ဖနီဒါ၊ ငြိမ်းချမ်း (မဇ္ဈိမ သတင်းဌာန)
ဇွန်လ ၁၅ ရက်၊ ၂၀၀၇ ခုနှစ်။
‘ကျွန်ုပ်တို့၏ ခေါင်းဆောင်များနှင့် လုပ်ဖော်ကိုင်ဘက် အားလုံးကို အခုလွှတ်ပါ’ ဟူသည့် စာတမ်းနှင့် လူထုခေါင်းဆောင် ဒေါ်အောင်ဆန်း စုကြည် အပါအ၀င် နအဖ စစ်အစိုးရက ဖမ်းဆီး ထိန်းသိမ်း ထားသော မြန်မာ့ ဒီမိုကရေစီရေးနှင့် လူ့အခွင့်အရေး လှုပ်ရှားသူများ၏ ဓာတ်ပုံများကို ပုံနှိပ် ဖော်ပြ ထားသည့် ပို့စ်ကတ်များကို မေလ ၃၀ ရက်နေ့မှ စတင်ကာ နီးစပ်ရာ မြန်မာ သံရုံးများသို့ လက်မှတ်ရေးထိုး ပေးပို့နေသည့် လှုပ်ရှားမှုကို အမျိုးသမီးများ အဖွဲ့ချုပ် (မြန်မာနိုင်ငံ) WLB က လုပ်ဆောင်နေသည်။
ယခု လှုပ်ရှားမှုမှ ထွက်ပေါ်လာမည့် အကျိုးအမြတ်၊ ဒေါ်အောင်ဆန်း စုကြည် လွတ်မြောက်ရေးသည် မြန်မာ အမျိုးသမီးထု အတွက် အရေးပါမှု၊ နအဖ စစ်အစိုးရက မလိုက်လျောလျှင် ဆက်လက် လှုပ်ရှားမည့် အစီအစဉ်နှင့် ဒေါ်အောင်ဆန်း စုကြည်ကို မည်သို့သော ပုဂ္ဂိုလ်အဖြစ် ရှုမြင်သလဲ ဆိုသည့် မေးခွန်းများကို WLB ခေါင်းဆောင် အမျိုးသမီး ၅ ဦးက ဖြေကြား ထားပါသည်။
WLB ကို ၁၉၉၉ ခုနှစ် ဒီဇင်ဘာလ ၉ ရက်နေ့တွင် စတင် ဖွဲ့စည်းကာ၊ ပြည်ပရောက် မြန်မာ တိုင်းရင်းသူ အမျိုးသမီး အဖွဲ့ ၁၂ ဖွဲ့ဖြင့် စုပေါင်း လုပ်ဆောင်နေသော အဖွဲ့ကြီး ဖြစ်သည်။
မစောစံငြိမ်းသူ (Rakhaing Women's Union - RWU)
“အမျိုးသမီးများ အဖွဲ့ချုပ် (မြန်မာနိုင်ငံ) ရဲ့ အခု စတင်လှုံ့ဆော် လှုပ်ရှားနေတဲ့ ဒေါ်အောင်ဆန်း စုကြည် ရုပ်ပုံပါ ပို့စ်ကတ် လက်မှတ်ထိုး လှုပ်ရှားမှုရဲ့ အဓိက ဦးတည်ချက်က အခုထိ ဖမ်းဆီး ချုပ်နှောင် ခံနေရတဲ့ ဒေါ်အောင်ဆန်း စုကြည်နဲ့ နိုင်ငံရေး အကျဉ်းသား အားလုံး လွတ်မြောက်ရေး ဖြစ်ပါတယ်။ အဲဒီလို လှုံ့ဆော် တောင်းခံတဲ့ နေရာမှာ လွန်ခဲ့တဲ့ လကပဲ ပြည်တွင်း ဒီမိုကရေစီ အင်အားစုတွေက ဒေါ်အောင်ဆန်း စုကြည် လွတ်မြောက်ရေး အတွက် ဘုရားပေါ်မှာ ၀တ်ပြု ဆုတောင်း လှုပ်ရှားရာမှာ အဓိက ပါဝင်ခဲ့ကြတဲ့ သူတွေကို ဖမ်းဆီး ချုပ်နှောင် ခဲ့တယ်။ သူတို့ လွတ်မြောက်ရေး အတွက်လည်း ဖြစ်ပါတယ်။
စစ်အစိုးရက ဘယ်လိုပဲ မောက်မာပါစေ၊ တင်းမာနေပါစေ ကျမတို့ လုပ်ရမယ့် အလုပ်ကို ကျမတို့က ဆက်လက် လုပ်သွားရမှာပဲ။ နအဖ က အခုလို ဒေါ်အောင်ဆန်း စုကြည်နဲ့ နိုင်ငံရေး အကျဉ်းသားများ လွတ်မြောက်ရေး အတွက်ပဲ ဖြစ်ဖြစ်၊ ဒီမိုကရေစီရေး အတွက်ပဲ ဖြစ်ဖြစ် ပြည်တွင်း ပြည်ပ ဒီမိုကရေစီ အင်အားစုတွေက တရားနည်းလမ်း ကျကျ ငြိမ်းချမ်းစွာ လှုံ့ဆော် တောင်းခံမှုတွေကို မျက်ကွယ် ပြုပြီးတော့၊ ဒေါ်စုကို ဆက်လက် ပြီးတော့ ထောင်ဒဏ် တနှစ်တိုး၊ ဘုရားမှာ ၀တ်ပြု ဆုတောင်းသူတွေကို ဖမ်းဆီး ထောင်ချ နေတာတွေက အမှန်တရားကို သိသိကြီးနဲ့ ပိုပြီး မိုက်ရူးရဲဆန် ပြနေတယ်လို့ မြင်ပါတယ်။
အကျိုးအမြတ်ကိုတော့ အသေအချာ တွက်လို့ မရနိုင်ပါဘူး။ ဒါပေမဲ့ ပြောနိုင်တာက ကျမတို့ လုပ်ရမယ့် အလုပ်ကို ကျမတို့ လုပ်တယ်။ တာဝန်ယူမှု ကတော့ နအဖ အစိုးရနဲ့ပဲ ဆိုင်တယ်။ ဘယ်လိုပဲဖြစ်ဖြစ် နိုင်ငံတကာရဲ့ ဖိအားကတော့ ပိုများလာနိုင်မယ်လို့ မျှော်လင့်ပါတယ်”
“ဒေါ်အောင်ဆန်း စုကြည် လွတ်မြောက်ရေးဟာ မြန်မာ အမျိုးသမီးထု တရပ်လုံးအတွက် သာမက မြန်မာပြည် ဒီမိုကရေစီ ရရှိရေး အတွက်လည်း အထူး အရေးပါပါတယ်။ ဘာဖြစ်လို့လဲ ဆိုတော့ ဒေါ်စုဟာ အဓိကကျတဲ့ မြန်မာ့ ဒီမိုကရေစီ ခေါင်းဆောင် ဖြစ်လို့ပါ”
“နအဖ ကတော့ သူတို့ လုပ်နေတဲ့ အတိုင်း ဆက်လုပ်သွားပါပဲ။ အဲဒီလိုပဲ ကျမတို့ အနေနဲ့လည်း လိုအပ်တဲ့ လှုပ်ရှားမှုကို ဆက်လက် လှုပ်ရှားသွားရမှာ ဖြစ်ပါတယ်။ ဥပမာ အခုဆို ပြည်တွင်းမှာလည်း ဒေါ်စု လွတ်မြောက်ရေး အတွက် ပိုမို လှုပ်ရှား လာတာကို တွေ့ရတယ်။ ပြည်ပ ဒီမိုကရေစီ အင်အားစုတွေကလည်း အရင်ထက်ကို ခံစားချက်တွေ ပြင်းထန်စွာနဲ့ ကျယ်ပြန့်တဲ့ လှုပ်ရှားမှုတွေကို လုပ်လာနိုင်ဖွယ် ရှိတယ်။ ဒီ့အပြင် အရင်က မရှိခဲ့ဖူးတဲ့ နိုင်ငံတကာ ခေါင်းဆောင်တွေရဲ့ ဖိအားတွေက ပိုများလာတယ်။ အဲဒီထဲမှာ အထူးသဖြင့် အမေရိကန် သမတ ဘွတ်ရ်ှရဲ့ ကတော် လော်ရာဘွတ်ရှ် အပါအ၀င် တခြား အမေရိကန် လွှတ်တော်အမတ် (အမျိုးသမီးတွေ) ကလည်း ဖိအား ပေးနေတဲ့ ကြားထဲက ဒေါ်စုကို ထောင်ဒဏ် တိုးလိုက်တဲ့ အပေါ်မှာ ဆက်လက် လှုံ့ဆော်ဖို့ ကော်မီတီ တခု ဖွဲ့လိုက်တယ်။ ဒါတွေဟာလည်း မြန်မာနိုင်ငံ ဒီမိုကရေစီရေး လှုပ်ရှားမှုမှာ အရှုံးထဲက အမြတ်တွေပါပဲ။
ပြည်တွင်းပြည်ပ ဒီမိုကရေစီ အင်အားစုတွေက နိုင်ငံတကာရဲ့ ဖိအားကိုလည်း ပိုမို ရယူနိုင်အောင် ကြိုးစားရမယ်။ တချိန်ထဲမှာ ကိုယ်တိုင်ကလည်း ဆက်ပြီးတော့ ကျယ်ကျယ် ပြန့်ပြန့် လုပ်ဆောင် ကြရမယ်။ အမှန်တရားကို ချစ်မြတ်နိုးသူ အတွက် အမှန်တရားဟာ မနက်ဖြန် တရက်မှာ ပုံသေ ရှိလာမယ်လို့ ယုံကြည်ပါတယ်”
“ဒေါ်အောင်ဆန်း စုကြည်ဟာ အကြမ်းမဖက် အနုနည်းနဲ့ တိုက်ပွဲဝင်နေတဲ့ ခေါင်းဆောင် တဦး ဖြစ်ပါတယ်”
မခိုင်မာကျော်ဇော (Karen Women's Organization - KWO)
“အခု လှုပ်ရှားမှုကတော့ ပြည်သူလူထု ကြားမှာ ပိုပြီး ကျယ်ကျယ် ပြန့်ပြန် သိလာမှာ ပေါ့နော်။ နောက်တခု ကတော့ အနည်းနဲ့ အများတော့ သိကြတယ်။ အထူးသဖြင့် ဒေါ်အောင်ဆန်းစုကြည်ကို ဆက်ပြီး သက်တမ်း တိုးတယ်။ နေအိမ် အကျယ်ချုပ် သက်တမ်း ထပ်တိုးတဲ့ဟာက ဘယ်လိုမှ တရား မျှတမှု မရှိဘူး။ နောက်ပြီးတော့ ကြာလည်း ကြာနေပြီ။ ကျမတို့ အားလုံးက လေးစားတဲ့ လူတယောက်ကို ဖမ်းဆီး ထိန်းသိမ်း ထားတယ် ဆိုတာ နိုင်ငံအတွက်လည်း အကျိုး မရှိဘူးလေ။ အဲဒါကြောင့် ကျမတို့ အမျိုးသမီး အဖွဲ့ချုပ် အနေနဲ့ လှုပ်ရှား ကြတယ်ပေါ့နော်။
အကျိုးအမြတ် အနေနဲ့ကတော့ ပြည်သူတွေ ပိုပြီးတော့ နိုင်ငံရေးအရ လှုပ်ရှားမှု ပိုရှိလာမယ်လို့ မျှော်လင့်တယ်။ နောက်တခုကတော့ နိုင်ငံတကာမှာ နေတဲ့ ပြည်သူတွေ အပါအ၀င် နယ်စပ်ဒေသမှာ ရှိနေတဲ့ လူတွေရဲ့ အသိထဲမှာ ကျမတို့ နိုင်ငံဟာ မလွတ်မြောက်သေးဘူး၊ ကျမတို့ အနေနဲ့လည်း ပြည်သူလူထု တယောက်ချင်း၊ တဦးချင်း အနေနဲ့ ဒီလို ၀ိုင်းဝန်း ပြီးတော့ လုပ်ဆောင်ချင်တဲ့ အသိတွေလည်း ရှိလာမယ်လို့ မျှော်လင့်ပါတယ်။ ဘာကြောင့်လည်း ဆိုတော့ ဒီဟာကျတော့ အများကြီး ပါဝင်လို့ ရတဲ့ အနေအထား ဖြစ်နေတော့ လူတိုင်း ပိုပြီး ကျယ်ကျယ်ပြန့်ပြန့် လှုပ်ရှား နိုင်မယ်လို့ မျှော်လင့်ပါတယ်”
“ဒေါ်အောင်ဆန်းစုကြည် လွတ်မြောက်ရေးဟာ အတော် အရေးပါပါတယ်၊ ဘာဖြစ်လို့လည်း ဆိုတော့ သူက ပေါ့နော် နိုင်ငံရေး ဦးဆောင်နေတဲ့သူ ဖြစ်တယ်ဆိုတာ တိုင်းရင်းသား အပါအ၀င် အားလုံးကလည်း မျှော်လင့်တယ်။ နောက်တခုကတော့ အမျိုးသမီး တယောက်လည်း ဖြစ်တယ်။ နိုင်ငံတကာကလည်း သူ့ကို အသိအမှတ် ပြုထားတယ်၊ လေးစားတယ် ပေါ့နော်။ အဲလို နိုင်ငံရေး ခေါင်းဆောင် လွတ်မြောက်ရေးဟာ ကျမတို့ မြန်မာပြည် အတွက် အရမ်းကို အရေးကြီးတယ်။ သူ လွတ်မြောက်လာလို့ ရှိရင် ကျမတို့ ဆက်ပြီး ထိန်းသိမ်းရမယ့် အရာတွေ၊ ဒီမိုကရေစီ အရေး၊ တိုင်းရင်းသား အရေးတွေကို အချိန်ပေး စဉ်းစား ပြီးတော့မှ၊ ဒီအမျိုးသမီး လွတ်မြောက် လာမယ်ဆိုလို့ရှိရင် ကျမတို့ နိုင်ငံရေးအတွက် အများကြီး မျှော်လင့်ချက် ရှိတယ်”
“နအဖ က သူ့လမ်းသူ လျှောက်မယ် ဆိုလို့ရှိရင်တော့ တိုင်းပြည်အတွက် လုံးဝ အခြေအနေ မကောင်းဘူး။ နောက်တခုကတော့ ဒေါ်စုကို လွှတ်မပေးဘူး ဆိုရင်လည်း ဘယ်လိုမှ ကျမတို့ တိုင်းပြည်ရဲ့ အခက်အခဲကလည်း ပြေလည်မှာ မဟုတ်ဘူး။ ဘာဖြစ်လို့လည်း ဆိုတော့ ဒေါ်အောင်ဆန်း စုကြည်ဟာ ၁၉၉၀ ခုနှစ် ရွေးကောက်ပွဲမှာ အနိုင်ရတဲ့ ပါတီရဲ့ ခေါင်းဆောင် တယောက်လည်း ဖြစ်တယ်။ ဒါက အားလုံးက အသိအမှတ် ပြုထားတာလေ။ ဆိုတော့ ပါတီ ခေါင်းဆောင်၊ နိုင်ငံရေးသမား အားလုံးက ချစ်ခင် လေးစားတဲ့ ခေါင်းဆောင် တယောက်ကို မလွှတ်ပေးဘူး ဆိုရင်တော့ ဒါဟာ အဓိပ္ပာယ် မရှိဘူး ပေါ့နော်။ တိုင်းပြည်ကို ရှေ့ဆက် ပြီးတော့ နအဖ ပြောနေတဲ့ ဒီမိုကရေစီ လမ်းစဉ်ပေါ့၊ တိုင်းပြည်ကို ဖွံ့ဖြိုးချင်တယ်၊ ထူထောင်ချင်တယ် ဆိုတဲ့ဟာကို ပြောနေတယ်။ ဒါက အရေးကြီးတယ် ပေါ့နော်၊ အရေးပါ အရာရောက်တယ်။ ဒါပေမဲ့ တိုင်းပြည်က၊ ပြည်သူလူထု အားလုံးက လေးစားတဲ့ ခေါင်းဆောင်ကောင်း တယောက်ကို ထိန်းချုပ် ထားတာ၊ မလွှတ်ဘဲ ထားတယ် ဆိုတာတော့ အဓိပ္ပာယ် လုံးဝ မရှိဘူး။ လွတ်မြောက်ဖို့ဟာ အရမ်း အရေးကြီး တယ်လေ။ မလွတ်မြောက်ဘူး ဆိုရင်လည်း ကျမတို့ ၀ိုင်းပြီး ကြိုးစားရမှာပဲ။ ဒီလိုပဲနေလို့တော့ မရဘူး။
အခုဆိုရင် ပြည်သူလူထုဟာ နိုင်ငံရေးကို အရင်ကထက် ပိုပြီးတော့ နိုးကြားမှု ရှိလာပြီ။ အမျိုးသမီးတွေ ပိုပြီးတော့ ပါဝင် လှုပ်ရှား လာတာကို တွေ့ရတယ်။ နောက် ပြည်သူလူထုကလည်း အရင်ကလို ငြိမ်ပြီး ခံနေတာလိုမျိုး မဟုတ်ဘဲနဲ့ ကုန်ဈေးနှုန်းကြောင့်ပဲ ဖြစ်ဖြစ်၊ ဖိနှိပ်မှုတွေကြောင့်ပဲ ဖြစ်ဖြစ်၊ မတရားမှု တွေကြောင့်ပဲ ဖြစ်ဖြစ် လမ်းတွေပေါ် ထွက်လာကြပြီ။ ဒါတွေက ရှင်းရှင်း ပြောရရင် တဖြည်းဖြည်းနဲ့ ဒီလိုမျိုး နည်းနာတွေနဲ့ ဆက်လုပ်သွားရမှာပဲ၊၊ ကျမတို့ ပြည်ပက အဖွဲ့တွေကလည်း ပံ့ပိုး ပေးရမှာ ပေါ့နော်။ အဓိက ပြည်တွင်းက လှုပ်ရှားကြတာပေါ့နော်။ ပညာတွေ၊ နည်းနာတွေ၊ ပြည်သူလူထု တွေကိုပေါ့နော်။ လုပ်ပေးရမှာပဲ”
“ဒေါ်စုကို တိုင်းရင်းသူ အမျိုးသမီး တယောက်အနေနဲ့ ဆိုရင် သူပြောထားတဲ့ စကားလေး တခုလည်း ရှိတယ်လေ။ မြန်မာနိုင်ငံဟာ တိုင်းရင်းသား လူမျိုးတွေနဲ့ စုဖွဲ့ထားတဲ့ နိုင်ငံဖြစ်တယ်။ ကျမတို့ အချင်းချင်း အပြန်အလှန် ယုံကြည်မှုတွေ၊ နားလည်မှုတွေ ရှိတယ်။ မတူညီမှုတွေ၊ ကွဲပြားမှုတွေ ကြားမှာပဲ ရှေ့ဆက်ပြီး တိုင်းပြည်အတွက် အတူတူ လုပ်သွားကြမယ် ဆိုရင် ပြည်ထောင်စုကြီး တည်ဆောက်မှု အတွက်ပါ အင်အားဖြစ်တယ် ပေါ့နော်။ မတူတဲ့ လူမျိုးစုတွေ၊ အမြင်တွေ ကွဲပြား နေတာကလည်း ဒီမိုကရေစီပဲ ဆိုတော့ သူ့ရဲ့ အခြေခံ သဘာဝတွေက တိုင်းရင်းသားတွေပေါ်မှာ အင်အားစု တရပ် ဖြစ်တယ် ဆိုတာကို သူ လက်ခံတယ် ဆိုတော့ အမျိုးသမီး ရေးရာ၊ ဒီမိုကရေစီ ရေး၊ တိုင်းရင်းသား အရေးကို အရင်တုန်းက၊ သူ့အဖေ လက်ထက်တုန်းက တကယ့် လက်တွေ့ မလုပ်နိုင်ခဲ့တဲ့ ဟာကို ဒေါ်စုက ပိုပြီး လုပ်နိုင်မယ်လို့ ကျမတို့ မျှော်လင့်တယ်။ နောက်တခုကတော့ နိုင်ငံတကာရဲ့ အနေအထား၊ နိုင်ငံတကာက လေးစားမှုတွေ သူများက ပေးတယ်လေ။ နောက်တခုက ကျမတို့ရဲ့ တိုင်းရင်းသား ခေါင်းဆောင်တွေက အစပေါ့နော်။ အမျိုးသမီး တယောက်လည်း ဖြစ်တယ်။ သူ့ရဲ့ စွန့်လွှတ်မှုတွေ၊ အနစ်နာခံမှုတွေကို ကျမတို့ အသိအမှတ် ပြုတယ်။
အဲလို အနေအထားမှာ ဆိုတော့ ဒေါ်စုဟာ ကျမတို့ နိုင်ငံအတွက် တိုင်းရင်းသားတွေရဲ့ မတူ ကွဲပြားမှုတွေကို စုစည်းနိုင်တဲ့ အမျိုးသမီး တယောက်လို့ မြင်တယ်။ နောက်ပြီး မြန်မာ့ ဒီမိုကရေစီ ရရှိရေး အတွက်လည်း အင်အားတရပ် အနေနဲ့ တည်ရှိတယ်လို့ ကျမတို့ မြင်တယ်လေ”
“ကျမ နောက်ထပ် ပြောချင်တာက အထူးသဖြင့် နိုင်ငံတခု လွတ်မြောက်ဖို့ စစ်အာဏာရှင် အောက်မှာ အကုန်လုံး စိတ် မသက်သာစွာနဲ့ ဆင်းရဲဒုက္ခ အမျိုးမျိုး ရောက်နေကြတဲ့ နိုင်ငံသား အားလုံးဟာ နိုင်ငံရေး အသိရှိဖို့ ကျမကတော့ နှိုးဆော်ချင်တယ်။ မှာလည်း မှာကြားချင်တယ်။ ကိုယ် တတ်နိုင်သလောက် ဘယ်ကိုပဲ ရောက်ရောက် တတ်နိုင်တဲ့ ဘက်က ပေါ့နော်။ တိုင်းပြည်မှာ ဖြစ်ပျက်နေတဲ့ ကိစ္စဟာ ကိုယ်နဲ့ မဆိုင်သလို နေလို့ မရဘူး။ ဘယ်နေရာပဲ ရောက်ရောက် ရောက်တဲ့ နေရာကနေ ပါဝင်ကြပါ ဆိုတာတော့ ကျမ ပြောချင်ပါတယ်”
မဒွဲလိန် (Kachin Women's Association-Thailand - KWAT)
“အကျိုးအမြတ် အနေနဲ့တော့ WLB သာ မဟုတ်ဘူး၊ တခြား အဖွဲ့အစည်းတွေရဲ့ လှုပ်ရှားမှုတွေ ကနေလည်း ပြည်တွင်းမှာ လက်ရှိ ဖြစ်ပျက်နေတဲ့ အခြေအနေတွေ၊ လူ့ အခွင့်အရေး လှုပ်ရှားသူတွေရဲ့ အခြေအနေ တွေကို ပိုပြီးတော့ လူတွေ သိမြင်လာမယ်လို့ ကျမတို့ မျှော်လင့် ပါတယ်။
နောက်တခုကတော့ ဒီလို လှုပ်ရှားခြင်းအားဖြင့် လက်ရှိ ဖြစ်ပျက်နေတဲ့ အပေါ်မှာ လူထုရဲ့ အမြင်၊ သဘောထား၊ ဆန္ဒတွေကို ဖော်ထုတ်ရာလည်း ရောက်တယ်။ နောက်ပြီး ဒီလှုပ်ရှားမှုက တဆင့် နအဖ ဘက်က တစုံတရာ အာရုံ စူးစိုက်မှု ရှိမယ်လို့ ထင်တယ်”
“ဒေါ်အောင်ဆန်းစုကြည် လွတ်မြောက်ရေးဟာ မြန်မာ အမျိုးသမီး တစုထဲသာ မကဘဲနဲ့ မြန်မာနိုင်ငံ တခုလုံးနဲ့ ဆိုင်ပါတယ်။ ဘာပဲပြောပြော ဒေါ်စုဆိုရင် ဒီမိုကရေစီ လှုပ်ရှားမှုမှာ သူက ခေါင်းဆောင် နေရာမှာ တက်တက်ကြွကြွ လှုပ်ရှားခဲ့တဲ့ လူတယောက်။ အကုန်လုံး အတွက်လည်း ခေါင်းဆောင်တယောက် အနေနဲ့ သူက မားမားမတ်မတ် ရပ်တည်ခဲ့တဲ့ လူတယောက် ဆိုတော့ အမျိုးသမီးထု ဆိုတာထက်ကို တမျိုးသားလုံး၊ မြန်မာနိုင်ငံ တခုလုံးနဲ့ တိုက်ရိုက် ပတ်သက် နေတယ်လို့ ထင်ပါတယ်”
“နအဖ က ဘယ်လိုပဲဖြစ်ဖြစ် ကျမတို့ လုပ်စရာ ရှိတာကို ကျမတို့ ဆက်လုပ် သွားရမှာပဲ။ ဘာပဲပြောပြော သူတို့ကတော့ သူတို့လမ်း သူတို့လျှောက်မှာပဲ။ ကျမတို့ရဲ့ လှုပ်ရှားမှု ပိုပြီး အားကောင်းလာအောင်၊ တခြား နိုင်ငံတကာ အဆင့်မှာ ပိုပြီး ထောက်ခံမှု ရလာအောင် နောက်ပြီးလို့ရှိရင် ကျမတို့ အချင်းချင်း ကြားမှာလည်း ပိုပြီး ဒီမိုကရေစီရေး အတွက် ဆက်လုပ် ရလိမ့်မယ်လို့ ကျမ ထင်ပါတယ်”
“ဒေါ်စုအပေါ် ကျမ တဦးထဲရဲ့ အမြင် သဘောထားအရ ပြောမယ် ဆိုရင် သူက ဘာပဲပြောပြော မြန်မာနိုင်ငံ ဒီမိုကရေစီရေး အတွက် လှုပ်ရှားနေတဲ့ လူတယောက်၊ နောက်ပြီး တကယ့်တကယ် စိတ်ဓာတ် အရင်းခံနဲ့ ပေါ့နော်။ ကြုံလာတဲ့ ဒုက္ခတွေကို မမှုဘဲနဲ့ တကယ့် တမျိုးသားလုံး လွတ်မြောက်ရေး အတွက် သူက ရှိသမျှ အားတွေနဲ့ ကြိုးစားနေတဲ့၊ လူအများ လေးစား ထိုက်တဲ့ လူတယောက် ဖြစ်တယ်လို့ ကျမ နားလည်တယ်နော်”
“ကျမအနေနဲ့၊ ကချင် တမျိုးသားလုံး အနေနဲ့ရော၊ အမျိုးသမီး တယောက် အနေနဲ့ရော ကျမ ပြောချင်တာက အခုလက်ရှိ နေအိမ် အကျယ်ချုပ် ခံနေရတဲ့ ဒေါ်အောင်ဆန်း စုကြည်ဟာ ဘယ်လို ဒုက္ခပဲ ကြုံနေပါစေ တမျိုးသားလုံး အတွက် ဆက်ပြီးတော့ မားမားမတ်မတ် ရပ်တည် သွားနိုင်မယ်လို့ ထင်တယ်။ ဒါကြောင့် ဒီလို လှုပ်ရှားခြင်းအားဖြင့် သူ့ကိုလည်း အများကြီး ထောက်ခံရာ ကျတယ်လို့ ကျမ ပြောချင်ပါတယ်”
မနန်းဆိုင်နောင့် (Shan Women's Action Network - SWAN)
“ဒီလှုပ်ရှားမှုနဲ့ ပတ်သက်ပြီး နံပါတ်တစ် အနေနဲ့ ကတော့ ဒေါ်စုကို အားပေးရာ ရောက်မယ်၊ သူ့မွေးနေ့မှာသာ မဟုတ်ဘဲနဲ့ တခြားနေ့တွေ အတွက်လည်း ဆုတောင်း ပေးရင်၊ မွေးနေ့အတွက် အထူး ဆုတောင်းပေးရင် ပေါ့နော် ပိုကောင်းပါတယ်။ နောက်တခု ကျတော့ ဒေါ်စု အနေနဲ့ မြန်မာနိုင်ငံမှာ နိုင်ငံရေး အကျဉ်းသူ တယောက် ပေါ့နော်၊ တချိန်ထဲမှာပဲ မြန်မာနိုင်ငံရဲ့ နိုင်ငံ့အရေး ကိုလည်းပဲ နိုင်ငံတကာမှာ လှုံ့ဆော်ရင်း၊ ဒေသဆိုင်ရာ အာဆီယံ ဒေသမှာရော၊ WLB တွေ အခြေစိုက်ပြီး လှုပ်ရှားနေတဲ့ နေရာတွေမှာရော ဒီလိုမျိုး မြန်မာနိုင်ငံရဲ့ နိုင်ငံရေး လှုပ်ရှားမှု၊ လှုံ့ဆော်မှု လုပ်တာပါ။ နောက်ပြီးတော့ ဒေါ်စု အတွက်လည်းပဲ နိုင်ငံတကာ ကရော၊ နောက် ကိုယ့်ရဲ့ ဒေသဆိုင်ရာမှာရော ပေါ့နော်၊ အလေးထား၊ သတိထား လာပြီးတော့မှ မြန်မာနိုင်ငံရဲ့ အခြေအနေကို ပြောင်းလဲမှုတွေ အတွက် လုပ်ပေးအောင် လှုံ့ဆော်မှု တခုပါပဲ”
“ဒေါ်အောင်ဆန်းစုကြည် လွတ်မြောက်ရေးဟာ ဘယ်လောက် အရေးပါသလဲ ဆိုတာ ပြောရမယ် ဆိုရင် ဒေါ်စု အပါအ၀င်ပေါ့နော်၊ နိုင်ငံရေး အကျဉ်းသားတွေ အားလုံး လွတ်မြောက်ရေးဟာ မြန်မာနိုင်ငံ တနိုင်ငံလုံး အတွက် အမျိုးသမီး အတွက်၊ လူငယ်အတွက်၊ ကလေး၊ လူကြီး အားလုံးပေါ့လေ မြန်မာ တနိုင်ငံလုံး အတွက် အရေးပါတဲ့ ကိစ္စ ဖြစ်ပါတယ်။ ဒီလို မဟုတ်လို့ ရှိရင် အခု ဒီ မတရားမှုကြီး ပေါ့လေ၊ စစ်အစိုးရက ဒီလူတွေ အပေါ်မှာ မတရား ကျူးလွန်ထားတဲ့ ရာဇ၀တ်မှုကြီးဟာ ဆက်သွားလို့ရှိရင် မြန်မာနိုင်ငံရဲ့ ဒုက္ခကလည်းပဲ သက်ဆိုး ရှည်နေမှာပဲပေါ့။ အရေးကြီးပါတယ်”
“နအဖ ဘက်က မပြောင်းလဲ ဆိုရင်လည်း လုပ်သင့်တာတွေတော့ အများကြီး ရှိမှာပါ။ အဖွဲ့အစည်း အလိုက်ရော၊ တဦးချင်းစီ အလိုက်ရော ပေါ့နော်။ လုပ်သင့်တာတွေ အများကြီး ရှိမှာပဲ။ ဆိုတော့ WLB အနေနဲ့ရော၊ အဖွဲ့ဝင် အဖွဲ့အစည်းတွေ အနေနဲ့ရော သူ့နေရာ ဒေသအလိုက် ဒီ ဖွံ့ဖြိုးရေးတွေ၊ နောက် အမျိုးသမီး စွမ်းအင် မြှင့်တင်ရေးတွေ၊ ဒါဟာ တချိန်အတွက် ပြင်ဆင်မှုတွေ လုပ်နေတာပဲ။ နောက်ပြီး နိုင်ငံတကာ မှာရော၊ ဒေသဆိုင်ရာ မှာရော၊ မြန်မာနိုင်ငံပေါ်မှာ ဖိအားပေးမှုရယ်၊ မြန်မာနိုင်ငံရဲ့ အဓိကကျတဲ့ နိုင်ငံရေး ပြုပြင် ပြောင်းလဲမှုတွေ ဖြစ်လာနိုင်ဖို့နဲ့ သုံးပွင့်ဆိုင် ဆွေးနွေးပွဲတွေလည်း ရလာနိုင်ဖို့ အတွက်လည်း လှုံ့ဆော်မှုတွေ လုပ်နေတယ်။ ဒါတွေက ဆက်လုပ်သွားရမှာပဲ။ နောက်တခု ကလည်းပဲ မြန်မာနိုင်ငံ အတွင်းမှာရှိတဲ့ လူတွေလည်းပဲ လုပ်နိုင်တာတွေ၊ လုပ်သင့်တာတွေ၊ သူတို့ တဦးချင်းစီ အလိုက်၊ အဖွဲ့အစည်းချင်း အလိုက် လုပ်နေတာတွေလည်း ရှိနေပါတယ်။ လုပ်သင့်ပါတယ်။ နောက်တခုက မြန်မာနိုင်ငံက မြန်မာ့ တပ်မတော် အနေနဲ့ကလည်း သူတို့ လုပ်သင့် လုပ်ထိုက်တာတွေ ရှိမှာပါ။ ဆိုတော့ မြန်မာနိုင်ငံရဲ့ နိုင်ငံရေး ပြောင်းလဲမှုကြီးမှာ သူတို့ လုပ်နိုင်တာတွေ ရှိပါတယ်။ သူတို့လည်း သိမှာပါ။ ဘာတွေ လုပ်သင့်သလဲ ဆိုတာကို။ ဒါတွေ လုပ်နိုင်မယ်ဆိုလို့ ရှိရင်လည်း ပြောင်းလဲမှုတွေ ဖြစ်ပြီးတော့မှ အပေါင်း လက္ခဏာ ဆောင်တဲ့ မြန်မာနိုင်ငံရဲ့ ရှေ့ရေးဆိုတာကို ပုံဖော်နိုင်မှာပါ”
“ဒေါ်စုက မတရားမှုတွေကို သတ္တိရှိရှိနဲ့၊ ကတိနဲ့ သစ္စာနဲ့ ကျော်လွှားနေတဲ့ လူလို့ ပြောလို့ ရပါတယ်။ မတရား ချုပ်နှောင် ထားတယ်။ နောက်ပြီးတော့မှ ဘာအခွင့်အရေးမှ မပေးဘူးပေါ့နော်။ သူရဲ့ မြန်မာနိုင်ငံ အကျိုးအတွက် လုပ်ဖို့ကိုလည်း အခွင့်အရေး မပေးဘူး ဆိုတော့ ဒါက စကားတခွန်း အနေနဲ့ ပြောချင်တာကတော့ လူသားအပေါ်မှာ ကျူးလွန်နေတဲ့ ရာဇ၀တ်မှုကြီးလို့ပဲ ပြောချင်တယ်။ အဲဒီ ရာဇ၀တ်မှုကြီးကို ဒေါ်စုအနေနဲ့ တော်လှန်နေတဲ့ လူတယောက် ပေါ့နော်”
“ဘာတွေ ပြောချင်သေးသလဲ ဆိုတော့ ကုန်တောင် မကုန်နိုင်ဘူး။ ဒေါ်စုဟာ မြန်မာနိုင်ငံရဲ့ ခေါင်းဆောင် တယောက် ဖြစ်တယ် ပေါ့နော်။ တခြား ခေါင်းဆောင်တွေလည်းပဲ ထောင်ကျနေတဲ့ လူတွေ ရှိတယ်။ အပြင်မှာလည်းပဲ နိုင်ငံရေး လှုပ်ရှားမှုတွေ ရှိပါတယ်။ ထောင်ထဲမှာ မနေရရင်လည်း ထောင်ထဲမှာ နေရသလိုပဲ နိုင်ငံရေး ခေါင်းဆောင်တွေလည်း ရှိနေပါတယ် ပေါ့လေ။ နောက်ပြီးတော့မှ ဒီခေါင်းဆောင်တွေ တစုတစည်းနဲ့ လုပ်သွားနိုင်မယ်။ ဒါတွေက မြန်မာနိုင်ငံအတွက် အရေးကြီးတဲ့ကိစ္စ ဖြစ်တယ်။ ခေါင်းဆောင်တွေ ဒေါ်စု အပါအ၀င် ပေါ့လေ၊ တခြား ခေါင်းဆောင်တွေ၊ နိုင်ငံရေး အကျဉ်းသားတွေ လွတ်မြောက် လာပြီးတော့မှ မြန်မာနိုင်ငံ ရှေ့ရေးအတွက် အားလုံး ၀ိုင်းဝန်း လုပ်သွားနိုင်မယ့် အချိန် ရောက်လာမယ်လို့ မျှော်လင့်တယ်။ မျှော်လင့်နိုင်အောင်လည်းပဲ ကိုယ့်နေရာ ဒေသအလိုက် ခုန ပြောသလိုပဲ တဦးချင်း အလိုက်၊ အဖွဲ့အစည်း အလိုက် လုပ်ဆောင်သွားကြမယ် ဆိုရင်တော့ ဖြစ်နိုင်မှာပါ”
မသင်းသင်းအောင် (Women's Rights and Welfare Association of Burma - WRWAB)
“ဒေါ်အောင်ဆန်း စုကြည်နဲ့ မြန်မာပြည် အတွင်းက လူ့အခွင့်အရေး လှုပ်ရှားတဲ့ လူတွေ၊ နိုင်ငံရေး အကျဉ်းသားတွေ အားလုံးကို အကျဉ်းထောင် ထဲကနေ၊ ထိန်းချုပ်မှုတွေ ကနေ လွတ်စေချင်တာက ပြည်သူ အားလုံးရဲ့ ရင်ထဲမှာ ရှိတဲ့ဆန္ဒ၊ ရှိထားပြီးသား ဆန္ဒဖြစ်တယ်။ အဲဒီ ဆန္ဒတွေကို ဒီလိုမျိုး လက်မှတ်ရေးထိုး တောင်းဆိုမှုတွေ၊ ပို့စ်ကတ် ကင်ပိန်းတွေ လုပ်ခြင်းအားဖြင့် သူတို့ရဲ့ ဆန္ဒတွေကို ထုတ်ဖော် ပြသခွင့် ရတယ် ပေါ့နော်။ ပြည်သူတွေက တဦးချင်း သာမက အုပ်စုလိုက် တစုတစည်းထဲ တချိန်တည်းမှာ ထုတ်ဖော် ပြသခွင့် ရကြတဲ့ အဲဒီ အခွင့်အရေး တချက် ရှိတယ်။
အခု နအဖ က နိုင်ငံတကာမှာ ပြောနေတာကတော့ ဒေါ်အောင်ဆန်း စုကြည်ဟာ မြန်မာနိုင်ငံရဲ့ လက်ရှိ နိုင်ငံရေးမှာ ဘာမှ အရေးမပါ တော့ဘူး။ ပြည်သူတွေက မေ့နေပြီ၊ သတိတောင် မရတော့ဘူး ဆိုတာမျိုးတွေ ပြောနေတယ်။ အဲဒီလို ပြောနေတဲ့ အချိန်မှာ ကျမတို့ ပြည်သူတွေက ပို့စ်ကတ်တွေမှာ လက်မှတ် ထိုးပြီးတော့ ဒေါ်အောင်ဆန်း စုကြည်ကို ငါတို့ လုံးဝ မမေ့သေးဘူး၊ ငါတို့ ရင်ထဲမှာ ဒေါ်အောင်ဆန်း စုကြည်ဟာ မြန်မာနိုင်ငံ အတွက် အရေးပါတဲ့ သူတယောက် ဖြစ်တယ် ဆိုတာကို ဖော်ပြ လိုက်ခြင်းအားဖြင့် နအဖကို အဖြေတခု ပေးလိုက်ခြင်းလည်း ဖြစ်တယ်။
နောက်တခုက နေအိမ် အကျဉ်းချ ခံနေရတဲ့ ဒေါ်အောင်ဆန်း စုကြည် အနေနဲ့လည်း ကျမတို့ ပြည်သူတွေဟာ သူရဲ့နောက်မှာ ရှိနေတယ်၊ သူ့ရဲ့ ခေါင်းဆောင်မှုကို အမြဲတမ်း အားပေးနေတယ်၊ သူ့ကို ထောက်ခံမှုတွေ ပြသနေတယ်၊ သူ့ရဲ့ လွတ်မြောက်ရေးကို တောင်းဆိုနေတယ် ဆိုတာ သူ သိမယ်။ သူ သိတဲ့ အခါမှာ သူ့ရဲ့ ဆက်ပြီးတော့ လုပ်သွားမယ့် လုပ်ငန်းမှာ စိတ်ဓာတ် ခွန်အားတခု ဖြစ်စေမယ်လို့ ကျမတို့ ယုံကြည်တယ်။ အဲဒါကတော့ အကျိုးအမြတ် ပေါ့နော်”
“ဒေါ်အောင်ဆန်း စုကြည်ဟာ သာမန် လူတယောက် မဟုတ်ဘူး။ ဒေါ်အောင်ဆန်း စုကြည်ဟာ မြန်မာနိုင်ငံမှာ ရှိတဲ့ တိုင်းရင်းသား လူမျိုးပေါင်းစုံ ပါဝင်တဲ့ မြန်မာလူထု တရပ်လုံးရဲ့ ရှေ့ကနေ မားမားမတ်မတ် ရပ်တည် ပြီးတော့ တရား မျှတမှုနဲ့ ဒီမိုကရေစီ ရရှိရေး အတွက် တိုက်ပွဲ ၀င်နေတဲ့ နိုင်ငံ့ ခေါင်းဆောင်ကောင်း တယောက် ဖြစ်တယ်။ အဲဒီအခါ ကျတော့ ပြည်သူလူထု တရပ်လုံးရဲ့ အိပ်မက်ဖြစ်တဲ့ လူ့ အခွင့်အရေးနဲ့ ဒီမိုကရေစီ အခွင့်အရေးကို အခြေခံဖြစ်တဲ့ တရားမျှတမှု ရဖို့ဆိုတဲ့ အိပ်မက် တခုကို ဖော်နိုင်ဖို့ အတွက်က ဒေါ်အောင်ဆန်း စုကြည်ဟာ အင်မတန် အရေးပါတဲ့ ခေါင်းဆောင်တဦး ဖြစ်တယ်။
နောက်တခုက ဒေါ်အောင်ဆန်း စုကြည် အနေနဲ့ မြန်မာနိုင်ငံရဲ့ အနာဂတ်မှာ ကျမတို့ မျှော်မှန်းထားတဲ့ စစ်မှန်တဲ့ ဒီမိုကရေစီ ဖက်ဒရယ် ပြည်ထောင်စု တည်ဆောက်တဲ့ နေရာမှာ တိုင်းရင်းသား ပေါင်းစုံရဲ့ အင်အားတွေကို စုစည်း ပြီးတော့မှ၊ သူတို့ရဲ့ ထောက်ခံမှု ရယူပြီးတော့မှ စစ်မှန်တဲ့ ဖက်ဒရယ် ပြည်ထောင်စုကို တည်ထောင် နိုင်မယ့် ခေါင်းဆောင် တယောက် ဖြစ်တယ်လို့ ကျမတို့က မြင်ထားတော့ သူဟာ အင်မတန် အရေးပါတယ်လို့ ကျမ ယူဆတယ်”
“ဒေါ်အောင်ဆန်း စုကြည်ကို ကျမမြင်တဲ့ အမြင်ကတော့ ဒေါ်အောင်ဆန်း စုကြည်ဟာ မြန်မာနိုင်ငံမှာ ဒီမိုကရေစီ ရရှိရေး အတွက် လှုပ်ရှား နေကြတဲ့ ဒီမိုကရေစီ တော်လှန်ရေး တခုလုံးရဲ့ ပြယုဂ်တခု ဖြစ်တယ်လို့ မြင်တယ်။ ဘာလို့လဲ ဆိုတော့ ဒေါ်အောင်ဆန်း စုကြည်ဟာ သာမန် လူတယောက် ဆိုတဲ့ အနေအထားမျိုး မဟုတ်တော့ဘူး။ ဒေါ်အောင်ဆန်း စုကြည်ဟာ အခုလက်ရှိ လှုပ်ရှားနေကြတဲ့ ဒီမိုကရေစီ လှုပ်ရှားမှု တခုလုံးကို ကိုယ်စားပြု နေတယ်။ နောက်ပြီးတော့ မြန်မာပြည် အတွင်းမှာ လူ့အခွင့်အရေး အခြေအနေ ဘယ်လောက်ထိ ဆိုးဝါးနေတယ်၊ ဒီမိုကရေစီ အခွင့်အရေး ချိုးဖောက် ခံရတာက ဘယ်လိုရှိနေလဲ ဆိုတာကို သုံးသပ်မယ် ဆိုရင်လည်း ဒေါ်အောင်ဆန်း စုကြည်ကို ဖမ်းဆီးထားခြင်း၊ သူ့ လှုပ်ရှားမှုတွေကို ထိန်းချုပ်ထားခြင်း ဘယ်လောက် အထိ ရှိလဲဆိုတာနဲ့ တိုင်းတာလို့ ရတယ်။ အဲဒီ အခြေအနေက၊ ဒေါ်အောင်ဆန်း စုကြည်ကို အခုလို ဖမ်းဆီးထားတယ် ဆိုတာက မြန်မာနိုင်ငံရဲ့ အခြေအနေဟာ လုံးဝ မကောင်းဘူးလို့ ပြောလို့ ရတယ်။ ဒါ့ကြောင့်မို့လို့ ဒေါ်အောင်ဆန်း စုကြည်ကို ကျမ မြင်တာကတော့ မြန်မာနိုင်ငံရဲ့ ဒီမိုကရေစီ လှုပ်ရှားမှုကြီး တခုလုံးရဲ့ အခြေအနေကို ထင်ဟပ်စေတဲ့ ပြယုဂ် တခုလို့ ကျမမြင်တယ်”
