သံဃာတော်အပါး ၄ဝဝ ခန့်ရှိသော ဆန္ဒပြ အဖွဲ့ငယ်တခု ရေတာရှည် လမ်းမှသည် ရွှေဂုံတိုင်လမ်းရှိ အမျိုးသား ဒီမိုကရေစီ အဖွဲ့ချုပ် ရုံးချုပ်သို့ သွားရောက် ပူးပေါင်းနေသည်။
1:40 PM
ရန်ကုန်ဆန္ဒပြပွဲ အဆင်သင့်ဖြစ်
ရန်ကုန်တွင် ဆန္ဒပြ သံဃာများနှင့် လူအများအပြား အဖွဲ့များခွဲကာ စုဝေးလျှက် ရှိသည်။ နေ့လည် ၁ နာရီတွင် စတင်မည့် ဆန္ဒပြပွဲကြီး အတွက် ပြင်ဆင်နေကြခြင်း ဖြစ်သည်။
မဇ္ဈိမအထောက်တော်များက ပေးပို့သော သတင်းအရ မြေနီကုန်းတွင် လူ ၅ဝဝဝ ခန့် စုရုံးနေသည်။ အမျိုးသား ဒီမိုကရေစီ အဖွဲ့ချုပ် ရုံးရှေ့တွင်လည်း လူ ၅ဝဝဝ ခန့် စုရုံးနေသည်ဟု သိရသည်။
1:00 PM
ရွှေတိဂုံဘုရား အရှေ့ဘက် မုဉ်ဦးတွင် ဆန္ဒပြ သံဃာတော်များကို ဆွမ်းဆက်ကပ် လှုဒါန်းနေခဲ့သည့် ရုပ်ရှင် သရုပ်ဆောင် ကိုကျော်သူကို ရဲများက ဖမ်းဆီးသွားသည်ဟု သတင်းများ ထွက်ပေါ်နေသည်။
12:35 PM
ရုပ်ရှင်မင်းသား ကိုကျော်သူနှင့်အတူ ကိုဇာဂနာ။ စာရေးဆရာ မင်းလူ။ ရုပ်ရှင်ဒါရိုက်တာ။ စာရေးဆရာ မောင်သဏ္ဏ တို့လည်း ပါဝင်ကာ ဆန္ဒပြ သံဃာတော်များအား ဆွမ်းဆက်ကပ် လှုဒါန်းလျှက်ရှိသည်။
11:55 AM
ရုပ်ရှင် သရုပ်ဆောင် ကျော်သူနှင့်အဖွဲ့က ရွှေတိဂုံဘုရား အရှေ့ဘက်မုဉ်တွင် ဆန္ဒပြသူသံဃာတော်များကို ထမင်းထုပ်များ ဝေငှလျှက်ရှိသည်။
ဗဟန်း အထက ၂ မှ ကျောင်းသားများကို နံနက် ၉း၃ဝ နာရီတွင် ကျောင်းလွှတ်ပေးလိုက်ကာ အိမ်သို့ ပြန်ခိုင်းလိုက်သည်။
11:25 AM
ဆန္ဒပြပွဲများ ဆက်တိုက် ဖြစ်ပွားလာပြီးနောက် ရန်ကုန်မြို့တွင် အလယ်တန်းကျောင်းနှင့် အထက်တန်းကျောင်းအချို့ကို ယနေ့ ပိတ်လိုက်သည်။
11:00 AM
စစ်အာဏာရှင်က အကြမ်းဖက်တော့မှာလား
စစ်အစိုးရက ဆန္ဒပြသူ သံဃာတော်များကို ရက်စက်စွာ နှိမ်နင်းလိမ့်မည် ဆိုသော စိုးရိမ်ချက်များ ထွက်ပေါ်လာနေသည်။ မြန်မာပြည်တွင်း ဆန္ဒပြမှုများ အရှိန်အဟုန်ဖြင့် ဖြစ်ပေါ်လာနေချိန်တွင် ကမ္ဘာ့ကုလသမဂ္ဂ အထွေထွေ ညီလာခံ ကျင်းပနေချိန်နှင့်လည်း တိုက်ဆိုင်နေသည်။
မဇ္ဈိမက ရရှိထားသော သတင်းအရ စစ်အစိုးရ အနေဖြင့် လိုအပ်လျှင် မျက်ရည်ယို ဓာတ်ငွေ့သုံး၍ ဖြိုခွဲလိုသော်လည်း မိုး အဆက်မပြတ် ရွာသွန်းမှုကြောင့် ဓာတ်ပျက်ပြယ်သွားမှာ ဖြစ်ရာ သုံး၍ မရနိုင်သည့် အခြေအနေကြောင့် အစားထိုး အနေဖြင့် ခြင်ဆေးဖြန်းရည် ပမာဏများများ လိုက်လံ ရှာဖွေလျှက် ရှိသည်။ ရန်ကုန် မြို့တော် စည်ပင်သာယာမှ ခြင်ဆေးရည်များ မှာယူခြင်းများ လုပ်လျှက် ရှိသည်။ ခြင်ဆေး အနံ့ကြောင့် လူစု ကွဲသွားလိမ့်မည်ဟု အာဏာပိုင်များ ယုံကြည်နေသည်။
